Henry V111, ye know, him wi' a' the wummin
Didnae seem tae me, tae hae bother wi' his plumbin'
He had Mary betrothed tae his wee son, Prince Eddy
The betrothal wis annulled, because, oor Queen wisnae ready
The English King wis fumin', up tae high doh an' diddle
He louped up an' doon, like a hare upon a griddle
Up doon, turn aroon', his face against the wa'
Henry, he wis ragin', an' so he went tae war
The cavalrymen, astride their magnificent hoarses
Set oot tae seek, the sturdy Scottish forces
'Though their numbers were few, in the early mornin' dew
Victory wis theirs, at the battle o' Pinkie Cleugh
There wis o' course, that thankfu' savin' grace
The union o' the crowns, didnae then take place
Mary had led the King a merry dance
Sailin' awa' oan a clipper ship tae France
