En Galicia,é o 4º accidente grave de petroleiros
As "mareas negras" nos últimos 25 anos

 

¿Como influiu o tempo meteorolóxico no desastre?.

Cando o paso do tempo fai esquecer á opinión pública (aos afectados directamente, cústalle esquecelo), os accidentes quedan reducidos ó nome do buque. Citamos aquí os máis importantes dos últimos 25 anos. Un dos factores que máis condiciona o accidente en si mesmo e a súa magnitude é a meteoroloxía. No accidente interviron condicións atmosféricas adversas: mala visibilidade, chuvieiras e ventos fortes, a súa dirección, etc. Posteriormente, a dirección e a forza dos ventos manexaron o seu antollo o fume e a marea negra. O estado da mar condicionou, ademais, as medidas contra a catástrofe.

S 18 Marzo 67. O "Torrey Canion", de bandeira liberiana, verte 30000T. de cru nas costas inglesas.

S 4 Maio 70. Encalla o buque "Polycommander" con 50000 T. fronte as Illas Cíes.

S 19 Dec. 72. Afunde o "Sea Star" no golfo de Omán vertendo 115000 T. ó mar.

S 12 Maio 76. O buque español "Urquiola", cargado con 100000 T. tocou fondo nunha agulla non sinalada nas cartas de navegación á entrada da ría de A Coruña.

S 16 Marzo 78. O liberiano "Amoco Cádiz", naufraga xunto á costa francesa de Bretaña, vertendo case 200000 T.

S 31 Dec. 78. Incéndiase o "Andros Patria", cerca do cabo Ortegal.

 

S 3 Xuño 79. Rompe a plataforma "Ixtoc One" vertendo no golfo de México 400000 T. de crú.

S 24 Marzo 89. Á saída do porto de Valdez, en Alaska, embarranca o buque norteamericano "Exxon Valdez" e verte unhas 150000 T.

S 18 Dec. 89. O iraniano "Kharg" derrama xunto as costas marroquinas 70000T.

S 3 Dec. 92. Encalla xunto á Torre de Hércules o petroleiro grego "Aegean Sea" con 80000 T, vertendo unhas 73000.

S 5 Xan. 93. O liberiano

"Braer" encalla xunto ás illas Shetland con 85000 T. de cru.

S 21 Xan. 93. O petroleiro danés "Maersk Navigator" con 185000 T. de petróleo choca con outro petroleiro xunto a Sumatra (Indonesia), incendiándose o vertido.

 

Mércores, 2 Dec.

Mar grosa.

Ondas 3 m.

SO, forza 7.

O día anterior ao accidente.

 

Xoves, 3 Dec.

Forte marexada con chuvieiras.

Ondas 5 m.

SO, forza 8.

O día do accidente.

 

Venres, 4 Dec.

Mar moi grosa.

Ondas 6 m.

O, forza 9.

Apagaron o incendio no barco polo cambio de vento.

 

Sábado, 5 Dec.

Mar moi grosa. Chuvieiras.

Ondas 8 m.

SO, forza 9.

A marea negra progresou cara ó Norte.

 
A CONTAMINACIÓN DOS MARES

Non só os accidentes de petroleiros son os que provocan a contaminación dos mares. Nos últimos anos nas costas galegas houbo outros accidentes de buques con distintas cargas. O 31 de Outubro de 1970 o buque polaco "Erkowit" enviou ao mar 2000 bidóns de pesticidas. Máis repercusión tivo o accidente do buque panameño "Cason" (5 de Decembro de 1987), que se incendiou xunto a Fisterra vertendo ao mar variedade de productos químicos.

Mais a maior tasa de contaminación é a provocada pola limpeza de buques no mar. No Mediterráneo, unha das rutas máis importantes no tráfico de petroleiros, só un 20 % dos vertidos de cru son debidos aos accidentes.

E todos os días pasan xunto as nosas costas buques con todo tipo de cargas perigosas, polo que o risco de contaminación está sempre presente.

 

Xoves, 10 Dec.

Mar grosa.

Ondas 3 m.

NE, forza 5.

A marea extendeuse cara

a Fisterra.

 
Como pode apreciarse, ao observar os mapas do tempo, non foi unha casualidade que a zona máis afectada fora a ría de Ferrol, situada ó NE da ría da Coruña, pois os ventos predominantes (típicos no inverno na zona), nos días seguintes o accidente, eran de SO.
Hosted by www.Geocities.ws

1