中七學年之追憶

嗨嗨呀 , 成年冇寫過日記喇 ! 其實已經唔可以再叫做日記架喇 , 因為根本我就冇日日寫, 我只係記錄一啲我認為值得記錄嘅嘢咋嘛 ...... =P

一年嘅時間 , 可以話長 , 又可以話短 , 因為呢個係相對性而言 , 視乎大家用咩野嚟比 ... 一年內做嘅所有嘢 , 可能係同上年一模一樣 , 好似我都係日日返學放學 , 補習打機等等 ... 不過亦可以同上年完全唔一樣 , 就好似我對打機嘅睇法 , 今年愛上咗打麻雀同埋第一次(同之後好多次)食十三么^o^　此外 , 我又識多咗一班新朋友 , 就係我班新同學.當然我中六就識佢地 , 不過大家初初都唔係同對方好熟 , 大家可能重心存介蒂 , 有所保留 , 中七呢年大家都熟啲 , (話晒都做咗成年同學呀嘛!) 大家都有一齊出嚟玩 , 唱K , 打機 , 買碟 , 打波 , 游水同上網打麻雀呀嘛 ...... =) 所以呢 , 一年其實咩嘢事都可以發生 , 學咗好多嘢唔在講 , 人都見多咗好多~ 至少今年我有好多個第一次呢 ...... =P 輕輕略過你地唔係唔會明白我當時嘅感受㗎 , 不如睇吓我以下呢一年內每日發生咗啲咩嘢咪重好 ......

二零零零年
九月下旬

萬眾期代嘅拳皇KOF2000 終於出咗喇! 雖然我自己唔係玩開呢隻game ,(因為玩得實左太渣喇~)不過我好鍾意睇人玩 , 尤其係挑機!! 因為一來呢隻game有好多人俾人揀 , 二來係tag match , 唔洗一鋪玩完咁無癮 ; 三 , 拳皇今次啲人整得好靚 , 難怪有咁多追捧者喇 ! 講開畫功 , 今次當然比KOF99好喇 , 不過我最鍾意係佢啲人嘅樣 , 係靚同型咗好多囖 ! 男嘅可以睇吓阿Ralf , 勁man~ 而女嘅就當然係Mary最靚喇 , (雖則"風風"你認為Yuri係最靚 , 不過我覺得同99 , 98 嗰個冇乜大分別) 佢分別可以轉紅 , 綠色 & 粉紅. 紅色係原色喇 , 而綠色就幾cool㗎~ 我就鍾意佢係粉紅色喇 , 因為 ... 靚囖!

九月十九　星期二

今日去咗聯合打機 , 我見到一個'超正'嘅人囖 , 佢左手戴咗勁多手砈 , 真係多得離譜 , 本第我都唔留意到佢㗎 , 但係佢又偏偏走嚟我玩緊嗰部BMC2嗰到 , 重同埋成大班怪人呢! 被成班人圍住 , 重成日話我打嗰啲歌易打 , 真係搞到我玩都玩得唔過癮呢 . 最後一關我玩Attack the Music Another , 從佢地班人嘅面部表情就知佢諗住我過唔到 . 起初我都打好地地㗎 , 但中段我有啲亂扣得幾多 , 好彩我最尾都追得返 , 重係以boarder-line過關添 ! 即係嚇呆班勁人喇 ... 之後我睇返佢地玩嘅歌咪重渣 , 超!

九月廿九　星期五

今日派M&S卷 , 終於都拎到一百分喇 , 好開心 !! 測咗咁多次驗 , 終於都威返次喇 ...=) 不過希望唔係最後一次喇 ...... =P

十月六號　星期五

今晚睇咗套戲叫Space Cowboys , 入面我覺得有句對白幾正㗎 , 就係 ... 'You can call me ...... anytime' 通常人地自我介紹都係講You can call me XYZ (人名)嚟㗎嘛 , 而佢竟然講一開始就話 anytime , 真係狼呢 !

十月七號　星期六

夜晚去咗銅鑼灣食飯 , 之後去左Time Square九樓打機 , 原本都係諗住睇吓人打機就算 , 不過最後都係打咗鋪DM3 , 最抵死係我竟然打崩咗我借人地嗰支鼓掍 ! 哈哈 , 真係對唔住喇~

十月十三　星期五

今日我隻Barbarian終於爆機喇 , 打贏咗normal lv. 嘅Diablo , 出乎意料之外我只係用咗六支super healing potion ... =) 只可惜我唔見咗Wirt's leg , 冇得玩secret cow cow level. , 唯有等nightmare level先玩喇~

十月十五　星期日

相信有玩開BM IIDX 嘅人都知道而家已經係3rd Style喇 , 不過你地知唔知道其實2nd Style 入面嗰隻'Shine On'係好正㗎! 係真係好好聽囖 , 冇聽過或唔記得咗一定要去聽返一次呢 !

十月中

一日一蘋果 , 醫生遠離我. 相信大家都應該聽過呢句說話㗎喇 , 不過大家鍾唔鍾意食蘋果先 ? 我自己就麻麻喇 , 我個人比較鍾意食橙 , 而家呢個時候就係食橙嘅最佳季節喇 , 因為而家啲橙係最多 , 質數應該都係最高 . 縱使你係唔識點去揀個靚橙 , 是但揀個都極可能甜到爆~ 最重要係冇咗啲'西柚橙' (即係西柚味嘅怪橙!) 所以呢 , 大家食完飯不妨試吓攞個橙食吓 , 幾好㗎~ 當然你地去飲橙汁我都吹你唔脹 , 重可以四季都飲添 , 不過係咪同鮮橙一樣有咁多維他命C 同其他好處先 ???

十月廿號　星期五

今日上地理堂講香港農業 , 咁話說七,八十年代有一種叫做'非洲蝸牛' , 大大減少農民收成 ... 你估最後以乜嘢對付佢呀?? 就係引入一種叫'戰鬥蝸牛'嘅蝸牛 , 佢地竟然可以食咗啲'非洲蝸牛'. 而最後農民嘅收成又避免了'非洲蝸牛'威脅~ 記住喇 , 唔係人人知㗎~

十月廿八　星期六

我隻Sorceress 終於去到lv.19喇 , 佢升lv.比我用開嘅Barbarian快好多喇 ... 唔知係咪因為而家lv.低 , 所以易升呢 ??

今日係JSGA 選舉新一年Ex-Co嘅大日子~ 冇呀 , 我地學校上年已經係有其他職位 , 所以同其他學校已經講好咗 , 有一定嘅票數支持(~好奸~) 其實呢啲都係少嘢 , 正嘢係我見到DB狂薦保祿六世呢 ! 咁又難怪 , 見到保祿六世嘅代表嗰樣貌身材同裝束 , 又真係幾值得去投佢一票㗎 ! (對男仔而言)

十一月一　星期三

今晚睇勁歌聽返一首好歌 , 叫做'聽不到的說話' , 係呂方唱㗎. 幾好聽㗎 , 得閒嘅話可以上網搵嚟聽吓喎~

我隻lv.31 Barbarian今日好似癲咗咁 , 勁爆unique item , 好正~

十一月八　星期三

新一緝Red Alert又出o左喇 , 睇落去好似好正喎~ 雖則我冇玩過Red Alert , 只係玩過C&C 重要係SS版 , 不過我睇商場demo果時真係幾好喎 , 唔知玩落會點呢~

十一月九　星期四

今日好似平時咁上網check mail喎 , 點知上唔到 , 話password incorrect ! 起初以為係我細路改o左冇話我知喇 , 後來先知道唔係 ... 唔通被人偷o左重改埋password , 點算好呢! 最後搞左好耐 , o係迫不得已o既情況下我打電話去取消acc. 喇 , 不過個維修員同我講話我個acc.冇事 ... 你估最後搞成點呀 ! 最後發現原本係我個keyboard 啲button 壞 o左o羅 ... 真係傻 , 竟然連壞o左都唔知! (多數都係呢排勁打Diablo2 而成o既惡果呢!)

十一月十　星期五

今晚都好激動喇我 , 我,Eric 同Felix (藍褲仔 <-- 業仔 , 特別為你而設架 =P) 零晨揸車去黃埔碼頭食酒 , 幾好feel架 , 三條友 ... 夜晚晚 , 冇乜光 , 又冇乜人 , 個氣氛好好~.~ 隔離好彩有d 阿伯約緊魚 , 可以幫我地影o下相 , 不過可惜一陣就落雨 , 要即刻走~ Sorry呀Felix , 爆o左你無牌駕駛添~

十一月十二　星期三

今日係DBS Garden Fete o羅 , 我同Eric 諗住上去行一轉 , 點知上到佢就落雨 , 咪去hall避雨 , 入面DSOBA 啲舊歌又幾正喎~ 啲表演嘉賓又識搞氣氛 ~ 忽然間我聽到今年Garden Fete 竟然有day 1 & day 2 , 有啲咁o冒事 ?! 原來係因為今日天雨關係而改期 , 不過驚通知唔切 , 所以先有day 1 & day2呢 ~

十一月廿一　星期二

今日係學校陸運會 , 我只係報得兩樣咋. 不過都好彩 , 比我一個唔小心拎到個標槍冠軍. 嘻嘻~ 太好叮 , 中七攞返個金牌 , 真係算無憾喇 , 可以o係最後一年有個美好回憶呢!

十一月廿三　星期四

今日係學校picnic day , 去o左曹公潭玩 , 我地成日打波 , 打藍球對B班玩得好開心呢 ! 我果日都射入o左好多球~~~

十一月廿五　星期六

今日玩返Ez2Dj , 好正! 只可惜冇玩Star techno -- Star Warz 相信大家都有同(約)人一齊去睇戲o既經驗喇 , 我今日就係約人去睇戲. 幾好呀 , 同我諗 o既一樣 , 係遲到架 ... 好彩我一早睇定幾間o既時間! 唔係就冇戲睇架喇 ... 所以呢 , 有時睇戲唔係只睇公影時間 , 重要睇埋對方會遲幾多... >.<

十一月廿七　星期一

今日放學同'風風','阿Gap' 去o左魚仔街影相做research , 因為我地參加o左經濟日報果個比賽 ...

十一月廿九　星期三

今日終於玩返隻Barbarian , 都成Lv.33 喇 , 竟然可以俾 stony field 啲 spearwomen 怒扣 , 每o下扣成六份一咁多 !! ~痴線架~

十二月一　星期五

有人話 : [開始談戀愛o既時候 , 女仔係最清醒果個 ; 而一段感情終結時 , 女仔係最唔神智不清的.] 我覺得呢兩句講得幾好 ! 因為一開始果時大多數都係男追女 , 女仔係可以揀果個 , 所以清醒. 但係 , 當付出感情後 , 女方往往是被動的 (被飛的!) , 因此女方會神智不清.

十二月二　星期六

係呀 , 你地有冇聽'戀上你的床'呀?? 我都有時會聽架 , 幾鍾意佢廣播劇入面啲歌o羅~ 同埋我覺得劇入面多啲情與慾o既取捨 , 較一般廣播劇真實 , 又唔似一般'童話故事式'的白雪公主 & 白馬王子o既戀愛. 最鍾意都係佢播果啲歌 !! 尤其係Dan Hill 隻 Can't We Try

十二月三　星期日

今日我買o左隻'戀上你的床'OST , 正如我所講 , 係唔錯o羅 , 首首都唔同風格 , 好正~

十二月十四　星期四

今日有朋友俾咗個Diablo2-cheat-file 我 ... 幾好呀 , 我而家已經唔洗再因skill pionts , new stat. 嘅問題而煩惱~ 不過我覺得我開始無心機再玩落去呢 ... =(

十二月十六　星期六

今日'傻哥哥'俾咗佢個D2 save game 我 , 我一開game就嚇親 ... 佢竟然玩到Lv.86 , 果然係傻㗎 !!

十二月廿四　星期日

今日係平安夜 , 你/妳地又點過喇 ?? 我今年就過咗一個最搞嘢嘅平安夜喇 , 嘻嘻~ 首先, 我地成班去咗 Eric 屋企玩麻雀. 哈哈 , 第一個食糊嘅竟然係我 , 重要係清一色呢 ! 打咗幾圈已經成點喇 , 跟住就玩啤牌 , 而我重係一直贏緊嗰個 , 真係太正喇~ 後來我地入房熄晒啲燈 , 模仿戲院咁睇Taxi2 (法國片) , 睇完之後都成零晨六點喇 , 最後訓到成一點先起身 , 兩點先走 ... 真係好一個平安夜呢 !

十二月廿七　星期三

真係想唔到 , 估唔到我都竟然有人約我 , 真係有啲感動呢 ! 哈哈 ...... 縱然我地最後都無出嚟食飯 , 不過好多謝你呀'郭業恆' ! (<---我的小學同學) 真係可惡呀 ! 咁難得先約到成班人出嚟打波 , 點知去到花虛球場先落雨 , 激死我喇 !!

十二月廿八　星期四

今日我隻Sorceress 終於kill 咗 normal level Diablo喇 , 終於可以玩secret cow level , (因為玩Barbarian 嗰陣時我冇拎 Wert's leg , 冇得玩) 點知去到入面原來好廢 , 好易搞掂晒入面啲'牛牛'~

十二月三十　星期六

今日去咗銅鑼灣 Hot Shoots飲嘢 , 佢地個Happy Hour係由11:30--20:00 , 係咁多間之中最早同最長嘅Happy Hour呢! 去到酒吧 , 當然係去試吓啲cocktail喇~ 第一杯我就去飲UFO , 佢係有三層㗎 , 第一層係透明 , 應該係用Whisky ; 第二層係米白色 , 好正㗎 , 好似合桃味咁; 第三層係綠色 , 不過酒精成份好似唔夠上面嗰兩層勁呢 ! 本應我只會飲一杯 , 不過經過我死纏我地嘅Chermaine姐姐同苦苦哀求之下 , 佢肯請我地飲多杯 ... 不過禍就係因此而嚟 ... =( 我第二杯就係叫咗最貴嘅StarWarz , 不過杯嘢只不過係一大杯透明嘢. 我心諗貴得嚟竟然冇乜特別 , 一定好勁㗎喇 ! 原來成杯係以Vodka 加Whisky , 好激㗎 ~ 初頭慢慢一啖啖咁飲就ok㗎 , 不過後來同Mary 一杯過幹咗去之後就嚟料喇. 我雖然行到直路 , 不過我知道自己已經浮浮地喇. 後來我去到旺角火車橋染布房街嗰時先危險喇 ... 我一路傾電話 , 一邊過馬路 , 行行吓發覺我身邊竟然冇人 , 一個途人都冇 ... 就係呢個時候我就聽到一聲horn聲 , 回頭一看先知道原來有架小巴喺我身後擦(經)過 , 真係魂都未定 , 突然間已經成個清醒晒~ 回想起真係有所謂死亡陰影籠罩住嘅感覺.所以呢 , 以後都係小心啲飲好 ...... =P

十二月三十一　星期日

今日去Felix (藍褲仔)屋企食飯 , 一試越南餐 , 重有'春夏秋冬'四季唔同嘅(春)卷呢~ 夜晚零晨揸車去咗尖咀響horn慶祝 , 之後整咗轉去西貢食糖水 , 點知好出名嗰間'滿記'太多人喇 , 成半條馬路都係等食糖水嘅人 , 唯有去第二間食喇 ... 食完成兩點幾 , '滿記'終於少啲人喇 , Eric 咪可以折返返去食過~.~

~二零零一年~
一月四　星期四

今日我趁住free leeson 嗰時幫同學上教員室交漙 , 竟然被我發現啲正嘢 ... 就係我見到有個先生喺到玩緊Diablo2 , 哈哈~ 實在太興奮喇 !!

~二零零一年~
一月廿五　星期四

今日係年初二 , 諗住去睇煙花喎 , 點知道今日d天氣麻麻咋喎 ... 最後我地都去灣仔搏一搏 , 好彩都可以睇到 , 幾好呀~ 之後我同Eric , Felix , 傻哥哥 & Vinnci 去o左銅鑼灣一間叫 '華爾街'酒吧 , 狂玩大話骰 , 789 ... 輸o左就當然要飲喇 ! 果晚我地o既 Felix 哥哥唔知飲o左幾多呢 ... =P 最後叫o左一打啤酒 , 我諗我只係(罸)飲得一支咋 ! 到底咁樣係我贏得輸呢 ? (PS: 贏骰盅 , 輸酒錢 , 因為d酒錢係share架嘛~)

~二零零一年~
一月廿八　星期日

唉 , 天下冇不散之莛席 , 今日之後又走多一個好朋友喇 ... =( 心情係點 ?? 感覺就好似大家都七老八十 , 眼白白睇住d 朋友'走o左'咁o羅 ... 好灰 ! 以後又少個即叫即到o既死黨喇 ... 短期內都冇可能再聽到有人話:一陣超群見喇 ... Eric仔 , 好唔捨得你走呢 !

~二零零一年~
一月廿九　星期一

本來今日阿鄧生話成十個人去佢屋企BBQ o架 ... 點知最後竟然得返五個 ?! 鄧生你d號召力都好有限呢 ... =P 不過都好 , 之後去o左創藝唱K 呢 , 最重要係鄧生肯幫我地包底嘛~嘻嘻~

~二零零一年~
二月四　星期日

又生日喇 ! 生日最好應該去邊到慶祝好呢 ?? 我就話屋企喇 ! 因為o係屋企可以上網等祝賀呀嘛~ 而最重要係我d好朋友會打長途電話搵我o羅^o^

~二零零一年~
二月七　星期三

可惡 ! 今日竟然要搜'詠讚'(sch hymn) , 佐係就係o係今日早上我先發覺唔見o左本o野 , 真係激死我喇 !

~二零零一年~
二月八　星期四

今日我買o左本紀念冊 , 本想買本麥o麥架 ! 不過有太多女仔買喇 ... 而且本o野都幾貴o下架 ! 最後買o左咩o野 ?? 妳地o下喇 !

~二零零一年~
二月十二　星期一

你個死阿Dave 呀 ! 走都唔還返d 俾'老牛' , 搞到我重以為係Eric 唔記得還呢 !

~二零零一年~
二月十五　星期四

死業仔呀 , 要我等你地飲茶飲咁耐 , 不過有波打都唔錯喇 ... 只可惜 , 今日我係要去補習o羅 !! (自己都唔記得~.~) 唉 ,去到已經遲o架喇 , 中途重要訓著o左添 ... 咁就冇o左成半堂呢 , 可惡 !

~二零零一年~
二月十六　星期五

喂喂 , 大家近排係咪一路讀書 , 一路寫緊紀念冊呢 ? 我就係喇 , 其實紀念阱真係一樣幾好 o既o野o黎o架 ~ 至少可以將所有人地對你o既評價寫低. 以前成日話非筆墨可形容係o架 ! 因為連寫都唔寫出o黎 , 又有邊個知呢 ? 做動作去表示 ?? 就算做到 , 可能過幾日就會忘記呢 ! 佐寫低落o黎就可以一生一世都可以睇返~ (除非你將本o野燒o左)

~二零零一年~
二月十七　星期六

今日突然收到細路o既生日禮物 , 雖然係到今日先收到 , 佐係絕對係好感動呢 !

~二零零一年~
二月十九　星期一

原來搜索器同Newsgroup 係好有用o架 ! 我諗大家對前者就好熟o架喇 , 不過唔知對後者又識唔識使用呢 ? 其實Newsgroup 可以幫大家轉達意見 , 問問題等等 ... 差不多所有o野都可能透過呢兩樣o野搵到o架 !

~二零零一年~
二月廿　星期二

哈哈 , Ellen , "妳食o左飯未喇 ??" 點呢 , 妳係估唔到o架喇 ! 等我聽日開估喇 ~

~二零零一年~
二月廿一　星期三

大家唔知有冇睇過Great Expectation (愛情有剌)呢套戲呢 ?? 我覺得呢套戲超正o羅 ! (尤其係第二次講"Give me your hand , ...... where's it ? It's my heart , it's broke !") 真係好到肉 , 正 !

~二零零一年~
一月四　星期四

夜晚打長途電話俾Eric , Felix ... 可能係唔o岩'時候'喇 , 搞到我好似阻住你地玩UNO添~.~

~二零零一年~
二月廿八　星期三

呢兩晚都成三點先訓 , 不過又唔係一訓落床就即刻訓得著喎 , 真可惡 ! 兩晚都搞到我成四,五點先訓呢 !

Hosted by www.Geocities.ws