BALITANG LOKAL (TRINIDAD)

Habal-habal drayber gipusil sa li-og
Hunyo 29, 2008

Trinidad – Usa ka habal-habal driver ang gidali pagdala sa tambalanan human kini gipusil sa li-og kaniadtong Myerkules (Hunyo 25) sa wala mailhing tawo.

Si Pastor Autentico, 48 anyos, minyo, molupyo sa Barangay La Victoria, naigo sa tuong bahin sa iyang li-og.

Matud pa sa imbestigasyon sa kapulisan, samtang si Autentico tua sulod sa pamuy-anan sa usa ka silingan sa maong barangay, ilang namatikdan nga naay namuno og bato sa balay.

Migawas sa Autentico aron pagsusi kon kinsay namuno, apan kalit nalang kini gipusil sa maong tawo gamit ang walang matinong kalibre sa pusil.

Gidala si Autentico sa Garcia Memorial Provincial Hospital sa Talibon, samtang ang mga kapulisan padayon pa nangita sa suspetsado. DM

Mga opsiyales sa ARMM miduaw sa Bohol
Ni: Edward Guyano
Hunyo 1, 2008

Miduaw ang dinhi sa lalawigan ang mga opisyales sa Autonomous Region for Muslim Mindanao (ARMM) ug mga department heads sa 8 ka mga lungsod sa Lanao del Norte ug mga rebuskador sa University of the Philippines.

Si John Francisco ang pangulo sa mga researcher dihang gikahinabi sa JBBN mibutyag nga ang ilang tumong sa pag-anhi dinhi sa lalawigan mao ang pagkat-on kon giunsa pag- elevate sa Bohol sa kapobrehon ug aron usab ila kining ma-apply sa ilang tagsa-tagsa ka mga lungsod sa ARMM.

Usa sa mga gibisitahan sa maong grupo mao ang lungsod sa Trinidad. Gipahigayon usab didto sa CPG Hall sa kapitolyo probinsyal ang tigum tali sa mga opisyales sa ARMM uban sa hepe sa BPRMO Mr. Antonieto Pernia.