* Pictures From Celestial Pictures@2002-2004 *

影友影評:  XXX- 曾經聽人講過, 說劉家良導演該片係一套經典, 我絕對同意, 不過沒有《少林三十六房》那麼震撼, 可是此片的確係《少林三十六房》之雛形, 很強之故事性, 影片每一分鐘也表揚之中華武術, 可以講話係劉家良之特色, 絕無僅有. 故事劇情在此不談, 先講角色方面, 老實講, 有d角色其實好唔稱職, 好似劉家輝做童千斤, 講真如果係張徹既《少林與武當》入面既羅莽係最與其角色性格特點最相近的話, 咁劉家輝的那個最唔似樣, 佢似胡惠乾就差唔多… 仲有江島既高進忠也是一樣, 如果鹿峰既高進忠《少林與武當》係最攻心, 最毒辣, 最有大將之風之高進忠的話, 江島係最唔打得(劇情需要), 最得個樣(至少睇既覺得), 最無頭腦既(又係劇情需要), 同最無說服力既高進忠, 唔掂. 不過, 其中有一個角色係最欣賞既, 就係套戲入面鄭康業做既角色,(唔記得叫乜名), 佢既出現係見證洪熙官(陳觀泰)由火燒少林寺, 到溝方詠春(李麗麗)至到生左洪文定(汪禹)後洪熙官第一次單挑白眉道人(羅烈)時死亡為止既一個見證, 佢既角色好重要, 好似西片《貝隆夫人》(EVITA)既男主角安東尼奧班達拉斯(Antonio Banderas)咁, 見證EVITA(麥當娜-Madonna)由歌女變政客既一個過程, 係整部戲既楔子 片中既武術精神,如上題, 也表演出中華武術既精神, 此片可以發揮得非常淋漓盡致, 好似講李麗麗要陳觀泰破佢既二字拑羊馬才可與他洞房之一幕, 劉家良拍得相當精彩. 雖然劉家良曾跟張徹做武指, 但係劉家良既戲之影剛味沒有張徹咁強烈, 反而表現中華武術之個人武德方面就強調多點… 不過, 可惜既係本片係沒有粵語對白, 可能《少林三十六房》之前既戲, 如《神打》、《陸阿采與黃飛鴻》、《螳螂》 及 《中華丈夫》, 也是一樣, 真係有點生外既感覺… (可能睇得之後既劉家良片太多, heee) 計數時間: (扣10分選角, 再扣10分沒有粵語) 共80分
[William仔整理]