2007/10/04
2008ko
Hitzarmenaren Plataforma
Berriro ere ELAren Atal Sindikalak hitzarmena negoziatzeari ekingo dio, betiko
helburua gogoan duela: Euskal Administrazioko langileekiko ditugun alde
ekonomiko-sozialak murriztuz joatea, parekatu arte.
Indarraldia:
Indarraldia urtebetekoa nahi dugu,
baina negoziazioan lortzen diren edukien arabera luzeagoa ere izan liteke.
Euskotren-go langile guztiak jarri behar dira hitzarmenaren eraginpean, eta
soldatak erabat gardenak izan.
Hitzarmen kolektiboaren 11. artikuluari beste idazketa bat eman behar zaio,
Erantzukizun-plusaren inguruan Batzordean lorturiko akordioaren ondorioz.
Soldata-igoera
Helburukako ordainsaria finkatzea
gure lehentasunetako bat izan behar da, Euskal Administrazioko langileekiko
aldeak murriztu nahi baditugu.
Soldata-igoera
orokorrak KPI-tik gorakoak izateko eskatzen dugu, langile guztientzat, eta baita igoera
lineala soldata-arkua txikiagotzeko bestekoa izateko ere.
Larunbat, igande
eta jai-egunetako prima eta gaueko prima igotzea, Euskal Administrazioko
beste esparru batzuetan ezarritako zenbatekoekin bat etorriz.
Abenduaren 25a, Urtarrilaren
1a, eta Aste Nagusietako gauak bereziki baloratzea.
Azpikontratazioa
ELArentzat, azpikontratazioa
eta horrek berarekin daraman prekarietatea onartezinak dira. Tranbiaren
lantegitik hasita, ELA-EuskoTren-en kanpaina bati ekin genion, azpikontratazioa
salatzeko, eta iristerik ez dugun tokietan, eraginpeko taldeen lan-baldintzak
hobetzeko.
Arau orokorrak:
Hitzarmen hau negoziatzean buruan
dugun asmoa arauak eztabaidatzea, eta hitzarmenaren testuan sartzea da. Hartu
dugun erreferentzia Administrazioaren Arauteria da, aurreko negoziazioan
itundutakoa, eta Batzorde Iraunkorrean gainerako sindikatuekin adostutakoa.
Amatasuna.
Legea gainditzeko hobekuntzak
eskatzen ditugu.
Ø
17 asteko baimena, amatasuna dela-eta.
Ø
Lanaldi-murrizketak, adingabea 12 urte bete arte.
Ø
Edoskitzaroko lizentzia, ordubete egunean, adingabea 12
urte bete arte.
Ø
3 urtera arteko amatasunaren lan-utzialdietan lanpostua
gordetzea, soldata-maila guztietan.
Enplegua
Lan-poltsetako jendeari irtenbideren
bat bilatzeko bermeak behar ditugu.
Bete gabeko lanpostu guztiak
hornitzeko eta postu berriak sortzeko konpromiso sendoa eman behar dute,
enpleguaren egonkortasuna eta kalitatea ziurtatu nahi bada.
Oraingo zerbitzuko plantilla finkoa
handitu behar da.
Kanpoko deialdiak egiteko ere
eskatzen dugu, aldi baterako langile beharrizanak garaiz betetzeko.
Bidaiak elkar trukatzea beste garraio-enpresa batzuekin.
Ezin dugu onartu enpresa bereko
langileen arteko diskriminazioa. Zuzendaritzak neurriak hartu behar ditu,
langile guztiek lan-baldintza berak izan ditzaten. (Bilbobus, Bizkaibus,
Lurraldebus)
Oporrak
Oporraldiaren barruan hartu behar
diren baja-egunak kontuan ez hartzeko eskatzen dugu.
Oporraldikoez gain, beste
librantza-egun batzuk ere ematea proposatzen dugu, zerbitzualdiko 15 urte eman
dituztenentzat. 15 urte betetzean 2 egun gehiago; 18 urte betetzean 3; 24 urte
betetzean 4; 27 urte betetzean 5; 30 urte betetzean 6; 33 urte betetzean 7; 36
urte betetzean 8; 39 urte betetzean 9; eta 42 urte betetzean 10.
Bazkari-txartelak.
Gai hori arautzen duen artikulua
aldatu behar da. Bazkari-txartelari zenbateko finkoa ezarriko litzaioke, baina
oraingo prezioen mailakoa (10 euro).
Oporretako prima.
Eragile bakarrarentzako prima
oporretako primaren kalkuluan sartu behar da.
Mugako ordutegia
Koadretako langileen sarrera- eta
irteera-orduetan ez dago garraio publikorik, bestalde, bazkari-orduak aldatu
egiten dira; eragozpen horiek nolabait konpentsatu beharko lirateke.
Horregatik, mugako ordutegi berriak ezartzea proposatzen dugu, gure
zerbitzu-taulekin hobeto egokitzeko.
Sarrera Irteera
Goizez 05:30 15:00
Arratsaldez 13:00 23:00
Bizitza- eta istripu-aseguruak
Istripu-aseguruaren poliza
handitzea. Estaldura, heriotza-kasuetan.
Gidari-kobratzaileentzat, babes
juridikoa isunen aurka, eta gida-baimenean galdutako puntuak berreskuratzeko
ikastaroetarako diru-laguntza.
Gizarte-laguntzako (maileguak, eskola-laguntza, zapatak) diru-kopuruak
eguneratzea.
Ordutegi-zenbaketa
Ordutegi-zenbaketaren berri eta
lanaldi-luzapenaren berri langileari emateko prozedura aldatzeko eskatzen dugu.
Gure ustez, langileari egindako lanaldiaren berri hilez hil emateaz gain,
urtean behin txosten bat bidali behar zaio, non argi eta garbi zehaztu behar
zaion zein den haren lanaldi teorikoa eta zein benetako lanaldia.
Ordutegi-zenbaketa amaitu eta
hilabeteko epean eman beharko zen informazio hori; gehiegi sartuta edukiz gero,
egunak hartzeko denbora nahikoa izateko.
Langilearen borondateaz kanpoko
arrazoiengatik lanaldia luzatu bada, edo zerbitzualdia aldatu, aparteko ordu
horiek 1¾ ratioan konpentsatuko dira.
Halaber, erabilgarritasun-primaren
kobrantza aldatu ahal izateko eskatzen dugu, eta zenbaketa honela egitea: lan
egindako ordu bakoitzeko, 1¾ hartzea.
Laneratu ez direnen ordezkoa.
Zerbitzuko taula desarautzea 80 bat
eurogatik onartezina da. Aski frogatua geratu da Laneratu gabekoen Ordezkoa
izatea arrisku psikosozialaren faktorea dela. ELAtik laneratu gabekoen
postuetan txandakatzeko eskatu izan dugu, eta orain are gehiago eskatu beharko
dugu, laster batean urteko egutegiak ezarriko direnez.
Bru orduak
Bitariko Batzordean lorturiko azken
akordioa hitzarmenean txertatu behar da.
Gainera, lan egindako Bru ordu
bakoitzeko, 2 orduko baimen ordaindua eskaintzeko eskatzen dugu,
diru-pizgarriaren partez.
Bru eskuhartzeetan bazkaria edo afaria
ordaintzea, eskuhartzea otordu horietan gauzatu beharrekoa denean.
Diru-bilketak leihatiletan eta autobusetan.
ELAtik geltokietan batez ere
dauzkaten arazoei heldu nahi diegu, hau da, diru-bilketako prozedurei (bankuak,
Prosegur, kutxa gotorrak...)
Gure ustez, enpresak diru xehean
banatzen dituen kopuruak erabat zaharkituta daude (60 euro).