Cili ishte aktiviteti më i rëndësishëm kulturor në vitin 2002

« Ditët e Naimit 2002 » - ngjarja kulturore kryesore e vitit

Manifestimi letrar "Ditët e Naimit", si asnjëherë më parë ka tërhequr vëmendjen e artdashësve dhe të fjalës së shkruar, për tri gjëra: për suksesin e organizatorit që të sjell në Tetovë letrarë më eminentë nga disa kontinente të botës, për gostitjen e shkrimtarit tonë të madh Ismail Kadare, që ishte një sihariq i madh për tetovarët, sepse ardhja e tij në Tetovë nuk e kishte vetëm peshën e ngritjes së vlerave të manifestimit, por edhe një nderim i madh për shqiptarët këtu. Ndërsa e treta: ishte vendosja e shtatores madhështore të Naim Frashërit në platonë para Shtëpisë së Kulturës në Tetovë, me çka përfundimisht ky rilindas yni vendoset në qytetin rrëzë Sharrit. Pra, kishim një manifestim që në vete ngërthente tri ngjarje të rëndësishme kulturore, madje që do të shënohen në analet tona

Agron Tufa, shkrimtar

Ngjarja kulturore më e rëndësishme e vitit që lam pas ishte padyshim Manifestimi  Letrar Nderkometar i Ditëve të Naimit, i cili si për nga pesha e strategjia ishin të një rëndësie të madhe kombëtare. Vetë pjesëmarrja e potëve të njohur nga e gjithë hapsira shqiptare dhe nga vende të ndryshme të botës i tejkalon të gjitha përpjekjet kulturore letrare shqiptare, duke i dhënë një dimension më të gjërë ndërkombëtar . Aty u ngrit një shtatore poetit të Rilindjes Naim Frashërit që nuk e ken ë asnjë vend tjetër.

Fakti shumëdimensional dhe shumëdomethënës se në Tetovë ishte Ismail Kadare, tregon se ky festival po synon të bashkojë të gjithë zhvillimet dhe rrjedhat kulturore-letare të të gjithë trevave etnike në një tërësi dhe idnetitet të vetëm kulturor dhe kombëtar dhe kjo është cështje e vetme ku shqiptarët duhet të synojnë, pra të krijojnë një atdhe të përbashkët kulturor, si projekt të atdheut të ardhshëm i përbashkët.

Ismail Arsllani, gazetar

            Manifestimi letrar "Ditët e Naimit", si asnjëherë më parë ka tërhequr vëmendjen e artdashësve dhe të fjalës së shkruar, për tri gjëra: për suksesin e organizatorit që të sjell në Tetovë letrarë më eminentë nga disa kontinente të botës, për gostitjen e shkrimtarit tonë të madh Ismail Kadare, që ishte një sihariq i madh për tetovarët, sepse ardhja e tij në Tetovë nuk e kishte vetëm peshën e ngritjes së vlerave të manifestimit, por edhe një nderim i madh për shqiptarët këtu. Ndërsa e treta: ishte vendosja e shtatores madhështore të Naim Frashërit në platonë para Shtëpisë së Kulturës në Tetovë, me çka përfundimisht ky rilindas yni vendoset në qytetin rrëzë Sharrit. Pra, kishim një manifestim që në vete ngërthente tri ngjarje të rëndësishme kulturore, madje që do të shënohen në analet tona.

Flamur VELA, solist

Viti që lam pas ska se si mos të ketë shënuar me shkronja të mëdha ngjarjen historike kulturore, që pa dyshim pajtohen të gjithë se, ai është Manifestimi Letrar Ndëkombëtar « Ditët e Naimit 2002 », që u mbajt në Tetovë, ku erdhën në të njëjtën kohë dy figurat tona më të mëdha kombëtare. Ai i Rilindjes Kombëtare, poeti kombëtar, Naim Frashëri, dhe ai i letërsisë bashkëkohore, shkrimtari ynë i madh, Ismail Kadare. Festa letrare e këtij festivali ndërkombëtar ka lënë kujtime dhe ka krijuar emocione të paharueshme si për dashamirët e letrave shqipe ashtu edhe për nxënësit, studentët, profesorët dhe të qytetarët e Tetovës e më gjërë. Manifestimli i sivjetëm, i cili kishte një organizim jashtëzakonisht të mirë, do të ngelë në mendje edhe për bjerjen e artit të huaj letrar që këtë rradhë e sollën në Pallatin e Kulturës në Tetovës poetët e ardhur nga vende të ndryshme të botës. Salla këtë rradhë u mbush katër herë plot e përplot me njerëz.