2006/11/01 最大單日跌幅
11月 1日, 加國財長 Jim Flaherty 動議收改現有對 income trust的稅務條例, 令原本唔洗比稅既 income trust, 由 2011年開始就要打 31.5%稅.
此舉令多指的 income trust 指數在一日之間「插水式」下跌 12%, 11月 2日再跌 4%.
11月 1日, 多指一開市就跌 300點, income trust index更加跌左 18%, 仇都冇得報, 後市略回, 不過, 依然好傷.
當日埋單結數, Billy係一日之內 net worth冇左 $6,000, 係 Billy歷史以來, 最大單日 net worth$ 跌幅. (多指蒸發二百億加元)
第一日己經跌 $6,000, 第二日又會點呢? 係升? 定係跌?
一日人間蒸發左咁多錢, 話比你聽我無動於衷係耍你.
不過, 我果晚依然有感謝神:
 |
第一, 係 10月中放左一大筆 income trust, 不然的話, 單日跌幅就會變成 $8,200. |
|
第二, 雖然蝕左咁多, 不過, 以多指跌 300點來計算, 跌幅唔算太過份. |
|
第三, year to date 投資回報 %依然維持在雙位數. |
通常跌市第一晚既反應係不停認罪, 今次都唔例外. 不過, 當我不停咁數臭自己果陣, 聖靈好似滿帶懷疑咁問: 「你犯罪點解我唔知? 冇罪就唔好亂咁認, 雖然你都唔見得好, 不過, 至少係呢件事上你冇罪嘛!! 你亦唔洗搬番十年前 D帳出來, 虧你仲記得.」
有時真係覺得神對我好到冇得再好, 自己自問唔算係一個叻投資既人, 更加唔係未卜先知, 越來越覺得到依家咁多年都仲賺緊錢係神既恩典同憐憫:
|
記得幾年前, $4 買入 Bombardier, 升到 $7, 後來該公司發盈警, 估價回落到 $6.7放左, 之後跌到飛起, 到依家先爬番上 $4. |
|
之後 Biovail $38買入, 不過付運出問題, 跌到$34, 當時, 我祈左成晚禱, 就應唔應該為 buy & hold 而 buy & hold這問題求問神. 結果, 孩子趁著一個禮拜回光反照既機會放左. 後來, 該公司公佈報績, 轉盈為虧, 股價跌到 $17, 到今日依然係 $19. (當時, 我選擇走貨, 而 daddy決定留守, 期間 daddy在低位沖淡, 今年年頭, Biovail 報績轉虧為盈, 曾一度高見 $33, 我勸 daddy走貨, 轉入 income trust, 又在六月勸佢將其賣掉, 改持債券/銀行股, 避過左兩刦.) |
|
上年美國打風, 原先買入既海鮮出品公司 Connors Bros.廠房遭破壞, 即放, 冇蝕錢, 後來股價由 $15跌到 $10, 依家仲係 $10. |
雖然, 點講都好, 一日 $6,000係好唔開心, 好失落, 我都咁同神講.
令我失落既仲有: 我幫朋友/我 advise朋友果 D accounts一樣無一幸免, 叫我點同佢地交待呢?
雖然呢個或者唔係我既錯, 我在此之前亦盡量減持/勸全世界人減持 income trust比重.
更令我唔開心係: 唔知有幾多「無知」市民, 特別係退休人士手上 mutual funds有三成或以上都係 income trust, 佢地點算呢?
令我錯咢是: 神居然稱讚保守黨呢一招高明, 而我就恨不得捉佢落台打餐勁: 「高明!! i don't care!! 你個財長, 打左先講.....」:
|
此舉令 Bell, Telus等十一個財團預備轉作 income trust既如意算盤打唔响, 為政府省回 7-8億; 如果 10月 announce, 只怕會引來恐慌性拋售, 因為今年 10月, 驚股災會來既人比往年多; 11月 D人開始入返市, 如果係資金流入之後先 announce, 投資者既跌失又會更多; |
|
11月尾銀行公佈業績, 從第三季看來, 比去年最少有 30-40% 增長, 但一眾分析員卻出奇地審慎, 居然預計增長只有 20%, 擺明齊齊估低食高, 到公佈業績, 自然大大好過預期, 股價亦會升高. 金融系股估 TSX 市值 +30%, income trust才不過 10%, 只要油價回一回, 何愁區區 300點? 只要整個市升, 大部份人開心, 仲有邊個會咁大聲嘈嘈閉? |
|
仲有更重要係, 可以同 NDP做交易, 令清新空氣法案能夠通過, 避免落台. |
點都好, 事已至此, 怨都冇用, 不如諗下之後點啦!!
Billy 手上既 income trust 蟹貨, 其中一半係 mix mutual fund (因為大部份 monthly income fund都有 30% 係 income trust)唔放得住, 另外一半係一手純 income trust既 fund.
-
要賣么? 即蝕, 不過, 賣左就可以安枕無憂, 即使 income trust系列再跌 10%都唔會太傷, 不過, 如果升番, 又或者政府收回成命, 好似上年 10月咁, 就會 miss「反清復明」既好機會.
-
要趁低吸納? 搬晒 D cash同債券出來, 資金係有, 只要 income trust回 5%就「家鄉在望」. Income trust index 跌左15%, 跟據計算, 有可能再跌 10%, 反彈? 5% ok, 10%, 神蹟目標 lor, 即係冇乜可能lor. 咁大風險, 搏唔搏得過呢? 之前同神商量過, 大方向係要不斷調低 equity在全個 portfolio既比重, 如果入市, 就同呢個决定背道而馳.
-
靜觀其變, 又係咪最好呢?
經過多番商議, 我地決定用第四個方法: 換馬.
Realize左 D loss, 可以令到今年 capital gain 跌到落 $0, 會比少好多稅, 又可以唔洗即時減低 income trust 既比重, 以至食唔到「回光返照」.
就咁樣, Billy賣左手上果手純 income trust既 mutual fund, 入番兩隻 income trust: CI financial (CIX.UN)同 Lakepoint Brewing (TFR.UN)
神亦祝福, Billy隻 mutual fund高過低位時既 6.4%賣出, 再係低位入 CIX.UN同 TFR.UN.
12月, Billy照住 Phrase II, 同神在 9月尾商量的原訂計劃, 再度减持手上的 equity比重, 由 84%减到 72%, 加股比重亦由 73%減到 46%.
受惠於資金流入金融系股, 加上業績好過預期, 油價重上$60美元, 金價$630美元等利好因素影響.
多指反彈, 由12,000點升到12,900點, 創歷史升高.
11月, 多指先跌2.4% 再反彈 7.5%, 全個月升4.5%.
隨著股市既強勁升幅, 一眾股民亦漸漸忘記呢個最大單日跌幅.........
「因為他的怒氣不過是轉眼之間,
他的恩典乃是一生之久: 一宿雖然有哭泣, 早晨便必歡呼.....
至於我, 我凡事平順, 便說, 我永不動搖.
耶和華啊, 你曾施恩, 叫我的江山穩固; 你掩了面, 我就驚惶.
耶和華啊, 我曾求告你; 我向耶和華懇求, 說,
我被害流血, 下到坑中(谷底), 有甚麼益處呢? 塵土豈能稱讚你(大閘蟹都好難 :P), 傳說你的誠實嗎?
耶和華啊, 求你應允我, 憐恤我. 耶和華啊, 求你幫助我.
你已將我的哀哭變為跳舞, 將我的麻衣脫去, 給我披上喜樂.」(詩 30)
12月11日, 11:30 pm