Doni të vizatoni? Këtu mund të mësoni aq sa di unë, se as shkollë s'kam bërë dhe as njeri s'më ka thënë si vizatohet. Ajo që është e nevojshme është dëshira, durimi dhe vështrimi. Dy të parat nuk janë të vështira puna është e treta. Tani, nga të fillojmë...Çdo gjë sado e vështirë të duket, thellë-thellë është një objekt gjeometrik prandaj sido që të jetë, dikush duhet të ketë një përvojë nga objektet 3D. Por mos ta zgjasim dhe të fillojmë nga koka:

      
Koka ngado që të merret është një rreth dhe formohet forma si në figurën 1. Largesa nga rrethi deri te pika e bashkimit është afërsisht një rreze e gjatë, por nuk jam shumë e sigurtë për këtë. Flokët janë simetrike, ashtu si gjithë fytyra, dhe bëhen si hark deri te lartësia e syve sikur të formonin një zemër. Sytë fillojnë direkt poshtë fundit të flokëve dhe zgjasin deri pak para faqeve. Drejt me faqet poshtë syve janë dy pika. Veshët janë të gjata pak a shumë si sytë vetëm se janë më të zhvendosura për poshtë. Bishtalecat janë dy rretha që vendosen te "gropa" e flokëve. Goja mund të jetë dy vija ose "trekëndësh me kokë mbrapç" (pak a shumë), ose elips. Hunda është pak më lart se goja [shpresoj të gjeni vendin e duhur!!:-)]
    
Sytë janë një elips + një elips më të vogël (bebja e syrit) që anash ka një rreth dhe dy vija të pjerrëta ( \ ) Bebja ka një elips të bardhë më të vogël në pjesën e sipërme. Poshtë syri ka një hark të vogël kurse sipër dy të mëdhenj. Njëri, i poshtmi është më i trashë dhe ka qerpikët kurse tjetri është i hollë.
    

Koka siç thashë më sipër sido që të merret ka të njëjtin konstrukt vetëm se duhet të dini ku tamam është vendosja e gjërave. Për këtë ndihmojnë figurat. Hija në çdo lloj pozicioni sipas anës së dritës është kështu: Fillon në mes të mjekrës dhe merr pak hark deri te syri vazhdon te pjesa e sipërme e syrit dhe poshtë vetullave. Gjithashtu poshtë qafës dhe anash saj.