Sekvanta estas mesagxo prenita de esperantisto-baratano diskutgrupo. Gxi donas iun ideon pri la E-movado historio en barato. Dankon s-ro Lavarenne.

 

 

From: Christian Lavarenne  <[email protected]>

Date: Sun May 26, 2002 1:37am

Subject: Re: "Economic Times of India" : historiaj informoj por eventualaj reagoj ?

 

 . . . . ...oni povos afable montri ke, ech en Bharato, estas tre longa E-historio, kaj

serio da artikoloj pri Esperanto. La Enciklopedio mencias la unuan en Indian

Review la 24-an de oktobro 1905 kaj pli malprecize kelkajn aliajn en Madras

Mail kaj Madras Times (en 1906). Al tio oni povas aldoni (kiel informojn

komplementajn de la artikolo "Hindujo, Brita", en Enciklopedio p. 212) :

 

Allahabad, India U.P. : S-ro G. T. W. Olver, telegrafa oficisto, deziras

korespondadi kun samideanoj pri telegrafaj kaj elektraj aferojn [tiele !].

(en L'Espérantiste n-ro 98 (aprilo 1906), p. 96.)

 

Adresoj shanghitaj. Indes - Calcutta : G. T. W. Olver, Central Telegrafa

Oficejo (L'Espérantiste, n-ro 99 (majo 1906), p. 105.)

 

[En la] Theosophic Gleaner, en Bombay (julio-augusto [1906]), interesaj

artikoloj de s-ro Louis Peltier, titolitaj : "Universal Brotherhood" ;

"International Language". ("Presse", en L'Espérantiste, n-ro 104 (nov.

1906), p. 232.)

 

Rimarko.- S-ro G. T. W. Olver (...) nuna adreso : U. S. Club, Calcutta,

India. (L'Espérantiste, n-ro 103 (oktobro 1906), p. 216.)

 

Bhandara (Central Provinces, Hindujo, India) : S-ro R. T. Fanshawe, oficiro

de la Hinduja Polico, deziras korespondi kun jughistoj au policistoj pri

policaj aferoj. (L'Espérantiste, n-ro 105 (dec. 1906), p. 260.)

 

Novaj gazetoj. Preskau chiumonate naskighas kelkaj novaj kunfratoj. Ni

ricevis : (...) ; La Stelo de l'Oriento, eldonata de la "Esperanto Society

of India", en Calcutta... (Prof. E. Lime, "En la mondo esperantista :

Promenadeto tra la gazetoj", en Espero Katolika n-ro 42 (nov. 1907), p. 53.)

 

Oni legas en British Esperantist (julio [1908 ?]) :

" (...) morto de nia amiko kaj kunlaboranto, S-ro Rupert Temple Fanshawe,

Distrikta Policestro, Raipur, Centraj Provincoj, Hindujo, je la agho de 32

jaroj. Multaj el tiuj, kiuj cheestis la Kongreson en Cambridge, tre bone

rememoros lin kaj lian fervorecon por nia afero. La lastajn du jarojn li

estis okupata pri la preparado de (...) Konkordanco de la Fundamenta

Krestomatio. Li estis la dua filo de Sir Arthur Fanshawe, K. C. I. E. ..."

("Nekrologio", , en Espero Katolika nro 49 (junio 1908), p. 281-282.)

 

Hindujo .- La movado progresas en tiu chi lando : la 17-an de novembro 1908

fondighis la Esperantista Societo de Bombay ; en Banaras oni lanchas

poresperantajn prelegojn. (René de Lajarte, "Chronique", en Franca

Esperantisto, I,3 (marto 1909), p. 60.)

 

"S-ro Alex Pride sciigas korespondantojn, ke liaj novaj adresoj estas :

(...) kaj Hindujo, 35 Cossipore Road, Cossipore, Calcutta." (en La Movado,

n-ro 51 (aprilo 1914), p. ix.)

 

"Esperanto versus English internationalized", by Syamacharan Ganguli, in The

Modern Review, a monthly revew and miscellany" ed. by Ramananda Chatterjee,

Calcutta, vol. XXVI n° 5 whole n° 155, nov. 1919, p. 519-524.

 

Post la E-kurso gvidata de S-ro A. Pashkevichius, litova esperantisto,

fondighis Bengala E-Ligo [kiu kunvenas chiulunde]. Prez. S-ro D. Dutt, sekr.

S-ro N. K. Mitra. Dum la kurso retrovighis malnovaj samideanoj en Kalkutta,

inter ili S-roj P. Shose, O. Smith kaj Sajed Ali... (Esperanto, n-ro 406

(junio 1934), p. 104.)

 

Rabindranath Tagore kaj Gandhi parolis favore al Esperanto sed mi ne havas

la referencojn nun (pri la unua, vershajne en "Aventuroj de pioniro", de

Edmond Privat ?).

 

Lau la deziro de Acharya Vinoba Bhave mem (la chefa dischiplo de Gandhi),

Tibor Sekelj instruis Esperanton al li po unu horon tage dum tri semajnoj

("Post 18 lecionoj Vinoba Bhave jam sufiche akiris la lingvon por povi

daurigi la lernadon per legado kaj skribado."). Vinoba deklaris :"Rigardu

min kunbatalanto en la laboro por la internacia lingvo !" (T. Sekelj, "La

Sanktulo kaj Esperanto", en Heroldo n-ro 1301 (16-3-1960), p. 1.)

 

 

Mi ne tute certas chu la informoj rekte utilos...

 

Bonvoleme kaj samideane

 

Christian

 

 

PS  Estas ankorau kelkaj pliaj informoj en 2-pagha franclingva noto de mia

tezo Swâmi Brahmabandhab Upâdhyây (1861-1907), Lille : Atelier national de

reproduction des thèses, [s.d. : 1992 ?], vol. 3, p. 153-155.

Kaj se ekzistas artikolo(j) pri la historio de la E-movado en Bharato mi

shatus ricevi ilin au almenau iliajn referencojn : antaudankon !