Billy Lau Ho-Him's Home Page
Email address: [email protected]　

Profile

Resume

Sharing

Word

Goal

Link

不潔淨 - 03/19/03

話說一場非典型肺炎,彷彿隨著我的足跡,有如旋風一般橫掃香港,北京,上海,廣東省,

三月十八日,返抵多倫多.

從來未試過等行李等咁耐,條行李運送帶停0左兩次,十二點才出到閘.

也不知是班海關趕住收工,還是怕非典型,不查不問,不停揮手叫我0地走.

一出閘,Daddy就話公司來電,叫我打返電話比佢,託非典型肺炎的福,老細唔洗我返工,要我先去睇醫生喎!

第二日,Ginny打電話來,寒喧多時,她說,不如我星期五唔好返church.

我忽然覺得自己變0左個痳瘋病人.

仲以為有人打電話來關心下我,點知全部都係求我唔好見佢0地.

(要知道果陣時仲未有隔離令,香港返來係唔洗自閉十日的.)

我當時問Ginny,我洗唔洗頭蒙爐灰,撕裂衣服,見人就大叫:「不潔淨!不潔淨!」

過了幾日,我去稅局問0野,那個公職人員的態度真的有待改進,

未夠三句就好似想趕我走咁,我又唔係真係有非典型肺炎.

「禍哉!我滅亡了!因為我是個不潔淨的人,又住在嘴唇不潔的民中.」

後來,我發夢,話說我是個鄉下青年,

唔知點解比人追殺,唯有坐火輪車逃到省城,

點知好不幸地中0左SARS,呼吸唔到,要插喉.

我矇矓的睡在隔離病房,冇人理我.

當時,有個人走入0黎,叫我幫佢首歌填詞.

我就將一生種種悲慘遭遇寫出來......

想起首歌,D詞幾有意思:

我似一葉浮萍

奔波千里覓前程

隨流水海角天邊去

歌聲唱未停

眼裡風光曲中寄

只想永留聲

自從離開大學,離開了CCF,

出到社會工作,返回教會裡事奉,

只覺天大地大,前路茫茫,

又覺得教會人才濟濟,

知己伙伴卻找不到多少,

同事雖然一齊打工,卻各懷鬼胎,

弟兄姊妹一起上路,又各奔前程,

我開始學懂一樣0野:

唔好為別人對你的關心和付出有乜0野expectation,只管盡我所能,

總相信終有一日,神會改變我們,對神有expectation.只要心存盼望.

萬軍之耶和華,我的王,我的神啊,

在你祭壇那裡,麻雀為自己找著房屋,

燕子為自己找著菢雛之窩.

如此住在你殿中的,便為有福,

他們仍要讚美你!靠你有力量,

心中想往錫安大道的,

這人便為有福!

他們經過流淚谷,

叫這谷變為泉源之地,

並有秋雨之福蓋滿了全谷.

他們行走,力上加力,

各人到錫安朝見神.

祭壇是用來獻祭的,上面有柴火,

試問麻雀又怎能在其上築巢呢?

究竟是詩人羨慕渴想神的居所,

盼望作一隻雛鴿,獻給神作燔祭?

還是比喻在神裡面覓到的平安呢?

看見秋雨竟會聯想到眼淚,

為什么觸境生情?

眼淚又怎能叫幽谷變作泉源呢?

秋雨春雨,是巴勒斯坦地區農作收成前的必要條件,

流淚撒種的,是否必能歡呼收割?

朝見神的人,既然力上加力,

今日,我們又何必停下來呢?