|
A bhaile bhig san d'rugadh Ios', Cia ciùin a ta do shuain; Os cionn do thosd 's do shuaimhneis Na reultan àlainn shuas; Ach ann ad shràidean cumhang dorch' Tha 'n sòlas àigh tha buan; Dòlas is dòchas clann nan daoin' An seo a' cath gu cruaidh. Oir Iosa, naoidhean Moire chaoimh, Rugadh a-nochd fo d' chléith, Is ged a chaidil clann nan daoin' Bha ainglean naomh air sgéith, 'S bha reultan deàlrach madainn ùir A' co-sheirm shuas air nèamh, A' seinn gach glòir do Dhia nan Dùl, Is sìth do dhaoine sèimh. Cia sàmhach, socair thùirling nuas Tiodhlac an iongnaidh ghràidh; Thu Dia compàirt do chloinn a thruais Dé'n bheannachd bhuain nach tràigh. Cha chuala cluas a theachd do'n tìr Ach, dh'aindeoin peacaidh gràidh, Tha Crìosd mo ghràidh a' teachd gu sìor Do'n chrìdhe dh'fhosglas dha. A Naoidhein Naoimhe Bhethleheim, Tùirling a nuas a-ris, Tilg asainn lot a' pheacaidh bhrèin; Bi air do bhreith nar crìdh'. Gun cluinn sinn fonn an aoibhneis àit' Na h-ainglean chuir an céill; O thig a-steach, is fan nar measg, O Rìgh Immaneul. |
This page hosted by
Get your own Free Home Page