Billy Lau Ho-Him's Home Page
Email address: [email protected]　

Profile

Resume

Sharing

Word

Goal

Link

母親節隨想曲 - 05/03/03

母親節又到,小組裡的弟兄姊妹商量如何邀請父母一齊食餐飯,appreciate下佢0地對我們的養育之恩.

在談到有關揀歌獻唱的問題時,才發覺年年都係唱果幾隻歌.

唔係<<媽媽好>>,就是許冠傑的<<父母恩>>,或者是Beyond的一首<<真的愛你>>.

教會詩歌,唱來唱去,就只有一首<<橋>>.

以親恩作題材的歌有,但不多,出名的就只有這幾首.

孩子氣

讚揚父母養育之恩的歌詞,

寫得好美妙動聽,唱出來亦的確是真情流露.

但每當想起我們和父母的真實關係時:

我們總是嫌父母太煩,太小心眼,太愛多管閒事.

我們內心深處對父母的愛當然是真心,

可是那份各不相讓/愛理不理的性子也假不了.

唔知點解,父母愛在人面前用誇大的口讚揚兒女,

令略有自知之名的我們覺得十分尷尬;

私底下,又酷愛"潤"人,惹兒女的氣,令我們志氣盡失.

「做乜將我同人比?我一定有D 0野比唔上人.」

「做乜唔比我返教會?我都好想做到你所講咁委身,但係...我冇咁痴迷.」

一句到尾:

多謝父母的說話,年年都了毋新意,

更可悲是像大祭司咁,只一年一次獻上這個"贖罪祭".

鬥氣和埋怨卻日日如是,天天新款.

再不然,把屋企變做酒店的,亦大有人在.

許多出out town的讀書人,

除了是盼望畢業,or出人頭地以外,還有另一個心志.

我們喜歡為自己的自由,而無顧父母的感受,去堅持到底;

愛為「誰是誰非」而爭到面紅耳熱;

其實,無論誰是誰非,我們對父母的態度都有待改善.

這令我想起Twins首歌<<朋友仔>>中一段歌詞:

無論是為什么都好

首先最錯我的態度

懊悔昨日那么嘈

然後霎時之間想起  -  我父母

遊子吟

唔知點解,在父母眼中,

兒女永遠是個長不大的BB仔,

嚕囌是少不了的.

年少氣盛,愛鬥嘴.

長大了,不再依然故我,

才明白父母的辛勞.

然而,到四五十歲都大唔透,

乃要跟年老的雙親過唔去的,

亦大有人在.

小時侯讀<<燕詩>>,就是講呢類人:

思汝為雛日

高飛背母時

當時父母念

今日汝應知

真善美講座其中一個主題就是順從權柄.

原來神在地上為我們設了許多代表權柄,為要保護我們.

在正常的情況底下,人只有在這些代表權柄護蔭下才能健康成長,

不能順從代表權柄的人,也不懂順服神.

這樣的人,神不會重用.

誰是我們的代表權柄呢?

就是父母,上司,師長和政府.

凡事謙卑,全心順服的人就會升高;

心驕氣傲,悖逆成性之流定必下降.

中國人話:「百行以孝為先.」

聖經亦說:「當孝敬父母,使你的日子在耶和華你　神所賜你的地上得以長久.」

順服不同於屈服,是植根於一份情,而不是出是勉強.

唐朝詩人孟郊的一首<<遊子吟>>最能表達孝敬父母的那份赤子之心.

慈母手中線    遊子身上衣

臨行密密縫    意恐遲遲歸

誰言寸草心    報得三春暉

想來有點匪夷所思.

地上的青草如何報答春日太陽的溫暖呢?

這亦可用來比喻天父和我們的關係.

但願遊子早早歸回.

其實,平時多一刻陪伴,少一句頂撞,

比一日之內的千萬句甜言蜜語,

不是更好么?

樹欲靜而風不息    子欲養而親不待

我是<<燕詩>>裡無情的小燕子?

還是寸草情深的遊子呢?

我什么時侯才長大成人,不再作小孩子,明白父母慈恩呢?

天地情    父母恩

春風秋雨伴我行

親子情

爸爸媽媽要返工,我從少就住在婆婆家裡,和一眾舅父一起生活.

去南非,來加拿大,媽媽依然因為工作,遲遲不歸.

聚少離多,和媽咪一起生活的日子實在數得出咁少.

有時侯我想:究竟賺錢緊要?還是家人相聚要緊呢?

一個家庭,冇錢唔得,但有錢唔代表有幸福.

「天各一方,為爭一餐米飯」,

是否真比「聚首一堂,共嘗一碢稀粥」更歡喜快樂呢?

有飯食當然最好,食粥又何妨呢?

多少家庭三餐不繼,手停口停,

我們有衣有食,為何依然憂柴憂米?

有很多家庭需要我們記念和接濟,

我們又有沒有一份為國為民的心腸,

甘願出錢出力去扶助接濟患難中的孤兒寡婦呢?

但願我們多多學習:

不單顧自己的事,也不停留於自掃門前雪的境地.

小時侯住在婆婆家裡,爸爸媽媽放工後都會來探我.

佢0地返屋企的時侯,我這個有家歸不得的遊子都會好唔開心.

那時,媽咪買了一套路家敏姐姐唱的兒歌,是我至今亦非常愛聽的.

其中有首<<爸爸媽媽你去邊>>,歌詞很有意思.

子:媽媽    你去邊?

母:我要出去賺錢

子:媽媽    抱我先!

母:乖乖    今晚見

     我好想時時陪陪乖乖你

     唱唱歌仔談談詩

     但現實人人都工作

     你要快對我說再見

子:媽媽    拜拜!

93年,從南非回港三星期.

那時電視機經常播放由曾路得與鄭丹瑞合唱的歌 - <<給最愛女兒的說話>>.

歌詞充份表達了父母的心聲,留給作子女的我們很多思想的空間,值得推介.

緊握緊握的一雙小手
教我有著太多感受
你現在或是不解這一番心意
留在你童年以後

活著活著是永遠尋求

每個際遇要安心靜候
算了吧 人成長總有一些起跌
長路裡有我在背後

喜歡的不代表佔有
替彼方想多一想
世情易接受 如感迷途
不要徬徨 嘆息收起 望以後

路上路上或挫折重重
每每挫敗也許不易受
要記著事事如不可以 不必強求
難受處一定有

獨白:
    親愛的女兒,今日我要講o既,
    你可能永遠都唔會明白,
    點解當父母認為愛你愛得過份的時候,
    你會覺得我o地愛你愛得唔夠,
    假如有一日,當你流住眼淚,
    埋怨爸爸媽媽太唔了解你.
    當你煩燥不安的時候,
    請你靜一靜,想一想.
    然後,希望你明白,希望你容忍,
    希望你繼續,愛你的爸爸,愛你的媽媽.

喜歡的不代表佔有
替彼方想多一想
世情易接受 如感迷途
不要徬徨 嘆息收起 望以後

路上路上或許多引誘
愛意決定你想施或受
這段話 寶寶很想你聽多幾遍
能共你心伴奏

孔子日

所謂「家家有本難唸的經」,

以前有個廣告,裡面有關德興師父說:「家和萬事興,家衰口不停」

父母愛子女的心既然是無微不致,

為什么些小的誤解可令關係破裂?

為什么過份的溺愛會把兒女寵壞?

從前的人生養眾多,

冇大魚大肉,亦不能供書教學,

孩子們都是天生天養,

卻能克苦耐勞,忠厚老實;

我們卻譏笑生養眾多謂「冇知識」,

卻忘記這是聖經從創世記就有的教導.

今日是兩個就夠晒數的年代,

如珠如寶,萬千寵愛在一身,

未生下來,就為他計劃一切,

要吸收最好的營養,要入讀最好的學校,

難道卻調教出一班嬌生慣養,養尊處優,貪威識食,練精學懶,

冇鬥志,容易疲累,容易give up的社會寄生蟲?

原來生命的素質,唔係用錢同知識可以培育出來.

當父母是唯利是是之徒,孩子會有樣學樣.

細過訓練佢做「小霸王」以為好過癮,

到仔大女大,先知道有問題就太遲.

(又回到<<燕詩>>裡的咒詛.)

同樣,當父母敬畏神,

(唔係講緊信唔信耶穌,係敬唔敬畏),

會懂得如何教養兒女,到老不偏離.

是生命影響生命,

用生活對付生活.

孩子忽有奇想:

做兒女的,借母親節/父親節去一表答謝親恩,

做父母的,又係咪好應該借兒童節去感謝神恩呢?

或許兩者都可以是記念孤兒寡婦的好時機.

要為兒女向神感恩:

「兒女是耶和華所賜的產業,所懷的胎是他所給的賞賜.」

或者,有時侯仔女會令父母六神無主,三魂唔見七魄.

佢出門,你掛心;

佢在家,你激心;

佢生病,非常痛心;

佢長大,依然擔心;

原來神要父母在勞心,粗心和費心以上,多一顆會感謝的心.

盡力盡心去教,佢定要行差踏錯,

有時侯唔到你控制,

真係要學識交託.

佢快高長大,肥肥白白,唔係必然;

佢生性做人,聽聽話話,真係恩典.

真善美講座又教導,為人父母的,要學會let go.

原來人要離開父母,與妻子聯合.

這句話對夫婦講,亦是對父母講 - let go.

要作主門徒,我們就要學會let go父母,妻兒,弟兄姊妹,房屋田地,專心跟從耶穌.

Let go唔係唔理,係放手比神.

神應許這樣的人,在今世必得百倍,就是父母,妻兒,弟兄姊妹,房屋田地,來世必有永生.

我0地唔係神,唔係救世主,

我0地唔能夠叫死人復活,

亦冇能力保守一個人的生命活得更豐盛.

所以要學會let go!!

望子心

究竟父母對子女有什么期望呢?

什么叫望子成龍?

做醫生?做律師?做會計師都好有前途.

要聽教聽話,精乖聆俐?

忠忠直直係咪一定會乞食呢?

「我希望我的仔女每日讀經,在十二歲之前,至少背到申命記同羅馬書.」

細過好唔鐘意爸爸媽媽逼我溫書同做功課,

連星期六都要去補習,暑假又要學呢樣學果樣.

我鐘意玩,鐘意行街街,鐘意睇電視同訓教.

試過做<<逃學威龍>>,Summer英文班走堂,走足三個月.

去到南非無王管,

日日打機玩電腦.

入U都係危危乎.

現在想來才後悔,

才明白父母的苦心.

三月回港,有機會和一個廠家傾計.

佢話香港D阿媽價值觀唔係好惦.

成績越高分就越乖仔;

賺到越多錢就越叻仔.

令到D仔個個都好自卑,好大壓力.

未必個個阿媽都係咁,但原來望子成龍亦未必係一件好事.

成"龍",都可以有忠奸好壞之分,

就算一世係蟲,佢都係神所創造同愛錫的.

原來果個廠家細個果陣跟家姐返教會,

我媽咪都勸佢返番教會....

後記

神是聽禱告的神,是我們親身經歷到的.

5月9日,小組邀請父母一齊食餐飯.

Queenie 及 Ginny的父母, Eva媽媽, 還有Cherry姨媽都有出席.

我知道神比我們更愛我們的父母,

盼望他們早日接受主,

又盼望我們在家中學習行孝.