0 m¿QUEN É PEOR?
Vista
a Marea Negra que azota todo o país pola
neglixencia do noso Goberno “amigo”,
¿quen é peor? ¿Fraga, Presidente da Xanta de Galicia, por ir de caza cando o
petroleiro afunde e aparecer ós oito días do sinistro? ¿o Presidente Aznar
por negar sistematicamente o que todos vemos? ¿o Vicepresidente Rajoy por facer
un exercicio de demagoxia de taberna minimizando o alcance dunha Marea Negra que
el denomina “verquido” e que afecta a toda a Beira Atlántica? ¿O Ministro
de Medio Ambiente, Jaume Matas, por falar dun verquido e ós dous días, vendo
por fin o que todos viamos antes, cambiar de descurso e falar da maior catástrofe
da Historia, ademais do cal ameaza con que o Goberno seguirá actuando como ata
agora? ¿López Veiga, Conselleiro de Pesca, por te-lo descurso de Matas en
versión galega e logo de minimiza-lo alcance do desastre advertirnos para o
peor cando xa o tiñamos encima? ¿Federico Trillo, Ministro de Defensa, por
primeiro querer xogar ós avionciños co barco naufraxiado e logo por non mandar
ó Exército a limpa-las costas afectadas? ¿o Ministro de Agricultura e Pesca,
Arias Cañete, por dicir que o verquido estivo sempre baixo control e que non
afecta á pesca? ¿Loyola de Palacio, Vicepresidenta da Comisión Europea e
exministra deste Goberno, polas súas “afortunadas” declaracións? ¿o
Conselleiro de Medio Ambiente, Carlos del Álamo, polo seu descurso demagóxico
e contradictorio? ¿El-Rei por vir de “papaostias”
alabando a actuación do Goberno na catástrofe e censurando á oposición? ¿o
Delegado do Goberno en Galiza, Arsenio Fernández de Mesa, pola súa ineptitude
e gomina?
Vendo
este desolador panorama, que é o dos nosos gobernantes, podemos facer
rapidamente tres observacións:
-
se esto nolo fai un Goberno “amigo”,
¿qué nos fará un Goberno “inimigo”?
- a pesares deste espectáculo dantesco, de tres semanas de bochorno e dun país arrasado NON DIMITIU NADIE!!!!
-
¿non era mellor, como aconsellaban os técnicos, meter o barco
siniestrado nunha ría, nun porto, para descargalo en vez de pasealo no medio
dun temporal para rematar por contaminar todo o país? Recordemos que o Porto da
Coruña ten terminal de petroleiros. Era preferible sacrificar unha ría a todo
o país, a non ser que o Goberno tivese algún interese oculto coa Marea Negra (¿tal
vez a estocada definitiva a Galiza, rematando co marisqueo,.tras desmantelar a
agricultura, a gandeiría e a pesca?).
Este fue el primer colaborador en escribir en la pagina, y ahora vuelve a la carga. Gracias Enrique