|
VORIA CANTAR VERONA
Voria cantar Verona,
a una çerta ora de note,
quando monta su la luna:
quando i boschi che dorme
el par che i cora
dentro sogni de barche
a far fortuna
drio a l� aqua de l� Adese,
che va in serca
de paesi e de çità�
E alora che è finì
tuto el sussurro
speciarla zò ne l�Adese,
dai ponti,
e comodarla mi,
muro par muro
tuta forte nel çercolo dei monti�
E in dove è piantà
Castel San Piero,
su le rovine del teatro antico,
vèdar levarse su
come de fero
tuto intiero,
el castel de Teodorico,
e imaginarme
rampegada adosso
�na Verona cambià nei so colori:
tore e muralie
del quarel più rosso,
case dipinte e ponti levadori,
che se specia ne l�Adese ,che va
in çerca de paesi e de çità�
Berto Barbarani
|
|
