呢頁寫既係我一生最難忘既日子......可能有少少關於你嫁,留意下啦~
一九九九年九月十一日 星期六
今日係我拍咁耐拖以黎最開心既一日,因為我終於達成心願,我同Stephanie上佐山頂,好浪漫,一齊食同一杯雪糕,仲欣賞埋香港夜景,吹埋山風,簡直係拍拖最浪漫,最享受既境界.
二零零零年二月廿二日 星期二
今日係我十六歲大壽,亦係我最開心既牛一,第一次有近十人幫我慶祝,當時真係感動到喊,而且仲收到幾份禮物,多謝你地(契媽,賤人,夏惠姨,阿雞,阿豬,阿游,小明,勾佬),仲要多謝Albert既生草人.
二零零零年五月廿六日 星期五
今日勁開心,因為撞倒一個我一直想識(一年喇)既女仔----Natalie . 系今日之前,由上年七月,我一直都想識佢,不過當時我唔夠膽問佢,因為我覺得佢有少少串.不過見完佢幾次之後,我一直都幻想可以識到佢....到佐今日,我地無意中系旺角極能相見,仲埾埋電話,攪到我成晚都訓唔著......
二零零零年七月廿五日 星期二
今日去佐Camp,夜晚十二點正,我同四仔同阿星坐系沙灘上面聽海浪聲,吹海風,傾下計,本來無乜特別事,突然間見到流星系半秒內飛過,我緊係立即許願啦......至於許佐既願望,我希望可以有朝一日實現......
二零零零年十二月十九日 星期二
今日係學界足球既最後一場波,亦係最重要既一場,只要打和或嬴,我地都可以埾金牌...以為逼和長天就可以,開賽冇幾耐我就食佐張黃牌...跟住唔夠五分鐘...俾人入佐一球...如果當時我伸腳,可能唔駛失...跟住己隊狂攻不下...一球敗陣...雙手送個牌俾人...我臨完場前抱有捨己為人既精神,累意撞跌對方,俾人紅牌趕出場.賽後雖然喊佐成粒鐘,但眼淚都沖唔哂那種悲傷,那種失落......呢場係我終生遺憾之戰...
二零零零年十二月廿二日 星期五
今日既心情仲未平伏...所以就約佐一個女仔出街(搵佢幫手買gift),希望可以忘記場波...估唔到呢個女仔可以令我動佐心...傍晚,我見到妳,就有D奇怪,因為妳今日冇紮辨(妳紮辨靚D呀)...我地行尖沙咀,再到銅鑼灣,周圍走(經常迷失方向,可能妳見到我失哂魂,Haha),最後返到尖沙咀,妳幫揀我既gift,其實我好想買佐佢,但係我唔係想送俾佢,而係想送俾妳...我地系海旁傾計,我真係好開心,我已經好努力珍惜那段時刻...記得我曾經拖過妳隻手一兩秒(妳可能唔記得啦),我好後悔點解我唔繼續拖落去...妳話過妳好想去<白色聖誕>,當時我有D衝動想立即帶妳去,不過太夜喇,唸住第二日帶妳去,估唔到...到送妳返屋企既時候,我真係好想同妳講...我鐘意佐妳...我好後悔冇同妳講到...好後悔冇送妳返到屋企...好後悔冇拖緊妳既手...
二零零一年五月廿一日 星期一
辛苦一年半,可惜都戰敗會考...不過我要埾返我為佐會考失去既野!!!!
二零零一年六月十四日 星期四
今日,我終於約佐我鍾意佐半年既佢(十二月廿二日o個個)....而且我今日決定同佢講,我己經好多日都訓唔著,因為我等緊今日,計劃今日點同佢講...我真係好辛苦...系呢半年裏面,日夜都唸住佢....唸下點樣搵藉口約佢,結果用佐教琴既理由成功約到...但係我真係想彈"薰衣草"俾佢聽...不過佢唔係咁願意出o黎...出到黎我地睇"盜墓迷城2",我仲記得我地後面有個阿叔講佐D攪笑野...跟住去佐影咭,我地影佐兩次,並唔係因為第一次影得唔好,而係我知今日我講佐之後,妳唔會再出o黎見我...影完之後,又去海旁,我話過我鍾意佐一個女仔半年,不過我唔知同唔同妳講好o個個係妳,因為我今日知道妳己經有bf,我聽到真係好傷...不過,如果唔講,我會後悔一生,到送到妳屋企樓下,我鼓起勇氣...終於講佐,其實個答案我一早知,不過妳知唔知妳係我第一個表白既女仔...今日亦係我最勇敢既一日...
二零零一年六月廿二日 星期五
美加之旅開始,本來真係想逗留一個或兩個月,不過,我知我咁做,係因為想逃避某D野,一方面係逃避某人既指摘...一方面係妳...我會認真考慮...有D野真係放唔低...
二零零一年七月六日 星期五
美加之旅結束,勁好彩囉,撞正八號風,攪到一共坐佐廿幾粒鐘機...不過我勁唔想返!我真係想留低,勁唔捨得囉...係o個面極多鬼妹好傾...又友善,勁唔同香港!返黎又要煩一樣野...其實我系美加真係做到"心無雜念",而且唸通佐好多野...系美加又有個表妹阿明玩,又有阿妹幾好傾...如果留耐D,可能决埋車...可能蒲埋D添,不過,講真我真係鍾意多倫多多過香港...真係好唔捨得離開...
二零零一年七月廿日 星期五
估唔到我返黎之後有咁多野發生...早知我就唔返...留返系美加,返黎之後以為自己成熟佐,大個佐...唔再有煩腦...以為經過614之後自己好堅強,好勇敢...原來自己只係一個好無用既懦夫!我真係唔知自己應該點做...不過我D friends講得對...我真係一個只係識逃避困難既無用既懦夫...
二零零一年八月十三日 星期一
今日終於達成我拍拖既最後願望喇...夜晚我同阿Ju去佐赤柱沙灘...本來我地乜都唔知,邊度搭車,搭乜車,o係邊度落車都唔知,而且我地又勁"支力",瞎中中咁去,真係好危險,不過到最後我地都好才去到...去到個度都七點喇,天都黑...我地坐佐落去沙灘(haha,我地o係垃圾筒到執佐兩張乾淨既沙灘蔗,最後坐到俾D唔知乜野咬到勁痕lor)...我仲記得我地以為海裏面既浮波係個人頭,以為見到浮屍呀!我地一路坐一路傾計,我仲攬住妳,妳又訓o係我度.....個feel真係好浪漫,好正...我地仲數下天上面既星星,希望流星會出現,一齊許番個願,永永遠遠....之後聽下海浪聲,吹埋好暖既海風...我永遠都會記得今日我地坐o係沙灘...攬住對方...講佐一句....我好鍾意妳....
二零零一年九月二日 星期日
今日本來都無乜野既,聽日要返新學校,有D緊張lor.不過到佐夜晚,我發現我本好重要既diary俾我亞媽throw佐,勁嬲+勁唔開心...我嬲既係個D野係永遠都唔可以再刋番...我三年黎既回憶就咁土葬佐...我最唔捨得既係兩年前D開心&悲哀...仲有我同阿Ju既開心回憶...
二零零一年十月十三日 星期六
今日既學界足球可能係我今世最具意義既比賽...當我轉佐會既時候...人地問我如果我同英華一組,咁我會點...我當時無答佢,因為我估我無好才既...世事就係咁...當你估唔到d野就會發生...今日,好予盾...因為我仲係當自己係英華仔...仲好掛住上年英華既足球隊所得既銀牌...開波前眼見佢地"做法事",嗌"YingWaBest",我真係想走埋去一齊做一齊嗌...到開波...我心情仍然系度亂唸野...表現一無是處...上半場都頂得住佢地既攻勢...到完半場前,我解圍撻Q,龍門又走佐出黎,被人笠死,落後一球...下半場,我因攔波失敗,拉傷佐...本來我仲可以繼續踢落去,不過,唔知點解,我唔想再踢,主動要求換出...結果一球敗陣...賽後...我唔知開心定唔開心...我真係好想踢返英華...再一齊賽後晚餐,再一齊嗌YingWaBest,再一齊喊...
