FLORIDA ZOMI INNKUAN ( U. S. A )
THUKHUNPITE
THU KONG HONNA
Zomite leh Zogam khantohna dingin pumpi tha leh ngal, neihsa sum leh
paii leh pilna siamna siit lo-in lungsim kikhat in ma pangkhawm dingin hih kipawlna
kibawl hi.
KHENPI (1)
Thupiankhiatna
Florida State ( U. S. A ) a om Zomite in AD kum 2000 April 23
( Easter Sunday ) ni-in mipi kimuh khopna kinei hi. Zomite kipawlna khat neih ding
hoih kisa hi. Tua kipawlna min dingin “ Florida Zomi Innkuan ( U. S. A ) ” ci’n
kiphuak hi.
KHENPI (2)
Kipawlna min
“ Florida Zomi Innkuan ( U. S. A ) ” kici hi.
KHENPI (3)
Tupna leh ngiimnate
U.S.A gam sunga om Zomite in ;
(1) A nungta Pasian muangin ih biak theihna ding
(2) Zomi, Zolai, Zo ngeina leh Zogam khantohna dingin lungsim
kituak in vaihawm khop theihna ding
(3) Kipawlna sungah ki- itna, liangko kikimnate bulphuh in kipawl
khop theih na ding
(4) Zomite haksatna tuamtuam pan in suahtakna dingin lamlak, makaih
theihna ding
KHENPI (4)
Pawlhuam mi
U.S.A gam sunga om Zomi a ut khempeuh pawlhuam mi hipah ding hi.
KHENPI (5)
Makaipite
(1) Makaipi ( President )
(2) Makaipi huh ( Vice President )
(3) Thuzeekpi ( General Secretary )
(4) Thuzeekpi huh ( Associate General Secretary )
(5) Sum lai-at pi ( Finance Secretary )
(6) Sum lai-at pi huh ( Assistant Finance Secretary )
(7) Sumkempi ( Treasurer )
(8) Veng Makaite ( Members )
KHENPI (6)
Kikhoppi ni te
(1) Zomi nam ni ( February 20 )
(2) Thawhkik ni ( Easter Sunday )
(3) Khuado pawi ( Thanks - giving day )
(4) Lungdambawl ni ( December 25 )
(5) Ahun leh kisapna dungzui-in mipi kikhopna sam thei ding hi.
KHENPI (7)
Makaipite kiteel ni
Kumsim Khuado pawi ( Thanks - giving day ) ni-in kiteelna om ding hi.
KHENPI (8)
Teel theih ding mi
(1) Kum 18 pan atungsiah hi ding hi.
(2) Pawllutna leh khasim sum a pia mi hi ding hi.
KHENPI (9)
Veng makaite
A kisap bang in Makaipite in a veng huam a om te tawh ki thuza in
Veng makai guang ding hi.
KHENPI (10)
A teel thei ding te
(1) Kum 18 pan atungsiah hi ding hi.
(2) Pawllut mi hi ding hi.
KHENPI (11)
Kiteel zia ding
(1) Kiteelna makai ding mi 3 kiseh ding hi.
(2) Kiteelna makai te’n kiteelna lai ( secret ballot ) tungah gelhkhia
masa ding hi.
(3) Mipite in a deih mi 7 a min alom in lai ( secret ballot ) tungah
gelhkhia ding hi.
(4) Mipi teel masak sung pan in atam ngah pen 1 pan 10 dong teelkhia
ding hi.
(5) Tua mi 10 sung pan mipi mah in lai ( secret ballot ) mah tawh amau
panmun ding teel kik ding hi.
KHENPI (12)
Makaite hun
(1) Kum 1 sung hi ding hi.
(2) A kizom in kum 3 ciang sem thei ding hi.
(3) Kum 1 a khawlkhit ciangin kiteel kik thei ding hi.
KHENPI (13)
Makaite ki-apna
Kiteel ni a kipan kha khat sungin vai khempeuh ki-ap siang ding hi.
KHENPI (14)
Makaipite kheelna leh behlapna
Thu khat peuhpeuh hangin Makaipite kheelnopna a om leh
(1) Kikhoppi ni te in mipi lungkimna tawh laih / behlap thei ding hi.
(2) Thu poimawh kikhoppi sam in mipi lungkimna tawh laih / behlap
thei ding hi.
KHENPI (15)
Pawllutna
(1) Pawllutna sum $10.00
(2) Khasim sum $ 3.00
(3) Innkuan khat ah mi 2 pan atungsiah ahih leh khasim sum $ 5.00
KHENPI (16)
Phattuamna
(1) Khasim sum kha 3 a kizom in a pia lo te phattuamna sum ki pia lo
ding hi.
(2) Ahi zongin Makaipi te’n a thu kan in a kisam bangin vaihawm ding hi.
(3) Pawllut mi khat ii nu leh pa ( nukik pakik ), zi leh pasal, tate leh
sanggam laizom te’n sihna atuah leh Veng makaite vaihawmna tawh
hehnep kikhopna neihpih ding hi.
KHENPI (17)
Sum zonna leh sum zeekna
Sum zonna
(1) Mipi kikhopna a zat ding sumte pen mimal khat / mi pawlkhat tung
pan ciitpiakna ahi zongin sum ngah theihna a tuamtuam te tung pan
ahi zongin sum zong thei ding hi.
(2) Sum zon theih na ding a om kei leh tua mipi kikhopna ah a pai teng
in a kikim in sii ding hi.
(3) Dongtuahna, thu haksa sum beina a tuamtuam a om leh a hun zui-in
Makaipi te’n vaihawm ding hi.
(4) Tupna leh ngiimnate aa zat ding sumte pen Makaipite kikum in
zong ding hi.
Sum zatna
(1) Pawllut mi khat in sihna a tuah leh $ 5000.00 ki pia ding hi.
(2) Tupna leh ngiimna te ah a hun zui-in sum kizang ding hi.
(3) A hun zui-in nopna, dahna, pahtawina te ah Makaipite’ thukimna
tawh sum kizang ding hi.
KHENPI (18)
Lai leh thu kizakna
(1) Kipawlna min tawh Lai leh thu kizakna pen Makaipi, Thuzeekpi leh
Thuzeekpi zom in geel ding hi.
(2) Kipawlna min tawh Laibu ( Magazine ,etc. ) a kibawl leh a hun zui
in Makaipi te’n vaihawm ding hi.
KHENPI (19)
Thu neihna
Kipawlna sungah thubuai a om leh Makaipi te’n lemtuah ding hi.
KHENPI (20)
Zum inn ding om nai lo ahih manin Thuzeekpi omna peuhpeuh Zum in
kizang phot ding hi.
KHENPI (21)
Thukhunpi puahphatna
Thukhunpi puahphat nopna, behlap nopna a om leh Kumcin kikhoppi
ahi zongin thu poimawh Khawmpi sam in atam zaw thukimna tawh kipuahpha thei
ding hi.
( Hih Thukhunpite pen 4/15/2001 - Easter Sunday ni-in ki kipsak hi )