 |
| Bothwell |
| Bothwell the Borderer Mary met him in Dunbar at a dance An' he showed her his sturdy big castle She wis a' taken oan wi' his knowledge o' France So she didnae gie him much hassle Wi' his persuasive technique, an' his manly physique He wormed his way intae her favour His dancin' wis fine, if he stayed aff the wine But he jist couldnae stoap this behaviour He wis a bandit, a robber, a right bob-a-jobber An' he danced wi' an axe in his belt She merried the chancer, 'cause he wis a guid dancer Or wis it the shaft o' the chopper she'd felt Mary had only ane question tae raise As soon as their heids hit the pillow 'Why dae ye dance wi' an axe roon' yer waist' He said, 'It's handy for strippin' the willow' His comeuppance came at Carberry Hill When he showed her his dashin' white sergeant Beatin' a retreat, tae a lively quadrille Wi' a yellow leather streak, oan his red leather garment |