* Pictures From Celestial Pictures@2002-2004 *

影友影評:  XXX- 呢套野當年上映擺明sell傅聲, 當年佢既離開同神鬼之說真係傳得好犀利, 天映後期亦都係dvd內劉家輝講述有關套戲既事, 以傅聲來宣傳賣點. 撥開這些不論, 其實套戲本身都有佢既實力, 劉家良拍戲真係有佢既一套, 好野!! 其實套戲最touch唔係傅聲, 做得最好既唔係傳聲, 講真, 當時套戲未完成佢就去左, 始終都係爭一點點, 其實最好係劉家輝, 佢最touch 既一幕: 1.少林寺內自己剔髮, 2.劉家輝同劉家良既對話, 3.劉家輝係戲既最後同惠英紅講既一句說話, 都表演到一種英雄落泊, 無奈既萬念俱灰感覺. 傳聲係開頭金沙灘一戰癲左, 表現左一種兄弟慘死既悲痛, 而戲中之”七子去, 六子還”, 道出楊家男將之悲慘結局, 七子去打仗, 第六子回來, 仲癲左, 而第五子亦萬念俱灰, 這結局真係令人心傷, 戲中最後重播金沙灘一役中七子之威猛台型, 與戲中之悲情成了一個很大之對比. 仲有既係光明飾演既潘美, 真係奸到出汁, 佢比劉家輝同惠英紅打入棺頭內, 頭撞棺材慘死時, 真係有種大快人心既感覺, 而戲中既”例送奸角”王龍威, 呢勻就失色好多, 始終潘美既奸角太強烈了, 真係見到潘美先有種見一鑊打一鑊既心理, 1而佢就至少係下一個先想佢, heee. 而五郎八卦棍而由來就係楊家將的, 不過戲中就表現唔到同”八卦”有乜關係, 呢樣真係失色一點. 仲有既係選角(又係選角)問題, 究竟楊家七將是否以兄弟長幼來分姓名呢? 因為竟然劉家榮會係楊二郎, 汪禹係楊一郎既? 仲有麥德羅既楊三郎點解會大過劉家輝既楊五郎既… 果然夠求其.. 計數時間: (扣20分選角及少許劇情犯駁, 加10分劉家輝演出 ) 共90分
[William仔整理]