|
|
|
Hulagway sa usa ka adlaw nga pagbansay bansay kabahin sa ecological solid waste management pagbahin-bahin sa mga basura didto sa Barangay Cogon Norte, Loon, nga gipasiugdahan sa kagamhanang lokal sa lungsod. (Boy Luzon) |
BALITANG LOKAL (LOON)
Pagbansay-bansay sa Ecological Solid Waste Management, gipahigayon
|
Gipahigayon ang usa ka adlaw nga pagbansay bansay kabahin sa R.A. 9003 ecological solid waste management (ESWM) niadtong Hunyo 23, 2008 didto sa Cogon Norte Barangay Hall sa lungsod sa Loon.
Ang maong kalihokan pinasiugdahan sa mga kawani sa lungsod ug sa pagtambayayong sa mga barangay opisyal pinangulohan ni Barangay Kapitan Alexander Luzon ug tinambongan kapin sa 130 ka mga misalmot.
Gipasabot ang mga misalmot sa maong seminar nga magbahin-bahin sa mga basura, ug ang deadline sa maong kalihokan karong Hulyo 15, 2008.
Gisugyot usab nga matag bubong sa panimalay adunay kaugalingong compost pit, aron maka prodyus og organic fertilizer, nga maoy gamiton pag-abono sa ilang mga tanom sa palibot sa ilang panimalay (backyard gardening) ang dili motuman sa mga kalagdaan adunay mga silot nga ipahamtang ingon man pagka priso, pinasubay sa gimbut-an sa ESWM.
Ang maong proyekto nga gilusad sa kagamhanang lokal sa lungsod, makahatag og kalimpyo sulod ug palibot sa panimalay, ug mapanalipdan usab ang panglawas sa katawhan.
Timaan sa mauswagong katilingban ang limpyo nga puluy-anan.
P2.3M Farm-to-Market road, gisubhan sa Brgy. Cuasi
|
Loon - Mokabat ngadto sa P2.3 milyones ka pesos nga farm to market road ang gisubhan didto sa Brgy. Cuasi, Loon, Bohol dili pa lang dugay.
Gikalipay og dako sa mga opisyales nga napatuman ra gyod ang maong proyekto, ubos sa pagpaningkamot ni kanhi kapitan Gerardo Foren, ug sa pagtambayayong sa bag-ong kapitan Wilfredo Pergamino.
Ang maong proyekto maoy labing ulahing kalamboan nga naangkon sa Brgy. Cuasi, tungod kay sagad kining agian sa katawhan pagdala sa ilang produkto ngadto sa merkado ug maoy sentro usab nga agianan sa mga tinun-an sa pang publikong tulunghaan sa sekondarya.
Dugang niini, si Kongresista Edgar Chatto, anaa sa kanunay pagbulig sa mga suliran sa Barangay alang sa pagpalambo, sa mga kaugmaran ug katikaran aron ang katawhan anaa sa makanunayong pagsalig sa mga gisangonan sa pagpangalagad ug pagserbisyo sa katawhan.
Ang maong kalihokan tinambongan ni Kong. Chatto, Board Member Yul Lopez, Engr.
Celestino Adlaon sa DPWH, Mayor Lloyd Peter M. Lopez, Bise Mayor Edwin Ladeza,
Kag. Ignacio Castil, Jr., Kag. Cokoy Legitimas, Kag. Ricky Masamayor, LNB
President Odong Pedrigal, mga kawani sa buhatan sa mayor, Ronnie Robenta, Engr.
Marina Loquinte, Reigh Monreal, Brgy. Kapt. Wilfredo Pergamino, ug sa iyang mga
sakop sa Sangguniang Barangay, ingon man ni kanhi kapitan Gerardo Floren, mga
kapitan sa managsilingang barangay, Leona O. Cagande ang Head Teacher sa pang
publikong tulunghaan sa habagatang bahin, mga tinun-an sa sekondarya, ug sa
elemtarya, ug ang bagang duot sa katawhan.
Bagyong Frank nagbili�g kadaut sa dungo-anan sa Brgy. Napo
Ni: Boy Luzon
Hunyo 29, 2008
|
Loon � Maayong pagkaguba ang pantalan sa Barangay Napo, ang dunggoanan sa lungsod sa Loon, human kini gikuso-kuso ug gihapak sa mga dagkong balod, gumikan sa Bagyong Frank, nga nagbilin og dakong kadaut sa natumbok nga pantalan.
Ang maong dunggoanan kapin sa katunga ang gilapdon ang naguba, ug gamay na lang ang nahibilin, ug maglisud na pag-agi ang mga multicab, ug mga tricycle pagdala sa mga binanyerang isda ngadto sa merkado.
Ang kagamhanang lokal sa lungsod pinanguluhan ni Mayor Lloyd Peter Lopez may laraw sa paggahin og ubay-ubayng pondo, ingon man sa pagpangayo og pinansyal nga tabang ngadto sa kagamhanang nasyonal alang sa rehabilitasyon sa maong pantalan, aron mahibalik ang kahapsay partikular ang mga yanong mananagat.
Kini maoy usa sa gitutokan sa mga barangay opisyal sa Napo, pinangulohan ni Barangay Kapitan Sofia Mejares.
P3-Milyones nga SARO nadawat sa Brgy. Cogon Norte
|
Loon � Si Mrs. Pureza Chatto, kapikas ni Cong. Edgar Chatto, ug Billy Tongco chief-of-staff Erik Galan project coordinator ug iyang mga kauban personal nga ilang gihatod ang special allotment release order kon SARO didto sa Brgy. Cogon Norte niadtong Hunyo 7, Sabado, alang sa kaugmaran ug katokoran sa desinyo ug medornong multipurpose barangay hall nga gikan sa Department of Budget and Management (DBM) sa kaulohan ni Mario Relampagos sa kantidad P3 Milyones.
Dalaygon ang gihimong pagbisita ni Mrs. Chatto sa natumbok nga barangay kay nakahatag og dakong kalipay particular sa mga barangay opisyales pinangu;luhan ni Brgy. Kapt. Alexander Luzon Sr., nga mapatuman na ang maong mga laraw nga makahatag og maayong imahen sa barangay sa iolang pagpangalagad ug pagpanerbisyo tali ngadto sa mga katawhan.
Subay niini gilaoman ang maong proyekto mahuman sulod niining tuiga, aron ang mga barangay opisyales magtutok usab sa dugang pang mga proyekto nga mapalambo ang barangay.
Matud pa ni Chatto ug Tongco, gikinahanglan ang makanunayong panaghiusa aron sa ingon madali ra mahidangat ang mga imprastraktura ug uban pang mga panginahanglan alang sa kalambuan sa barangay.
Atol sa pagbisita ni Chatto, miduso usab og Sangguniang Barangay resolution sa
kantidad nga P200,000 alang sa rehabilitasyon sa farm-to-market road nga maoy
sagad agianan sa mga katawhan pagdala sa ilang mga produkto ngadto sa merkado.
Loon mabolokong nisaulog sa Adlaw sa Kaugalingnan
Ni: Boy Luzon
Hunyo 22, 2008
|
Loon � Ang kagamhanang local, nga pinanguluhan ni Mayor Lloyd Peter Lopez ug Bise Mayor Edwin Ladeza, nagsaulog sa ika-110 nga anibersaryo sa Kaugalingnan sa maong lungsod, niadtong Hunyo 12 (Huwebes).
Gisugdan ang maong kalihukan pinaagi sa parada nga diin gipartisipahan sa kinabag-ang duot sa katawhan, sama sa mga kawani sa Bureau of Fire Protection, PNP, mga kawani sa Local Government Unit, ingon man sa Rural Health Unit I ug II, mga kadagkuan sa nagkadaiyang pampubliko ug pribadong tulunghaan sa elementarya ug sekandarya, mga membro sa Sangguniang Bayan, mga membro sa Liga ng mga Barangay pinanguluhan ni Cesar Pedrigal, SK chairman Ivaraxel Ericson ,mga Non-Government ug People�s Organizations (NGO�s ug PO�s), mga membro sa Women�s Organization ug mga religious sector sa katilingban.
Ubay-ubay ang gilusad nga mga programa agi og pagyukbo sa usa ka makasaysayanong adlaw sa kaugalingnon sa atong nasud nga Pilipinhon nga gipahaom pinaagi og mabolokong mensahe ni Mayor Lopez ug Bise Mayor Ladeza nga ang tanan mitambung adunay dalang mga bandera sa Pilipinas, simbolo sa atong pagmahal, ug kagawasan sa Republika sa Pilpinas, ug natapos ang programa pinaagi sa tinak-opang awit �Bayan Ko� ingon man pagkaway-kaway sa ilang dalang mga bandera.
APO mipasiugda og Medical dental mission
Ni: Boy Luzon
Hunyo 22, 2008
Loon � nagmalampuson ang gipahigayong medical ug dental mission didto sa Cuasi Barangay Hall sa habagatang bahin sa lungsod niadtong Hunyo 9 Lunes ubos sa pagpasiugda sa Alpha Phi Omega (APO) Midwest Chicago Alumni Association.
Ang maong kalihokan tinambongan ni Petronilo Ramos, APO president, ingon man ni Edwin Marquez, chairman sa APO Midwest Medical and Dental Project, ug sa pagtambayayong sa kagamhanang probinsyal pinanguluhan ni Bise Gob. Julius Ceasar Herrera, Mayor Lloyd Peter Lopez, Bise Mayor Edwin Ladeza, District I Kag. Ignacio Castil Jr. ug mga barangay opisyales pinanguluhan ni Brgy. Kapt. Wilfredo Pergamino.
Ubay-ubay ang mga doctor ug dentista sa APO Midwest Alumni sama ni Dr. Nona Luz Pizarras, Dr. Edgar Pizarras, Dr. Pesquira, Dr. Tito Miranda, Dr. Filino Columnas, Dr. Felisisimo Caminero ug uban pa ang mi-asister sa mga nurse, dental attendants sa CNCMH ug PHO sa dakbayan sa Tagbilaran.
Nasayran a JBBN nga 340 ka mga pasyente ang nahatagan sa libreng serbisyo ug
ingon man sa mga libreng tambal ug 10 ka mga silingang barangay ang
nakapahimulos sa libreng kalihokan ilabi na kadtong mg kabus nga banay nga
naatiman ug pagprotihir sa ilang panglawas.
23, nahulog sa sakyanan, patay
Ni: Boy Luzon
Hunyo 22, 2008
Loon - Patay ang usa ka 23-anyos human mahulog sa usa ka truck de carga izuzu elf niadtong Hunyo 10, Martes, sa may alas 5:00 sa hapon didto sa Cantumocad national highway.
Ang biktima giila sa pangalan Ronaldo de la Cerna alyas Tiago ulitawo lumulupyo sa Brgy. Sondol sa isla sa Sandingan.
Samtang ang maong sakyanan gimaneho ni Vicente Cear Bertis y Sotto, 25, ulitawo, officer-in-charge sa gipahigayong Smart cellsite constructoion natumbok nga barangay ug lumulupyo sa lungsod sa San Miguel ug kasamtangang nagpuyo sa Sondol.
Sa imbestigasyon nga gihimo sa kapolisan nasayran ang maong sakyanan nagbiahe paingon sa ilang cell site sa Sandingan, nga puno sa kargamento mga kahoy gamitonon sa ilang constrksyon.
Sa paghidangat sa nahisgutang dapit kalit lang mi-zigzag ang dagan sa sakyanan ug maoy hingungdan sa pagkahulog sa biktima kay out-of-balance sa iyang paglingkod sa likod nga bahin sa maong sakyanan.
Kay mtud pa ang driver impluwensya sa ilimnong makahubog.
Human sa panghitabo gidala dayon ang biktima sa tambalanan ig gideklara sa mananambal nga dead-on-arrival.
Ang driver sa maong sakyanan walay driver�s license nga gipakita sa mga
tingugayan sa balaod sa maong insidente ug padayon karon ang ilang mga
imbestigasyon kahabin sa maong hitabo.
70 migradwar sa computer literacy
Ni: Boy Luzon
Hunyo 22, 2008
Loon - Gipahigayon ang gradwasyon sa 160 ka oras nga computer literacy training didto sa Paseo de Loon, ubos sa pagpasiugda sa Ruby Genre Organization pinangulohan ni Stella ug Darlitaa Orcullo nga gitambongan usab nila ni TESDA Officer Dr. Floro Ringka, DepEd representative for Alternative Learning System (ALS) Bonifacio Fostanes, Bise Mayor Edwin Ladeza, ug ang 70 ka mga migradwar sa ilang pagtuon atol sa maong pagbansay-bansay.
Nasayran sa JBBN ang maong pagbansay-bansay milanat og duha ug tunga ka oras sa matag adlawng Myerkules, Huwebes, ug Byernes sa hapon nga gidumala ni Jerome Orcullo kinsa maoy trainer sa maong kalihokan.
Ang Ruby Genre nag-inusarang organisayon sa lungsod nga nagtutok alang sa kalamboan ug pagtabang sa mga yanong lungsoranon.
Si Orcullo nagkanayon nga naggahin sila og badyet alang sa pagpatuman sa ilang mga laraw ug aron adunay katumanan sa ilang mga proyekto.
Brigada Eskwela gipahigayon
|
|
Loon - Gibuksan ang Brigada Eskwela niadtong Lunes (Hunyo 2) ubos sa kamanduan sa DepEd sa tibuok nasud.
Ang tulunghaang elementarya sa Brgy. Cogon Norte usa sa nagpahigayon sa maong kalihukan ubos sa pagsuperbisar ni head teacher Vicente Sagetarios, ug ingon man sa mga magtutudlo ug inabagan sa mga barangay opisyal pinangulohan ni Brgy. Kapt. Alexander Luzon ug sa mga kagawad Enrique Catayas, Leonardo Mellicor, Carmelito Restificar ug barangay secretary Perpetua Ucang.
Ubay-ubay ang mga ginikanan nga mitambong nga diin nagapahigayon sa pagpanghinlo sa palibot sa tulunghaan, ug pag-ayo sa mga bangko nga kahimanan sa mga kabataan.
Ang maong kalihokan nagsugod sa ika-duha hangtod ika-unom nga ang-ang, ug nagtapos kini niadtong Hunyo 6.
Matud pa ni Sagetarios, inig bukas sa saring, limpyo na nag tulunghaan ug dili madisturbo ang mga kabataan sa ilang pagtuon.
Usa kini ka nasudnong kalihukan sa DepEd ug sa pagtambayayong sa mga opisyales sa barangay ug ang mga ginikanan nga nagpatungha sa ilang mga kabataan.
Samtang sa Basac Elementary School nga gidumala ni head teacher Stella Orcullo uban sa mga magtutudlo mga barangay officials pinangaulohan ni Brgy. Kapt. Judy Marie Veloso ug mga ginikanan mipahigayon gihapon sa maong kalihukan nga nagmalampuson sa hiniusang suporta sa mga katawhan.
|
Tutorial services pagaugmaron
|
Loon - Si Mayor Lloyd Peter Lopez mibutyag atubangan sa mga barangay kapitan atol sa maong tigum nga adunay tutorial services nga ipahigayon alang sa mga bata nga hinay kaayo sa ilang leksyon sa tulunghaan.
Adunay mga kawani sa LGU ang mobisita sa mga panimalay aron tapokon ang mga kabataan, tudloan aron ma-improve ug madugangan ang ilang talento pinaagi sa pagtambayayong sa mga SK chairman ug senior citizen.
Kining maong kalihukan walay obligasyon ang mga ginikanan ug libre pa gayud sa mga snacks atol sa maong kalihukan.
Kini maoy labing ulahing kalambuan nga tabang ngadto sa mga ginikanan nga gikan sa LGU, aron ang mga kabataan matabangan sa ilang leksyon.
Samtang sa laing bahin, ang kagamhanang probinsyal pinaagi ni Atty. Tomas Abapo mitunol og cheke ni Brgy. Kapt. Alexander Luzon Sr. ug Kag. Enrique Catayas sa kantidad P25,000 sa Brgy. Cogon Norte, aron ipalit og usa ka unit nga computer.
Kining maong katikaran gikalipay og dako sa mga barangay opisyales nga nakabaton sila og computer pinaagi sa inisyatibo ni Abapo.
LAP pagaugmaron sa lungsod
Loon - Si Kag. Ricky Masamayor, isip chairman sa Peace and Order niining lungsod, mibutyag atubangan sa 67 ka mga kapitanes atol sa regular nga tigum nga gipahigayon di pa lang dugay, nga adunay pagbansaybansay ka-bahin sa Loon Auxiliary Police (LAP), tungod kay kulang ang gidaghanon sa mga polis nga magmentinar sa kahusay ug kalinaw.
Subay niini, ang mga barangay tanod maoy pagakuhaan ug pagapilian nga maoy pagabansay-bansayon aron maoy idugang ug konektado sa mga pwersa sa kapolisan.
Human sa ilang pag-bansaybansay, ang ilang swedlo anha pagakuhaa sa budget sa lungsod.
Ang walo (8) ka mga barangay nga maoy pagapilian alang sa katukoran sa LAP, mao ang Basac, Cogon Norte, Moto Norte, Moto Sur, Napo, Lintuan, Basdacu, ug Cogon Sur.
Ang maong kalihukan makahatag og dugang kalig-on sa lungsod pinaagi sa pagtam-bayayong sa mga barangay tanod alang sa operasyon sa kahusay ug kalinaw.
Barangayan giugmad sa CSCLoon � Si Human Resource Management Officer (HRMO) Sonet Ladeza mibutyag atubangan sa mga barangay kapitan atol sa regular nga tigum nga gipahigayon di pa lang dugay kabahin sa �Barangayan� sa Civil Service Commission (CSC), nga karong Hunyo 18 sa JJ�s Seafoods sa dakbayan sa Tagbilaran, adunay ipahigayon nga kalihukan kadtong nakaserbisyo sa barangay sulod sa lima (5) ka tuig mahimo nang sub-prof eligible nga wala nay examination pa nga pagahimoon.
Magparehistro sa buhatan sa CSC, ug P750 lang ang obligasyon, magdala ug valid ID, oath of office, ug certification sa DILG.
Kining maong kalihukan aron matabangan ang mga barangay official sa ilang pagapanerbisyo ug pagpanga-lagad nga mahimo nang sub-prof eligible, kon moabot ang panahon nga dili na sila opisyal sa barangay.
Dugang niini, ang mga opisyales sa barangay gihatagan og dakong katungod, bugti sa ilang pagkap-ot og pagpanga-tundanan sa tagsa-tagsa ka mga barangay nga maoy implementing arm pagpatuman sa balaudnon.
Depasaheroang pumpboat
nalunod
Ni: Boy Luzon
Hunyo 8, 2008
LOON - Usa ka depasaheroang pumpboat ang nalunod niadtong Martes (Hunyo 3), alas 6:00 sa gabii, partikular didto duol sa pantalan sa Mocpoc Sur, Isla sa Sandingan.
Ang maong pumpboat adunay sakay nga 12 ka mga pasahero, lakip ang 2 ka mga bata nga nagpangaedaron og 4 anyos, ingon man 2 ka mga sakong bugas, 2 ka sakong feeds, 1 ka unit motorsiklo nga Honda TMX 155 nga gipanag-iya ni Dindo Ruta nga barangay kagawad sa Talisay, 4 ka mga kahong samanaglahing gidak-on, ug uban pa.
Gumikan sa dakong balud nga mihapak sa pumpboat maoy hinungdan sa pagkalunod kay tugob kaayo, dili pa halayo sa pantalan mga 2 pa ka metros ang gilay-on sa ilang paglarga paingon unta sa isla sa Cabilao.
Ang pumpboat nagtangag sa mankinang Briggs & Stratton 16 ka balyos, ug gidumala ni Florentino Murcia, 46, minyo, ug helper Francisco Murcia, 47, minyo, pulos mga residente sa Brgy. Cambaguiz sa Cabilao.
Walay gikatahong nakalas nga kinabuhi atol sa maong insidente, gawas sa 2 ka sakong bugas, 2 ka sakong feeds, ug ang motorsiklo nga mitidlom sa dagat.
Pagkakaron ang mga elemento sa kapolisan nagpa-dayon sa ilang imbestigasyon sa maong insidente.
SK chairman,
kagawad gipaubos sa ISKOLAR-BOS
Ni: Boy Luzon
Hunyo 1, 2008
|
LOON � Gipalig-on gayud pag-ayo pinaagi sa pagbansay-bansay ni MLGOO Franklin Medequiso ang mga SK Chairman ug mga SK kagawad, sa Integrated Sangguniang Kabataan Organizational Leadership and Reorientation Program and Basic Orientation Seminar (ISKOLAR-BOS).
Ang maong pagbansay-bansay didto gipahigayon sa Hayahay Hall building nga gisugdan niadtong Huwebes, Mayo 22, ug gibahin-bahin pinaagi sa mga cluster sulod sa 5 ka mga distrito.
Ang maong kalihokan magalangkob sa nagkadaiyang mga eksperto nga mga facilitators sama ni MLGOO Medequiso sa Loon, Tubigon MLGGOO Sharon Marimon, Loon Mayor Lloyd Peter Lopez, SKMF President Ivar Axel Ericson, Municipal Budget Officer Martina Lanzaderas, SB Secretary Fidelino Coritico, Jess Anthony Piquero, ug Lea Mari Ca�ete.
Tinambongan usab kini ubos sa pagsuporta sa mga staff personnel sama ni Allester Meguillo, Jubert Requina, Lito Reganon, Urcesia Poligrates, Jynn Tamiroy, Lord Nelson Monreal, Ciriaco Mante, ug Mariel Patentes.
Nasayran sa JBBN nga adunay 527 ka mga SK chairman ug SK kagawad ang mitambong sa kinatibuk-an ning maong lungsod.
Ang maong pagbansay-bansay usa ka dakong tahas sa mga piniling mga SK chairman ug kagawad sa mga barangay alang sa ilang mga kasinatian, teknolohiya ug makakat-on sa pagdala sa labing epektibo nga pang-gobyerno sa mga kabatan-onan sa barangay.
Ang mga giladlad nga gihisgutan kabahin sa good leadership and responsibility, pag-organisar sa nagkadaiyang mga komitiba, ug gikinahanglan ang hiniusang kooperasyon sa tanang mga SK chairman ug kagawad aron aduna silay talento ug igong kasinatian sa natad sa pagdala sa renda sa pangagamhanan sa mga kabatan-onan.
Subay niini, aron ang mga kabatan-onan magsubay sa maayong dalan, disiplinado, ug makabaton og maayong liderao nga mapalambo ang tagsa-tagsa ka mga barangay ginaagi sa hiniusang kusog ug panaghiusa.
Kini maoy mga ulahing
kalambuan sa mga piniling mga opisyales sa mga kabatan-onan aron maoy ilang
pagadad-on sa tagsa-tagsa ka mga barangay alang sa labing epektibo, malinawon,
ug pagpangalagad ngadto sa barangay. Boy Luzon
Unang motocross competition
gipasiugda sa Isla sa Sandingan
Ni: Boy Luzon
Hunyo 1, 2008
|
GIPAHIGAYON sa unang higayon ang usa ka kompetisyon nga motocross didto sa isla sa Sandingan atol sa kapistahan niadtong Sabado, Mayo 24, sa pagpasiugda sa 8 ka mga kapitanes ug sakop sa Distrito 7 ni Kag. Ricky Masamayor.
Ang maong kalihukan gisuportahan ni Rev. Fr. Jorge Mante, Kora Paroko sa maong parokya ingon man ni Mayor Lloyd Peter Lopez ug Bise Mayor Edwin Ladeza.
Sa eksklusibong pakighinabi sa JBBN ni Brgy. Kapt. Pedro Literatus Jr, matud pa, giumol ang maong kalihukan aron pag-abiabi sa mga bisita, ug paghatag og talagsaong abilidad sa mga riders nga diin ipalupad ang mga motorsiklo atol sa ilan kompetisyon.
Unom ka mga kategoriya ang gipahigayong kompetisyon nga nagalangkob ning musonod: Expert cateory: 1st Edsil Gohetia, 2nd Rey Ytac, 3rd Edil Rebosura, 4th Nikko Redulla; Executive category: 1st Redan Suarez, 2nd Jun Escuado, 3rd Rey Ytac, 4th Edsil Gohetia; Beginners-A category: 1st Waway Ytac, 2nd Mackoy Lajot, 3rd Bembem Rebosura, 4th Jss Dosdos; Beginners-B category: 1st Clifford Racines, 2nd Saldwin Lao, 3rd Ado Daquio, 4th JF Palacio; Novice category: 1st Amay Labor, 2nd Bato Quiruson, 3rd Nikko Rebulla, 4th Louie Varquez; Panthera category: 1st Doro Quiroson, 2nd Nhel Ytac, 3rd Yangyang Taylaran, 4th Intchong Ruben.
Ang mga mananaog nakadawat sa ilang mga premyo gikan sa nagpasiugda.
