The tile of Capua

II

i�veitule ilucve apirase lethamsul ilucu cuieschu perpri cipen apires racvanies huth zusle rithnaitul tei snuza intehamaithi cuveis cathnis f[a]nir marza inthamaithi tal sacr utus ecunzai itialchu scuvse rithnaitul tei ci zusle acunsiri ci ma nuntheri eth i�uma zuslevai apire nuntheri avthleaium vacil ia lethasul nuntheri vacil ia rithnaita eth athene ica perpri celutule apirase unialthi turza eschathce ei i�um unialth ara epn icei nunthcu ci iei turzai rith[n]aita ei tva halch apertule a es ilucu vacil zichne elfa rithnaitul traisvanec calus zusleva atu(---)ne inpa vinalth acas a es ci tartiria ci turza rithnaitula snenaziulas travai user hivus nithusc rithnaitula hivus travai user sne[na]ziulas

III

I�veitule ilucve anpilie laruns ilucu hu-ch �anti hu�ialchu eschathca nulis muluri zile zizri inpa [--]an acasri tiniantule lethamsul ilucu perpri �anti arvus ta aius nuntheri

IV

acalve apertule saluzie lethamsul ilucu perpri �anti ma vilutule itir �ver falanthur husilitule velthurt[-- ni]sc lavtun icni seril turza eschathce // pacusna�ie thanurari turza eschathce nisc lavtun icni zusle �elace iulese salche icala iei cle[--]ai stizai tei zal rapa zal [t]a[rtir]iac lavtun icni seril turza eschathce lachuth nuntheri [--]ei tu casri lachth turzais eschathce veci[l]thi acas eth zusleva stizai tei acasri pacus[n]a�iethur lathiumiai zusle i�icha iei tartiriiai fanusei papthiai ratu cechiniai tei turza eschathce eth [zus]l[e]

V

parthumi ilucve i�veitule tinunusse thumsalc ilucu perpri cipen tartiria vac fulinu�n[---]v[-] etul ana tinusnal ilucu ituna fulinu�nai thenunt eth u[--]