|
John, tunay na kapuso ni Heart!
Ngayong gabi, Pebrero 16, 2003 ay magiging ganap na dalaga na si Heart
Evangelista, ang itinuturing na bagong sweetheart ng bayan. Ipalalabas ng
ABS-CBN ang debut birthday special ni Heart na Heart at 18 (9:30 pm).
Dalawang magagandang gown ang isusuot ni Heart para sa TV special na ito.
Ang una ay ang pink long gown in silk chiffon with beaded Swarovski crystals
na gawa ni Rhett Eala. At ang isa pa ay ang gown naman na nilikha ni Inno
Sotto para sa cotillion de honor.
Si Juan Sarte ang nagpaganda ng mukha at buhok ni Heart.
Siyempre pa, kikiligin ang mga fans ni Heart, dahil ang escort niya ay ang
ubod ng guwapo na si John Pratts. Sabi nga, si John ang tunay na kapuso ni
Heart.
Ang ilan pa sa mga dumalo sa debut ni Heart ay sina Kaye Abad, Nikki Valdez,
Camille Prats, Sarah Christophers, Angelika Panganiban, Serena Dalrymple,
Shaina Magdayao, John Lloyd Cruz, Patrick Garcia, Paolo Contis, Baron
Geisler, Dominic Ochoa, Carlo Aquino, Onemig Bondoc at Marvin Agustin.
Sa simula ay hinangad ni Heart na maging simple lang ang kanyang debut,
dahil sa paniniwala niya, mahirap ang buhay ngayon, na maraming tao ang
nagugutom, at magulo ang paligid dahil sa iringan ng Iraq at Amerika.
Pero, sa tulong ng Channel 2, naisakatuparan ang debut ni Heart, na hindi
kailangang sobra-sobrang mahal, pero maganda ang elegante ang dating.
�Actually, na-feel ko lang talaga na 18 na ako nu`ng pinaplano na ang debut
ko ng Channel 2. That was the time na nakikialam na rin ako. I mean, nagsa-suggest
na rin ako kung ano ang magandang gawin, kung ano ang dapat gawin, kung
sinu-sino ang gusto kong maging bisita.
�And finally, nu`ng natapos `yung plano, nakita ko talaga na hindi siya
sobrang bongga, na kailangang gumastos ng malaki, pero napaka-memorable,�
say lang ni Heart. |
