USA gam Florida State ah Zomite 1999 kum khawng-a kipan khatkhat

bang na om panpan uhhi. Kum 2000 ciangin Zomite Florida ah pawlcing pianta

ahih manin tualai ah bangtan ki om ding cih kuamah a kitheihloh hang’ ih omkhop

hun sungin sihna,dahna khatpeuh ih tuahkhak leh bangci in ki en ding ih hi- hiam cih

thu tawh kisai-in March 23, 2000 Easter Sunday ni-in Florida Zomi Innkuan (USA)

cih Zomite’ kipawlna khat kiphuan khia hi.

Hih kipawlna in ama’ member khat a sih leh US $ 5000.00 tawh huh ding

ci-in Insurance khat a bawl ahi hi. Tua banah Zomite in Pasian huhna tawh thupha

tampi saang ih hih manin tua Pasian mah phawkkik in biakpiak khopna neih theih zel

na ding ngimna leh sepna zong anei ahi hi. Tuaciangin Zogam aom Zomite phattuam

na dingin bangci septheih ding ci-in hih kipawlna in hanciamna khat zong anei ahi hi.

Tu-in Florida Zomi Innkuan pen Florida Statute-167 zui-in Florida State

Capitol ah Non-profit Organization khatin ciaptehna (Register) ngahkhin ta ahi a, IRS

panin zong Tax ID ngahta ahih manin tua kipawlna ah a kipia sumte pen Tax deduc-

table ahi hi. Tua bangin hih Florida Zomi Innkuan pen Zomi min tam-in America gam

sungah ciaptehna ngah masa pen ahi hi.

Florida Zomi Innkuan ii tupna leh ngimna ih gen bek hi-lo in a kisem takpi

pah ahih manin tu ciangciang tua ngimna sepkhiatnate ah sum $ 10000.00 bang ki-

zang khinta dingin ki um hi.

Tua ahih manin Florida sunga om Zomi khempeuh, Florida ongtung lai ding

Zomi khempeuh leh mundang tuamtuam a om Zomi khempeuhte tungah hih kipawlna

sungah ong lutkim ciatna dingun itna lianpi tawh kongsam uhhi. Lutman, membership

mi khat US$ 10.00 hi a, khasim sum ( monthly fee ) mi khat kha khat US$ 3.00, innkuan

khat ah mi 2 leh a tamzaw a om leh kha khat US$ 5.00 piak tawntung ding ahi hi.

A tunga ih gen Insurance benefit pen kha sim sumdon kha 3 leh a tamzaw a pia lo te in

ngah thei lo ding cih thukhun khat zong kibawl ahi hi.

Kumsim in Florida Zomi Innkuan kumcin kikhoppi pen November kha

Thanks-giving day ni-in kizang tawntunga, Florida leh US gam mun tuamtuam pan

Khawmpi siim Zomi tampi ki sutuah in, nuam thei mahmah hi. Tua Khawmpi ah

makai thak ding zong kiteel tawntung hi. Makai khatin a kideih leh kum 3 kizom

sem thei a, kum 3 a cin khit ciangin amah ut lai taleh mipi-in deih lai ta leh kikhawl

sak phot veve hi.

Florida Zomi Innkuan in cidam a, maa ah nawttoh theih na dingin

panpih ciat in thu ngetsak ciat tek ni.

Vung En Thang

President

Florida Zomi Innkuan, 2002