Abdi mah caruluk arab,
hanteu tarima teh teuing = korma

Abdi teh kapiring leutik,
kaisinan ku gamparan = pisin

Bangkong lodor meuntas jalan,
titis tulis bagja awak = bayawak

Bale direka masjid,
nya pikir bati rumanjug = tajug

Asal hiji jadi dua,
temah matak sesah ati = walimah

Cakcak gede kadal bilik,
ulah dipake mokaha = toke

Puter putih saba lembur,
kuring seja bela pati = japati

Sendok batok digagangan,
geus lawas abdi ngalayung = gayung