NAS ONDAS DO MAR
Detrás dos vidros das horas
Se te deixo na mañá
Florida de brisa chegas
Cós teus cabelos o ar.
Cando eu te penso de veras
O meu namoro é secreto
Detrás dos vidros das horas
Polos abeiros do vento.
Nas ondas do mar,
Palabras de amor,
Nas ondas do mar,
Nas ondas do mar,
Soñei con Ferrol.
Nas ondas do mar
Sinto a tua presencia
Nas ondas do mar
Nas ondas do mar
Palabras de ausencia.
Florida de brisa chegas
Como aquela vez primeira
Pólas ruas da lembranza
Cos teus cabelos de seda.
Cando eu te penso de veras
O meu namoro é secreto
Detrás dos vidros das horas
Polos abeiros do vento.
Letra: Salvador García Bodaño
Música: José Manuel Blanco Campana