Прылада для апрацоўкі беларускіх тэкстаў

Гэтая праграма можа быць выкарыстана пры праглядзе сканіраванага тэксту, дзе могуць з'явіцца лацінскія літары "icpoa" замест беларускіх "ісроа" і лішнія прабелы (некалькі прабелаў запар ці прабелы побач з дужкамі і кавычкамі.
Плануецца таксама зрабіць шэраг функцый тэхнічнай карэктуры.

Зараз рэалізаваны наступныя функцыі (пакуль чатыры):

Select font

— паказвае дыялёг, дзе можна задаць парамэтры шрыфта для выдзеленага фрагмэнта (калі няма выдзеленага - для ўсяго тэксту);

Remove formating

— выдаляе фарматаваньне для выдзеленага фрагмэнта (калі няма выдзеленага - для ўсяго тэксту);

Find errors (клавіша F7)

— праглядае тэкст і шукае "небеларускія" сімбалі. Калі сустрэне, выкіне дыялёг "Bad character. Replace?" Там паказана літара, якая лічыцца "небеларускай" і яе код (шаснаццатковы у Юнікодзе). Можна ўвесьці новую літару (ці яе код) і націснуць "Replace" або "Replace All". А можна забіць на гэтую літару - "Skip", "Skip All". Літару для замены можна ўвесьці непасрэдна з клавіатуры, ці задаць яе дзесятковы код (напрыклад "а" - 1072, "я" - 1103). Каб спыніць праверку - "Cancel", як звычайна.

Check punctuation (клавіша Ctrl+K)

— праглядае тэкст і шукае няправільнае выкарыстаньне сымбаляў пунктуацыі. Аўтаматычна замяняе:
два прабела побач --> адзін прабел;
прабел і зачыняючая дужка ці кавычка --> прабел выдаляецца;
адчыняючая дужка ці кавычка і прабел --> прабел выдаляецца.

Дзьве апошнія каманды ня дзейнічаюць на тэкст, азначаны, як цытата (Тools / Mark quotation = Ctrl+Q) - тэкст стане шэрым і курсіўным. Зьняць паметку можна пры дапамозе гэтай жа каманды.

Для гэных каманд ёсьць піктаграмы ў начыньні і пункты ў мэню.

Праграма працуе з файламі ў фармаце RTF (rich text format), альбо з тэкстамі (кадзіроўка - WinCyr) - файлы з суфіксам TXT.

Зьліць зазіпаваную вэрсію можна тут. У архіве акрамя праграмы ёсьць два файла для дэманстрацыі, як і што робіцца.