Kulot
Baluktot
Sino ba ang pipiliin,
Kulot at baluktot
Wala namang tuwid na damdamin dito
Kadilimang bumabalot
Sa minsa'y isang tuwid na damdamin
Buhul-buhol at nakalukot
Sa harapan ng katotohanang kung tawagin ay salamin
Sino ang mamahalin?
Si Juan?
Huwag, ayaw ng pamayanan
Si Maria?
Huwag, ayaw ng aking kaluluwa.
Na kasarian at pag-iisip
At mga nag-gagandahang nakatikwas na daliri
Patuloy na paghuhusga lamang
Patuloy na pagkukunwari