WIFIE*1: Did ye hear aboot yon Joseph the Carpenter an' that lassie, Mary?
WIFIE*2: Aye an' them no mairrit as weel!
WIFIE*1: Ah heard her mither sayin' Mary hud been visited - by an angel!
WIFIE*2: Noo ah've heard everythin'.
WIFIE*1: Did ye ken that bairn wis born in a coo-shed?
WIFIE*2: That's nae fit place tae hae a bairn -no' even in Bethlehem!
WIFIE*1: An' that's no a'.It seems they goat a visit fae three scruffy shepherds an' would ye believe they
brocht a lamb wi' them?
WIFIE*2: Whit did they need a lamb fur?
WIFIE*1: Ah dinnae ken.An' anither strange thing happened. Three furriners - Kings they said, cam' tae
pey a visit - an' ye'll nivver guess whit THEY brocht.
WIFIE*2: Whit?
WIFIE*1: Gold,Myrrh and Frankincense!
WIFIE*2: Whit oan earth kin' o' praisent is that tae gie a bairn?
WIFIE*1: Aye.Whit's mair - a carpenter's bairn.There wis mair need o' blankets an' gownies fur the pair
bairn.
WIFIE*2: Listen,ah heard the two o' them an' the bairn ran aff tae Egypt.
WIFIE*1: Nae wunner,ah mean,the shame o' it!
WIFIE*2: Naw,thon King Herod wis huvvin' a' the ladies newborn killed.
WIFIE*1: Whit fur?
WIFIE*2: He thocht the carpenter's son wis gonnae tak oweras King yin day. So he hud a' the laddies
murdered tae mak sure that didnae happen.
WIFIE*1: Dae ye think yon furriners thocht he wis gonnae be a King?
WIFIE*2: Ye mean 'caus o' thon funny praisents?
WIFIE*1: Aye.
WIFIE*2: Disnae seem possible -A carpenter's son becomingKing.
WIFIE*1: We'll jist huv tae wait an' see- O wid ye look at the time. Ah'll need tae go. Ma man'll be shoutin'
fur his tea. Noo if ivver a man wis treated like a King!...
(THEY EXIT LAUGHING)