magsulat ng tula, kumanta, magbasa ng magazine

456 Bunducan, Bocaue
3018 Bulacan
Tel. no. : (97)-692-3819

Yoshida Apt. Rm. 202
1-3-29 Kawagishi, Toda, Saitama
PHS No. : 060-137-3049

Kung may maikukuwento man ako siguro, iyong time na bago pa lang ako sa Japan. Sa airport pa lang masaya na. Paano, hindi namin alam kung saan lalabas. Inabot siguro kami ng isang oras sa loob lang ng Terminal 2.

Dumating kami sa dorm, bandang alas-onse. Binigyan kami ng sandwich pero walang inumin. Kinabukasan, naghanap kami ng kanin. Hindi problema ang ulam dahil marami akong dalang delata. Dahil hindi pa kami marunong magsalita ng Japanese, tinitingnan lang namin kung may itinitindang kanin. Pumasok kami sa ilang maliliit na kainan pero hindi raw puwede na kanin lang. Dahil wala kaming makain, nagtiis muna kami sa ramen.

Dito ngayon papasok ang kahalagahan ng "sempai". Sa sempai ka makakakuha ng mga bagay-bagay na kailangan mong malaman, mula sa bilihan ng mga pagkain hanggang sa libangan. Sa mga sempai na nag-aruga sa amin noong bago pa lang kami sa Japan, maraming salamat.

Hindi ko alam kung bakit. Basta ang alam ko, dumating ang pinsan ko galing sa Japanese embassy at may dalang application form for scholarship. Dahil hindi offered ang gusto niyang course, ibinigay sa akin. Wala namang mawawala sa akin kung susubukan ko kaya nag-apply ako "just for experience". Hindi ko nga inaasahang makakapasa ako. Siguro natapat sa akin ang suwerte kaya ako naririto sa Japan ngayon.