URDU POEMS

barbaad tamannaa pe ataab aur zyaadaa
haa.N merii mohabbat kaa javaab aur zyaadaa

roye na abhii ahal-e-nazar haal pe mere
honaa hai abhii mujh ko Kharaab aur zyaadaa

aavaaraa-va-majanuu.N hii pe maukuuf nahii.n kuchh
milane hai.n abhii mujh ko Khitaab aur zyaadaa

uThe.nge abhii aur bhii tuufaa.N mere dil se
dekhuu.Ngaa abhii ishq ke Khvaab aur zyaadaa

Tapakegaa lahuu aur mere diidaa-e-tar se
dha.Dakegaa dil-e-Khaanaa_Kharaab aur zyaadaa

ai mutrib-e-bebaak ko_ii aur bhii naGmaa
ai saaqii-e-fayyaaz sharaab aur zyaadaa

!!!!!!!!!!!!!!!!!!!!!!!!!

bargashtaa-e-yazdaa.N se kuchh bhuul hu_ii hai
bhaTake hue insaan se kuchh bhuul hu_ii hai

taa hadd-e-nazar shole hii shole hai.n chaman me.n
phuulo.n ke nigeh_baan se kuchh bhuul hu_ii hai

jis ahad me.n luT jaaye faqiiro.n kii kamaa_ii
us ahad ke sultaan se kuchh bhuul hu_ii hai

ha.NSate hai.n merii suurat-e-maftuu.N pe shaguufe
mere dil-e-naadaan se kuchh bhuul hu_ii hai

huuro.n kii talab aur mai-o-saaGar se hai nafrat
zaahid tere irfaan se kuchh bhuul hu_ii hai

NEXT