(Binasa ni ka Michael ang sulat)
Kapatid na Eraño Manalo
Tagapamahalang Pangkalahatan
Iglesia Ni Cristo

Mahal na kapatid,

Magalang po kami na sumulat sa inyo upang iparating ang isang pangyayari na naganap po sa local ng Pao dito po sa distrito ng Tarlac. Ang nangyari po ay pinasok ng samahang ADD  Brgy. Pao, San Jose Tarlac 'nuon pong Lunes ng gabi. April 19, 2004 ika-pito ng gabi. Nagsagawa po sila ng pamamahayag sa tapat ng bahay ng brgy. captain na si Celestino Baltazar at gumamit po sila ng sound system. Lagi po nilang sinasabi sa kanilang pagtuturo na hinahamon po nila tayo na harapin sila sa debate. Ng sumunod na gabi, Martes. April 20, 2004 ika-pito ng gabi ay puro paninira ang kanilang sinasabi laban sa iglesia at patuloy parin po na hinahamon tayo ng debate. Narinig po ito ng mga kapatid dahil sinasabi nila na dalawang beses na tayong hinahamon ay wala paring humaharap sa kanila. Dahil po dito kagabi araw po ng Huwebes, April 22, 2004 ika-pito ng gabi ay muli po silang namahayag sa brgy. Pao at napakarami po nilang dumating at napakarami po nilang dumating na sa akin pong estimate ay mahigit isang-daang tao ang kasama nila. Ang pangbungad agad na sinabi ng manggagawa nila na si Manny Antonio ay dalawang beses na silang naghahamon sa atin ay wala paraw na humaharap. Dahil po dito ay sinundo ko agad ang pangulong diakono ng local ng Pao sa destino ko pong local sa Villa Aglipay dahil sakop ko po ang local ng Pao. Pagdating po namin sa Pao ay agad po namin silang hinarap na sinabi ko po na tinatanggap ko po ang kanilang hamon, subalit agad sinabi ng kanilang manggagawa na si Manny Antonio na ang debate ay gagawin sa TV o sa radyo, kaya sinabi ko po na bakit kayo nagtatago sa TV o sa radyo (audio/video)