Mahigit isang dekada na ang nakalipas mula nang yumao ang noon ay tinaguriang si , na naging gobernador ng lalawigan sa loob ng mahigit na tatlumpu't tatlong (33) taon - pinakamatagal sa kasaysayan ng bansa. Sa kanyang pagpanaw noong 18 Disyembre 1992, marami ang nagpahayag na marahil matatagalan pa raw bago magkaroon ang Laguna ng isang lider na katulad ni San Luis.
Ang mga ganitong pahayag ang nagbunsod sa naulilang maybahay ng yumaong gobernador, si Gng. Felicidad Sagalongos-San Luis, na pangunahan ang pagtatatag ng isang samahang maglalayong tumuklas ng mga bagong San Luis - mga kabataang lider na may katangian, talino at kakayahan na katulad ng kay San Luis at may pangarap na maisulong nang mabilis ang kaunlaran ng Laguna. Ito ang dahilan ng pagsilang ng
Pangunahing layunin ng samahan ang tumuklas, magsanay at kumilala ng mga namumukod-tanging kabataang lider ng Laguna nang naaayon sa mga simulain at pangitain ng yumaong Gobernador Felicisimo T. San Luis. Kaakibat nito ang matibay na paniniwalang hindi rin magtatagal, sa hanay mismo ng mga namumukod-tanging kabataan, ay sisibol ang susunod na "Buhay na Alamat ng Laguna."
Sa pamamagitan ng pangunahing proyekto ng samahan, ang halos taunang proseso at parangal ng na unang inilunsad noong 1993, matagumpay na naitataguyod ng samahan ang pagsasanay sa mga kabataan na maging mahusay at huwarang lider na katulad ni San Luis.