chhe.De
mai.n ne kabhii lab-o-ruKhsaar ke qisse
gahe gul-o-bul_bul kii hikaayat ko nikhaaraa
gahe kisii shahazaade ke afsaane sunaaye
gahe kyaa duniyaa-e-paristaa.N kaa nazaaraa
mai.n khoyaa rahaa jin-o-malaik ke jahaa.N me.n
har lahajaa agarche mujhe aadam ne pukaaraa
baraso.n yuu.N hii dil_jamii-e-aurang
kii Khaatir
sau phuul khilaaye kabhii sau zaKhm Khariide
mai.n likhataa rahaa hijv baGaavat manshuu.n kii
mai.n pa.Dhataa rahaa qasr_nashiino.n ke qasiide
ubharaa bhii agar dil me.n ko_ii jazabaa-e-sar_kash
is Khauf se chup thaa ke ko_ii ho.nTh na sii de
lekin ye tilismaat bhii
taa der na rah paaye
aaKhir mai-o-miinaa-o-Daf-o-chang bhii TuutTe
yuu.N dast-o-garebaa.N huaa insaan-o-Khudaaband
nakhachiir to ta.Dape qafas-e-rang bhii TuuTe
is kashmakash-e-zarraa-o-anjum kii fizaa me.n
kash_kol to kyaa afsar-o-aurang bhii TuuTe
mai.n dekh rahaa thaa mere
yaaro.n ne ba.Dhakar
qaatil ko pukaaraa kabhii maqtal ko sadaa dii
gahe rasn-o-daar ke aaGosh me.n jhuule
gahe haram-o-dair kii buniyaad hilaa dii
jis aag se bhar_puur thaa maahaul kaa siinaa
vo aag mere lauh-o-qalam ko bhii pilaa dii
aur aaj shikastaa huaa har
tauq-e-talaa_ii
ab fan meraa darbaar kii jagiir nahii.n hai
ab meraa hunar hai mere jamahuur kii daulat
ab meraa junuu.N kaif-e-taaziir nahii.n hai
ab dil pe jo guzaregii be-Tok kahuu.Ngaa
ab mere qalam mai.n ko_ii zanjiir nahii.n hai
!!!!!!!!!!!!!!!
chho.Diye chho.Diye ye baate.n to afasaane hai.n
ham bhii diivaane hai.n jo aap ke diivaane hai.n
mar ke bhii aap ko rusvaa nahii.n hone de.nge
jal ke badanaam jo karate hai.n vo paravaane hai.n
aaj i.nsaa.N ne bhulaa Daale hai.n yazadaa.N ke karam
ham ne to zulm bhii ehasaan tere jaane hai.n
yuu.n to saaye kii tarah saath vo rahate hai.n mere
phir bhii mahasuus ye hotaa hai vo begaane hai.n
meraa izhaar-e-mohabbat na samajh paaye aap
ye meraa dukh ye meraa dard to a.njaane hai.n
NEXT |