Home
2003 Fall Term Sunday School - 09/14/03
在基督裡的屬靈福氣 以弗所書 1:1-14
思想問題:
有冇試過買一樣0野, 令你覺得有著數/蝕底0左?
有什么因素令你覺得著數/蝕底? 請列出.
前言:
讀 以弗所書有個困難, 字, 隻隻都識讀, term, 個個都熟, 若細心思想, 其實唔易明.
讀第一章四至十四節, 要留意:
1. 時式, 只有第十節是future tense, 其他都是past tense, means everything is done.
2. 重覆的詞語: 「在......裡」,「稱讚」,「我們/你們」
vs 3 福氣
保羅係唔係在感謝神呢? (點解係? 點解唔係?)
對於你而言, 什么是在基督耶穌裡而有的屬靈福氣呢? 請列出.
你有沒有曾經經歷過一個屬靈福氣呢? 請分享.
你現在最需要/最想得著的屬靈福氣又是什么呢?
vs 4-6 福氣<一> 揀選
經文話: 神從創世以前揀選了我們成為聖潔, 預定我們得兒子名份.
問題係: 你真的成為聖潔了嗎? 一個人的得救又是否出於預定同揀選呢?
vs 7-10 福氣<二> 救贖
「愛子的血, 罪得赦免」, 點解血可以赦罪?
什么叫「在基督裡同歸於一」? 同歸於一又同救贖有什么關係呢? 點解要連住講?
留意由七至十節, 保羅用了什么形容詞s 介紹「同歸於一」神的這個心意呢? (用咁多形容詞s 代表它有多重要.) 如果咁重要, 咁「在基督裡同歸於一」對你有什么意義呢?
這個真理曾經 impact 過你的生命嗎? 有冇都請分享.
vs 11-14 福氣<三> 產業
什么是產業? vs 11
我們如何曉得自己已經得到產業呢? vs 13-14
有產業的人和別人在生活和處事上有何分別?
結語
1. 在基督裡的福氣s
2. 神的心願 (vs 3, 6, 12, 14)
3. 立志/回應
金句:
「你們既聽見真理的道, 就是那叫你們得救的福音, 也信了基督, 既然信他, 就受了所應許的聖靈為印記. 這聖靈是我們得基業的憑據, 直等到 神之民被贖, 使他的榮耀得著稱讚.」 (13-14)
附錄: 主日學問題研討部份
vs 3 福氣
保羅係唔係感謝神, 可以係, 可以唔係.
係 - 他為神賜的各樣屬靈福氣讚美神;
唔係 - 他求神叫我們為神賜的各樣屬靈福氣讚美神.
值得一提: 保羅作的是屬靈福氣的舉例, 而不是屬靈福氣的全部. 所以唔洗驚講錯, 亦唔洗一定要base on 4-14節, 自由發揮.
vs 4-6 福氣<一> 揀選
聖潔 vs 犯罪: 這裡話我們成為聖潔甚至無有瑕疵, 但我們依然會犯罪, 咁即係點呢?
預定同揀選: 人唔係有自由意志么?
要解釋這兩個難題, 關鍵在於一個phrase: 「在基督裡」
用麻鷹捉雞仔做比喻, 雞仔冇能力去對抗麻鷹, 正如人冇力自救和自我成聖一樣, 但一切在母雞護陰下的雞仔, 都能夠避過麻鷹. 「在基督裡」就是這個意思.
「在基督裡」成為聖潔, 又預定和揀選「在基督裡」的.
神的話語沒有一句不帶能力, 聖潔無有瑕疵 + 預定同揀選 可以對你有何等impact呢?
佢0地唔係一D神學討論, 係生命同生活的承載基礎.
當你知道自己已經「在基督裡」成為聖潔, 也就是話你有能力勝過罪, 有能力活得比昨天更像基督. 神預定和揀選「在基督裡」的你, 你身份唔同, 使命唔同0左, 你有價值唔係地底泥, 你有能力, 唔係廢柴.
vs 7-10 福氣<二> 救贖
「若不流血, 罪不得赦免.」牛羊流血不能赦罪, 主耶穌流血, 果幾升血也不能除罪.
講的不是physical的血, 是symbolic meaning.
血令人聯想到兩方面:
1. 受傷和死亡 eg. 撞車, 兇殺, 吐血, 中毒七孔流血....
2. 救護與犧牲 eg. 捐血, 輸血, 獻祭, 十字架....
因此, 血一方面令人想到罪同死亡, 同時間令人明白神的赦免, 犧牲的愛.
同歸於一: 一般認為是指主再來時, 神 + 人 + 萬物的復和.
要了解同歸於一同救贖的關係, 以及這個真理何以能impact到你我的生命, 讓我們先明白初期教會和以弗所教會的背景:
初期教會有猶太人, 亦有外邦人, 在生活文化和信仰觀點上有很大分別, 以弗所是個多元文代的城市, 彼此間的衝突更甚, 教會生活如何能製造和睦呢?
同歸於一同救贖的關係在於個人被神接納的同時, 神亦接納了別人, 接納了你我他.
今日, 同樣活在多元文代的城市, 同一個教會, 三堂四地的人聚在一起. (國/粵/英, 中/港/台/土生) 點相處呢? 乜都分開? 唔瞅唔睬?
就是同一個Zone, 同一個cell, 都問題多多, 點解意見不合就以後都唔肯原諒你的弟兄姊妹? 點解唔buy 牧者長執果套就要轉教會呢?
唔係要息事寧人, 唔係要啞忍, 有衝突正常, 唔係罪
如果唔係信耶穌, 我點解要返church, 同班三唔識七, 同我未必有共同興趣的人一齊好么? 我點解要愛你, 點解要服事你, 點解要忍你, 點解要比你hurt?
點解有能力繼續去愛, 去和好, 去付出呀?
因為同歸於一, 因為神愛我愛你, 因為主耶穌救了我, 赦免我, 又救了你, 赦免你.
vs 11-14 福氣<三> 產業
簡單而言, 神是我們的產業, 我們是神的產業.
神既是我們的產業, 那么, 一切屬於祂的都屬於我們.
祂的兒子, 祂的同在, 以致萬物都屬於我們.
我們既是神的產業, 那么, 一切屬於我們的都屬於祂.
我們的時間, 金錢, 精神, 力氣, 生活一切......
根據經文, 聽:道 + 信:主 + 受:聖靈 就是三個有產業的證明.
正如羅馬書話: 「神神若幫助我們, 誰能敵擋我們呢? 神既不愛惜自己的兒子為我們眾人捨了, 豈不也把萬物和他一同白白地賜給我們嗎?」(8: 31-32)
當我們明白到神是我們的產業, 就可以活著是主.
因為我們有神的兒子, 有神的同在, 我們就無懼委身;
因為連萬物都已經賜給我們, 我們又何需再貪愛世界呢?
關於受聖靈, 坦白講, 孩子對聖靈的認識非常有限, 亦離開了今堂的討論範圍.
生活上, 點樣經歷聖靈, 點樣順服聖靈, 點樣求問聖靈, 值得大家思想下.
結語
留意經文非常強調頌讚, vs 3, 6, 12, 14.
經文提到的屬靈福氣都有一個目的: 「叫神的榮耀得著稱讚.」
容許我用一個圖表做總結, 解釋以弗所書第一章的結構:
