|
|
|
Jansen |
BALITANG LOKAL (TALIBON)
Bata nawala sa
Talibon
Ni: Admi Valmores
Hunyo 29, 2008
|
Talibon – Usa ka batang lalake gibanaban nga mga pangidaron nga 3 o 4 anyos ang pangidaron nagpaila sa iyang ngalan nga si Jansen, ug wala siya makahibalo sa iyang apelyedo o bansagon.
Nitug-an siya nga ang ngalan sa iyang amahan mao si Eric og ang inahan si Sana. Ang bata nag-estambay pipila ka oras didto sa balay ni Nestor Cruda sa Poblacion ning lungsod sa bisperas sa pista sa Talibon niadtong Mayo 24, ug namatikdan man siya nga walay kuyog, ug diha lang nagyampungad sa naasoy nga tag-iya sa balay niadtong adlawa, mao nga gihatud ang bata sa pag-umangkon ni Nestor Cruda sa Talibon Police Station sa may alas 5 sa maong adlaw aron ma-report kining maong kaso sa mga otoridad.
Si PO1 Lycela Torrefiel nga gikahinabi ning tagsulat, niasoy nga ang kapolisan dinhi naghimo’g pakisusi sa mga peryahan og sa namaligyag balloon kay dihay nag-estorya nga ang iyang papa namaligya niini, apan paltos o negatibo ang maong pakisusi.
Gihatud na lang sa polis ang bata sa buhatan sa DSWD sa Talibon ug karon si Jansen gitugotan nga makapuyo sa pamilyang Cynthia Bunado sa Poblacion kay nalingaw ni siya nga makigdula sa iyang mga katalirongan.
Si Jansen, matud pa, wa jud mag-iliw sa iyang mama og papa, wa maghilak og ingon sa independente kaayo ang iyang kinaiya.
Gituhoan nga gituyo jud ni siya og bilin sa iya bang mga ginikanan o ni bisan kinsa dinhi sa Talibon kay wa man jud nagsusi kaniya dinhi sa mga otoridad sa kagamhan hangtud sa pagsulat niini.
Ubang mga kasayoran napupo gikan ni MSWD I Alberta B. Lagumbay sa DSWD – Talibon.
Mari-Culture Zone Project sa Talibon miani
na’g daghang isda
Ni: Nestor Daarol
Hunyo 22, 2008
|
Talibon - Libuan ka mga isda ang giani gikan sa mga cages kon tangkal sa lungsod sa Talibon sulod sa Mari-Culture Zone Project nga giabagan sa Bureau of Fishery and Aquatic Resources (BFAR).
Ang mga tangkal gisugdan sa pagbutang uban sa mga isdang bangus mga tulo ka bulan na ang nakalabay og gisugdan na ang pag-ani niini milabay nga Huwebes, Hunyo 19.
Ang Talibon Mari-Culture Zone Project maoy labing una sa Central Visayas.
Ang Talibon Vendors Association mao ang diriktang mipalit sa maong mga isda aron ibaligya sa merkado sa Talibon ug ang subra niini adto ibaligya sa silingang mga lungsod.
Ang Mari-Culture Zone Project sa Talibon mokabat ngadto sa kapin kon kulang 300 ka mga iktarya.
Si Mayor Juanario Item sa Talibon miawhag sa mga nanag-iya ug fish pond sa lungsod sa pag-invest ug mga tangkal sa Mari-Culture Zone Project kay sa pagpadayon sa ilang mga fish pond nga grabing naapiktuhan sa global warming.
Si Item nanag-iya usab ug fish pond sa lungsod apan nadiskorahi kini gumikan kay nabanlas ang iyang mga isda gumikan sa kalit nga pagsaka sa tubig nga wala masinati sa unang panahon nga maoy hinongdan sa pagkahurot sa iyang isda.
Sa pagkakaron nalantaw sa mayor nga dako kaayo og bintaha ang Mari-Culture Zone Project nga anaa sa dagat.
Gidapit sa mayor ang mga bisan kinsang mamumuhunan sa lalawigan sa Bohol aron mobubo og puhunan alang sa mga tangkal. Iyang gipasalig nga adunay tax holiday nga ilang ipatuman.
Gibutyag usab ni Bise Mayor Resituto Auxtero nga ila nang napasar ang usa ka ordinansa nga giulohan ug “Talibon Investment Incentives and Promotion,” nga gitumong ug tuyo sa pagdani sa mga investors aron sa pagbubo sa ilang puhonan sa mga fish cages.
Ang dapit nga nahimutangan sa Mari-Culture Zone Project luwas sa mga dagkong bawod nga dala sa kusog nga hangin.
Ang usa ka tangkal sa isda musulod ug kapin 2,000 ka mga isda.
Nagtuo si Mayor Juanario Item nga makatabang ang maong proyekto ngadto sa mga mananagat aron dili na mohimo sa illegal nga panagat.
Dr. Julius Credo napili isip bag-ong Grand
Knight sa K-of-C Talibon
Ni: Admi Valmores
Hunyo 22, 2008
|
Talibon - Si Dr. Julius P. Credo maoy napili nga bag-ong Grand Knight sa Knights of Columbus, Blessed Trinity Council No. 9245 nga nagbase ning lungsod atol sa tinuig nga reunion didto sauloga sa isla sa Tambo sa Hunyo 7, Sabado.
Siya ang nipuli sa kanhi aktibo nga Grand Knight Engr. Lorenzo R. Flores nga nakaalagad na og tulo ka Columbian year, ug siya gitakda nga itudlo nga District Deputy sa Knights of Columbus, Bohol East Area.
Ika-duha na kini mahitabo nga ang reunion gisaulog sa maong isla ubos sa pag-sponsor sa Ex-Grand Knight Dionesio Berdera sa panahon pa ni Rev. Fr. Julio Renegado nga maoy kura paroko ning lungsod. Si Berdera maoy tag-iya og nag-okupar og dako-dako nga fishpond sa maong dapit.
Si Dr. Credo kansang profession usa ka dentist nakahupot na siya sa katungdanan isip Financial Secretary sa taas-taas nga panahon sa maong Council.
Aktibo ni siya isip reserve officer sa Philippine Army.
Sa iyang mubo nga mensahe sa maong okasyon nipasidaan siya nga mo-issue siya og mga executive order alang sa mga kausaban nga makaayo sa mga sakop og sa kapunongan.
Laing mga opisyal nga napili mao kining mosunod: SK Alejandro G. Auxtero, Deputy Grand Knight; Bro. Generalito C. Valmores, Chancellor; SK Admiralito C. Valmores, Recorder; SK Candelario Cutaran, Treasurer; SK Nicolas Gurrea, Warden; Bro. Ekong Aguhar, Inside Guard; SK Silverio G. Turtoga, Outside Guard; Bro. Dante D. Evangelista, Trustee for 3-year; Bro. Achilles A. Polestico, Advocate; og Bro. Rodolfo B. Estafia, Lecturer.
Gikaigoan nga ang installation sa maong mga opisyal pagahimoon sa unang Domingo sunod bulan sa Hulyo sa alas 9:30 sa buntag.
2 lawak saringan sa KALAHI- CIDSS gitugyan sa TCSGisundan dayon sa pag putol sa ceremonial ribbon nila ni Provincial administrator Atty. Tomas Abapo ug Mayor Juanario A. Item.
Si Atty. Abapo kanhi bokal sa ikaduhang distrito maoy gitugyanan ni Gobernador Erico B. Aumentado kinsa may gitagad nga bisita.
Ang total nga nagasto sa maong proyekto nikabat sa P1,272,428.00 nga gikurambosan ning mosunod: KALAHI grant (P937,763.91), Community (P50, 400.00), BLGU - Poblacion (P183, 345.59), Mun. LGU (P 42,800.00) ug Provl. LGU (P58, 118.50).
Nagsugod ang proyekto Disyembre 17, 2007. Sa turn-over ceremony, ang simbolo nga yawe gihatag pag-una ni Mr. Cris Vistal (nagrepresentar) sa RD/Regional Project Director Teodolo R. Romo, Jr. ngadto ni Prov’l Administrator Atty. Tomas Abapo; gipasa ang yawe ngadto ni Mrs. Francisca Escartin (tinugyanan ni Cong. Roberto C. Cajes); Asst. Schools Division Supt. Soniaflor Kapirig (tinugyanan ni Dr. Elpidio M. Jala, Schools Division Superintendent); Mun. Mayor Juanario A Item; Dr. Mary May Tumalon; Brgy. Capt. Urcelio A. Evangelista; ug napupos ang pagpasa sa yawe ngadto ni Talibon Central School Principal Juan S. Torregossa.
Si Atty. Abapo, sa iyang mensahe, nagpadayag nga si Gob. Aumentado nagtugon kaniya nga ipaabot ang iyang mensahe sa mga Talibongnon nga “Nagpabilin sa kanunay ang akong pagpangga sa Talibon.”
Kini gipamatuod-an sa pagpalanog niya nga ang LGU province mohatag og usa (1) ka unit nga computer ug adunay printer sa kantidad nga P20,000.00 human ipadayag ni Brgy. Capt. Evangelista nga mangayo siya og milagro nga proyekto gikan ni Aumentado.
Si Abapo nangindahay nga ang mga magtutudlo dinhi mopasaka sa kalidad sa edukasyon sa mga kabataan tungod kay maanindot kaayo ang pagkahimo sa duha ka silid tulunghaan.
Si Mayor Item, sa iyang mensahe, niawhag sa mga ginikanan nga kinahanglan hatagan og edukasyon ang ilang mga kabataan kay mao ra ni bahandi nga dili makawat ug mao ni dakong puhonan s ilang hayag nga kaugmaon.
Si Soniaflor Kapirig, nagkanayon nga mentenahon ug susteneran ang katahom sa duha ka classrooms.
Ipadawat niya sa mga magtutudlo ang mga kabataan nga magpaenrol kay matud niya ang battle cry sa DepEd mao ang increasing participation rate.
Gipadayag ni Kapirig nga adunay Presidential Order ni Pres. Gloria Macapagal Arroyo nga no requirement of uniforms in Grade I, no contribution.
Aduna lamang dugang 10,000 nga permanent items ning school year 2008-2009.
Samtang si Dr. Tumalon, midasig sa mga ginikanan nga kinahanglan nga hatagan og
dakong pagtagad sa pagpa eskuyla ang mga kabataan.
Si Francisca Escartin nagkanayon nga si Cong. Cajes andam sa kanunay nga mohatag og proyekto sa mga kabarangayan pinaagi lang sa pagpasupot og resulotion ug project proposal.
Si Mr. Vistal sa mubo niyang pakigpulong nipasalig nga iyang ipaabot ni Director Romo ang kainit sa katawhan dinhi nga nidawat sa duha ka classrooms sa KALAHI- CIDSS.
Mga kanhi kawani sa KALAHI-CIDSS nga nitambong usab sa maong turn-over mao sila si Financial Analyst Wilfredo Pelone og Engr. Jimju Ambalon.
Si Brgy. Captain Evangelista naghisgot nga sa kabag-o sa iyang paglingkod sa katungdanan isip amahan sa barangay nakadawat na siya og mga dakong milagro nga wala niya palandonga ug paabota, mao kining giinagurahan nga duha ka classrooms ug ang lain nga milagro mao ang duha ka classrooms nga hinatag ni Senador Kiko Pangilinan.
Nangandoy ang kapitan nga mahatagan usab siya og milagro gikan ni Mayor Item.
Si kanhi Brgy. Capt. Virgilio G. Laruga, Jr. nga karon usa na ka kagawad ug BSPMC Chairman nagsaysay sa iyang di tiaw nga kasinatian kon unsa kalisod ang naagian una matunhay ang proyekto.
Una niyang nahisgotan nga ang Area Coordinator sa KALAHI-CIDSS Talibon based Myrna Batalan maoy unang nakigkita kaniya aron pagpahibalo nga ang maong buhatan mohatag sa mamugna nga nag-unang proyekto sa barangay apan motuman sa mga lagda nga ipasunod sa KALAHI-CIDSS.
Gisugdan ang programa sa panalangin ni Brgy. Kagawad Eugenio Aventurado, Jr. ug gisundan dayon sa pag-awit sa National Anthem ug Bohol Hymm nga si Master Teacher I Lourdes G. Sayson ang nag-lead.
Nihatag og vocal solo si Mrs. Ma. Cristie A. Polestico sa intermission number. Dihay mga pag-apod-apod sa Certificates of Recognition ngadto sa mga hingtungdan nga adunay kalambigitan sa ilang dakong kahago sa katukoran sa duha ka classrooms.
Si Mr. Torregosa, sa iyang panak-op nga pakigpulong, nagpasalamat sa tanan nga nakatampo og dakong pagtabang sa katukoran sa duha ka classrooms, og ngadto usab sa tanang naglihok alang sa kalamposan sa programa.
Si Miss Milagros Gollodo mao ang master of ceremony sa programa.