Home
派單張 - 2003/09/20
工作坊
2003年9月26, 28日, 教會佈道會.
9月20日, Student Zone同YA Zone的弟兄姊妹去了大Mall小Mall, 派福音單張.
早上, AFC在城北華基舉辦了一個生命敬拜的工作坊.
Workshop某程度上與派單張有time conflict, 之前都有掙扎過, 計算過,
最後決定去Workshop, 但skip the 3rd part.
關於workshop的內容, 神容許, 會在<<雅歌篇>>有更詳盡分享.
在這裡只談些感恩感想:
 |
感謝神, 讓我在機會敬拜祂, not just 音樂, 而是一生, 每一個生活層面中; |
|
感謝神, 因為祂讓我有領敬拜的恩賜, 神用敬拜的人, 又接納一個冇乜techni的人; |
最令我安慰是: 講員之一的梁沃厚先生, 起初事奉之時, 也沒有音樂底, 但神用佢, 又用我, 因為孩子不是為音樂而音樂, 乃是透過音樂去互相建立.
當然, practice和進修是必要.
人愛一開始就否定和批評別人, 神選擇了先接納再陶造, 這是兩者的分別.
回家那夜, 落去下面游水, 游水的時侯, 對了一對關於敬拜/祈禱的對聯:
高歌一曲 一首詩歌頌主千載奏
微聲訴說 訴表心聲喜代萬人求
用諧音來對, 有點古惑, anyway, 盼與大家共勉.
派單張
總算趕到, 準時出發.
派單張, 記得五年多前, 初信, 第一次派好驚, 派0左好年, 今日派, 依然好驚.
去Scarborough Town Center派, 同Bonnie & Coby 一 team. 另有Ginny, Karen & Derek, Connie & Albert 三 teams. Scarborough Town Center分樓上樓下, 於是, 同Ginny team 太公分豬肉. 佢0地東, 我0地西, 佢0地上, 我0地落.
行動有D似亞伯拉罕同羅得咁, 但係又唔係咁貼切.
心志似約押同亞比篩多D. (撒下10:11-12)
樓上樓下.....樓下樓上....
我當時自言自語, 口中唸唸有詞, Bonnie以為我在吟詩, 其實唔係.
不過, 作一作, 唔工整又何妨呢?
人來人往 人往人來 舉目觀看福音禾場
樓上樓下 樓下樓上 踏遍商場派發單張
和Bonnie & Coby一路有講有笑, 發覺三人行比較有壓逼力, 改用二前一後車輪式派單張法, 又立志: 「派晒先有雪糕食.」 「感謝神! 派晒! 有得食.」
有時侯, 覺得派單張會好死實, 左揀右揀, 按貌辨色,
係咪中國人...識唔識廣東話...望完人研究一輪先行埋去講,
講唔夠一分鐘, 下一個.....唔該.
現正上一個sales & promotion course, 但教識我一樣0野 be open mind.
孩子都要好好學習:
點解我唔可以試下烏鴉講國語?
點解我唔可以唔講佈道會, 講生活/講信仰?
點解我唔可以同其他種族的人講呢?
當然, target group係唐人, 但係「西人Mall」嘛!
冇「人」, 點算? 遇到D人唔似人, 鬼唔似鬼, 又點算?
(唔係歧視, 但係咁講比較易明. 在多元文化的多人多, 好難按貌辨色.)
派單張會遇到唔同的人, 也見到人生百態.
有人accept, 有人reject, 也遇到有人扮唔識聽, 扮天主教徒, 亦遇到唔返教會的基督徒...
可能一時感觸, 聽到身邊有人哼著<<獅子山下>>, 令我起了個怪念頭.
冇calling改晒全首, 改少少, 邊個有感動就請改埋佢啦!
傳福音有驚喜 難免亦嘗拒絕
我地大家在基督腳下相勵勉
深信是:恩典夠用有餘
傳講天國福音 何必憺怯唏噓?
既是同心在基督腳下甘願去
深知有聖靈導引
你願意由<<獅子山下>>跑到<<基督腳下>>嗎?
感謝神, 有咁多弟兄姊妹走出去派單張和邀請親朋,
尤其見到孩子果組, 所有弟兄姊妹都去派單張和邀請, 令我好受激勵.
又感謝神, 有弟兄姊妹為此禱告, 和在佈道會中參加和服事.
我知道聖靈唔會受撒旦的權勢而有所攔阻, 自由的聖靈, 能叫人得自由.
某日, 想不到的某一天, 我們身邊的家人朋友會因為主而信主.