Pou bane gran fans Dalida...
Dalida Letan mo camarade fine avoye moi sa paze Dalida la, mo fine azoute li toute suite lor mo la liste mo bane l'adresse favori. Mo ene gran fan Dalida.
Mo encore tro zene pou rapel Dalida letan li ti vivante. Tou ceki mo rapel c'est so longue sever blond ki li ti contan leve lever dan television. Avant ki mo redecouvert... ou plito, avant ki mo decouvert Dalida, mo nek ti cone de ou trois so bane santer coum ca.
Si mo rapel bien, Dalida fine comence interesse moi letan mo fine tane
'Besame Mucho' dan fime francais 'Pedale Douce'. En meme tan, so
clip/single remixe avec Indra: 'Jusqu'au bout du reve'(Laissez moi
danser - Monday Tuesday) ti ene hit en France. Toute suite mo fine
contan bane nouveau version Dalida, mo fine comence colectione tou so
bane 'nouveau' albums.
Pou bane gran fans Dalida, mo imper ene sacrileze parce ki mo nek colectione bane nouveau albums Dalida, san ki mo parete interesser par so bane vier santer. La veriter ceki comence ene nouveau colection bane vier santer Dalida napa ene prioriter financier pou le moment. Apres ca difficile gaingne bane albums Dalida Maurice.
Tourne paze, Dalida pou moi, li ene gran inspiration. Li fine sante tellema toute sorte kalite santer ki letan mo bizin trouve imper bon l'idee, mo nek ecoute so la mizik.
Dalida fine done moi ene tas bon souvenirs aussi. Mo fine passe mo
bane meillere moments mo la vie avec mo bane camarades, ek tou le temps
Dalida ti pe zouer kit par... Mo envi dire ene gran merci Olivier, ki
fine mo compagnon de route dan mo decouverte Dalida. Bonzour a Ziyaad ki
ene magnifique, sublime interprete bane santer Dalida: Ene vrai DIVA!!!
Didier ki fine trouve site Dalida. Ek tou bane lezot camarade ki mo fine
ressi influencer avec Dalida.
Finalement! Gloire a Dalida!
