O SOL DA FELIZ PRIMAVEIRA
(Alborada)
Rompe o dia feiticeiro
E o ventiño brincadeiro
Funga xá no piñeiral.
Os catores
Reiseñores
Cantan ledos pólo val.
As fontiñas e regueiros
Marmurando mainos van,
Non hai néboa nos outeiros
Nin nas corgas, nin no chan.
Xá o orballo centilea
Nas folliñas da herba mol:
¡Ou, rapaces, vinde logo!
Vinde a ver nacer o sol.
¡ Ou rapaces, vinde logo!
Que xa nace como fogo,
Que xá brila e alumea
Com moi viva craridá...
¡Ou, rapaces desta aldea!
Vinde o ver que naceu xá.
Cantemos, cantemos todos
Cantigas da nosa terra:
O sol da verde Galicia
Moita fartura alumea.
Xá dá o sol na frondente ladeira
Onde están os pomares em frol.
¡Ai! O sol da feliz primaveira,
¡qué prácido sol!
O sol da nosa aldeã
Bendito sea
Que cubre os ceos de azul color,
e-henche corgas e vales e montes
e regueiros e regos e fontes
de ventura, de vida e-amor.
Letra: M. Lago González/Arz. de Santiago
Música: J. Torres Creo