Maggie sits mid-stage ,crying into a hankie.
Jeannie enters through curtain singing......
JEANNIE : 'Guid King Different looked out
On the Feast of Shelters.." (stops abruptly)
Whit's wrang ?
MAGGIE ; (between sobs) It's Guid King Different - he's deid
JEANNIE : Deid ?
MAGGIE: Deid ! 'An him the furst decent King we've ivver hud
JEANNIE: Whit bothers me is wha we'll get next .
Wha wants tae go back tae a King like Snooty the
Furst ?
MAGGIE : Ah'd forgotten aboot him - he wiz a right torag !
Forever building gold statues o' hissel' an'paradin
up an' doon in yon muckle coach.Wavin' at a' body
an' expectin' them tae bow doon tae him.
JEANNIE : Whit aboot the wan that built yon huge castle wi'
hunnerts o' bedrooms,50 kitchens and umpteen
turrets ?
MAGGIE : His Illustrious Majesty ,King Know -all !
That castle fell doon.He insisted oan huvin' yin
mair turret..against the builders' advice.Then
blamed them when the wa's couldnae take the weight!
JEANNIE: But the worst huz tae be King Superior.
MAGGIE: Aye.Taxin' the puir jist so he could build his
fancy castle wi' a' its gold this ,that an' the
other.
JEANNIE: Jist a cosy but an' ben tae hurry hame tae efter a
busy day o' openin' fetes an' launchin' ships.
MAGGIE : Maybe folk liked King Different sae much because he
wis mair concerned aboot people than castles
JEANNIE: Ah don't think he ivver lived in a castle did he ?
MAGGIE: Naw, he wisnae even born in wan.Jist wandert aboot giein'
a helpin' han',tellin' stories tae wha'ever wid listen.
JEANNIE: Did ye ivver hear him speakin' ? (MAGGIE NODS)
He soondit mair Easterhoose than Bearsden...mair like a carpenter than a King .
They said he'd willingly ludge in a single-en'.
He'd talk an' eat wi' folk maist Kings wid avoid like the plague .
MAGGIE: He certainly didnae act the wey ye expect o' a King.
JEANNIE : Hoo come he's deid onywey ?
MAGGIE : Oh , some o' oor elders and betters couldnae handle the
idea o' a King livin' amongst ordinary folk.So they killt him.
JEANNIE : Seems King Different wiz jist too different efter a' then......
Come oan ah'll buy ye a cup o' tea.
(EXEUNT)
