|
Billy Lau Ho-Him's Home Page |
|
Home |
一件禮物 - 12/25/02
1.得到的禮物 又到聖誕,通常聖誕party都會有交換禮物這環節. 公司Accounting department大部份同事亦準備了一份約 25蚊的禮物,在12月20日,星期五,互相交換.我買了一隻CD,但不夠 25蚊,心裡面感到不平安.本來想買多份補番,但太忙,結果都冇買到. 所以我呼求神,主若許我,讓我揀番自己果份,使我不至於得罪佢.
我一開始冇去打開自己果份,卻搶0左支紅酒番來,結果比人搶0左; 於是我去開另一份禮物,係HBC的gift certificate,又比人搶埋; 架上只剩下我自己的禮物同另一份,我就揀番自己果份了. 我感謝神,因為在這個經歷當中,神讓孩子明白到: 衪是掌管一切,我要先求衪的國和衪的義.
當年,神要委身作CCF committee而拒絕了一個job offer,但神卻在一年之後為我預備了現在的這份工作,沒有經過爭競,也沒有為自己安排,卻得著更美的福份. 今日,在事奉,感情,事業的路上,同樣好似交換禮物咁,究竟邊份禮物合神心意?邊份禮物最適合我呢?神沒有賜我預知未來的能力. 當我們把focus放在禮物上面,它會令我們憂愁. 交比神,相信佢會讓你得到所需要的,我們要先求衪的國和衪的義.
2.愛的禮物 同一日晚上,在團契中有位弟兄帶詩,歌名叫<<一件禮物>>. 歌詞講到「無價的禮物,完美盡善,願你保留,就是耶穌基督,捨身的愛.」 記得果個弟兄提到:「今日無論我0地知唔知道,其實我0地都收到一件禮物,就係耶穌基督自己.有D人拒絕接受(不肯相信);亦有些人收0左,但係從來冇打開過佢;又或者冇珍惜過佢,但係耶穌基督,係可以改變我們生命的神.」
我0地話要讓人知道降生節的意義,又話降生節係記念耶穌. 廿四,廿五,廿六號放假,唔知大家點渡過呢? 除0左特別崇拜,Christmas party之外,我0地親近神的時間係多0左定少0左呢? 似乎行街睇戲的時間已經令我們把平日僅餘的體力都耗盡了. 「親近神?依家放假呀!唔好咁悶啦!」 我覺得好諷刺,我0地可以花幾個鐘頭打机/shopping etc etc,但係接受不了花多點點時間讀經祈禱,把口仲要話降生節係記念耶穌,但行事為人卻和別人一樣.
我說這話,是要勸人回轉,在降生節回到神跟前. 我自己都有同弟兄姊妹行街/睇戲,我不是要禁絕人的自由,我亦不能禁絕. 但係當呢D活動影響到我0地同神的關係,我們就應該為愛的原故減少/停止它們. 事實上,行街/睇戲,或別的事,也當榮耀神,造就人又不絆倒自己才算得是正常同健康. 順從物慾同情慾,只能收取敗壞,其實,神的供應是足夠; 唯有順從聖靈,才能結出屬靈的果子,散發出屬天的香氣.(加 6:8)
神咁愛我0地,也許我0地要趕緊承認自己係幾唔愛神,幾咁放任自己. 幾難明白點解神會愛我 - 一個硬著頸項,經常犯罪的人. 求神幫助我0地每一個,成為一個尋求神,每日竭力進入衪安息的人, 你會發現原來日日都可以享受到主耶穌降生所帶來的喜樂, 亦唔係平安夜先可以唱平安夜,晚晚都可以得著神所賜的平安.
3.失去的禮物 12月24日晚 - 孩人個Cell的Christmas Party. 果晚去0左我Daddy個church平安夜聚餐,佢個church個詩班好好,雖然D詩歌我冇一首識唱,但係好好聽,特別有首<<馬利亞尊主頌>>,幾乎係純經文詩歌. 經文詩歌,係孩子最易吸收的,因為我唔需要懷疑首歌係咪biblical. 場地同耶穌降生"馬槽"一樣,都係借番來,唔係禮堂,係運動場. 當年馬利亞怎樣將耶穌放在飼料槽中, 當晚弟兄姊妹也怎樣將繡了十字架的紫色帳幔掛在著籃球架上. 神讓我從場地同佈置上更深體會神會幕的支搭拆卸與及主降生的卑微.
散會後才趕去cell果個 Christmas party,當晚同樣有交換禮物. 今次,神又讓孩子有不同的領受. 廿一份禮物,有一半是朱古力/糖果,當中有條紅色頸巾,成為一眾姊妹爭奪的禮物. 如果冇記錯,個次序係咁: Sandy -> Joanne -> Queenie -> Ginny -> Jackie.
神好幽默呀! 除0左Cherry姊妹之外,所有女仔的抽籤號數全部都在前頭,所謂「瘦田冇人耕,耕開有人爭」.Cherry冇要到,卻揀0左Jackie買的一本Winnie the Pool相薄,但係Jackie都係得唔到條頸巾,條頸巾最後落在第十八號的Busala手中,總共轉0左六首.
我係十九號. 當時,我問神,我應唔應該繼續陪大家玩(或作: 爭)落下去. 聖靈同我講:「你唔需要佢,揀需要(need),而唔係揀想要(want).再者,我冇安排你玩呢個角逐遊戲.但係卻首先讓你明白它背後的啟示和弟兄姊妹需要學習的功課.」 經過祈禱,神讓我揀0左一盒沐浴露禮品包. 個牌子係Dove - 鴿子,帶幾分屬靈味道. 裡面有隻CD,是一些海邊默想的音樂. 聖靈教人從凌亂步向安寧,使爭鬥化為和平.
交換禮物,可以話係 有人歡喜,有人愁,其實人生都係一樣. 曾經聽過彭家麗唱的一首歌,其中有一段歌詞係咁樣寫:
原來人生有兩樣痛苦: 第一,係當你好恨得到一樣0野的時侯; 第二,係當你唔識珍惜D 人/D 0野的時侯; 得同失 - 都好似係一種痛苦咁.
就好似我0地好想得到條頸巾,得唔到令我0地好失望, 我0地又同時為手上果份禮物暗暗責罵. 我0地永遠都唔識得滿足,永遠都覺得唔開心,就好似全世界,包捨神在內都傷害過我,欺騙緊我,都欠0左我咁. 但其實真正虧欠神的人原來係我自己呀!
寶貴是:神仲肯愛我,甚至已經為我犧牲0左自己. 主耶穌復活,佢比我新生命,我可以從這種痛苦當中得著釋放,我生命中只要有神,有衣有食就可以知足.敬虔加上知足的心就是大利了.(提後 6:6-8)
4.收禮物的人 一生之中,神比0左我0地每一個人好多份禮物: 「神既不愛惜自己的兒子為我們眾人捨了,豈不也把萬物和他一同白白地賜給我們嗎?」(羅 8:32) 除了主耶穌自己,一份我們應該視為至寶的禮物,神賜比我們有父母,妻兒,親人,弟兄姊妹,有身體,有工做,有書讀,有份於事奉之中.....(你未必樣樣都有,人人唔同啦! OK!) 其實我0地真係好幸福.
但係我0地最會嫌三嫌四. 抱怨人有我冇; 我有又唔夠人好; 已經擁有的,我當係草; 好恨得到的,又得唔到; 我可以怎樣說呢? 那原本叫我喜樂的禮物,為何反倒叫我憂愁呢? 人生點先可以知足呢?
親近神. 每日花多D時間親近神,讀經,祈禱. 只有一個得著神的人才能懂得知足. 只有完全獻心與神的人才懂得完全地愛身邊的人,與及享用身邊的物. 缺少禮物的當求最寶貴的禮物,就是耶穌基督; 禮物豐足的卻要像冇禮物的,將自己全然歸與神. 耶穌說:
我們的擔子是世人世物,是沈重的; 主耶穌的擔子是十字架,乃是輕省. 我們要負衪的軛,學衪的樣式,就必得享安息.
|