Şoara Şêhidê Alîyê Mîrzaliyê Sılêmani
Bıraê Hemedê Mîrzalîyê Sılêmanî
Apê Meleka Hemedê Mîrzaliê Sılêmanî
Şêhîdê Dêrsimî Seyd Rızaî ra pia darde kerdî
Mordem Roze Beno,
Roze Mıreno
Merdene Çıka?
Pêrodaisê Ma Wes vo!
Name tu yo osın û dar
Rowar, çekdar, çıtkar, karker
Çor hozor sera, ma tu sero vengdame
Venge domonu, venge cıniku, venge perodais
Venge Azadkaru, rowaru, çekdaru
Ma, eve roşta tij, eve roşta çekê tu, tu dıma vozeme
Ma verdo dısmen dıme, ma dovê pêro, eve çeku eve khuçu
Ma dove pêro eve zenge, torjê, brak û çakhucu
Seveta xelasê wêlatî
Ma cond rey verda dima, remna berd kerd tever
Peqena, est tever,çer û vir kerd kelpe dismeni
Ma qiltifong est, tirkêman est, ma klaşinge este
Seveta xelasê welatî
Name tu yo osın r dar, xanedan
Rowar, çekdar, azadkar, çıtkar, karker
Tu raa pêrodais mısne ‘ra ma
Tu çek dara ma dest, ma esto hu ver
Tu esto hu ver tu dave pêro eve cüamerdiê
Tu qırkerd qedenai dardi wê têde alayie tırkî Dêrsim de
Tu qulotıt roy, koyi, astarey, çewligi, mergi, puli
Tu çhêre-çherûna, heliê Koi, sevkan u çêkdar tu ya
Sosınê gılê Koi, vengê çêki Aliyê Mir Zaliyê Silemani
Tersune tu ver dısmen vozd da, çhekê hu caverdai
Tu verda dıme peqenayi pul u gerisu ra
Tu osporo khêwela, hermê tode çek
Şêne to ra çek, çımunê to ra çek
Name to ra çek, qese to ra çek
Perodaise to ra çek
Name tu yo osın u dar xanedan
Rowar, çıtkar, azatkar, çekdar
Çutir bi, hokmato bê namus, pê to gurett?
Çutir bi, hokmato bê namus, pê sıma gurett?
Sıma berdi darde kerdi?
Tu berda Xarpêt de vere çımunê Seyd Rızaj de
Vere çımunê Qemer u Yive Qajî de tu darde kerda
Dısmen wuast darde bıkero verva çımunê sıma
Lazê Seyd Rızay.
Sire ame Yive Qajî
Tersa Yive Qajî nê şi vere dara merdene
Kıstoğ u cendermunê tirk
Guret hard ra kaskerd Yrve Qajî
Tersa Yrve Qajî nê şi vere dara merdene
Seyd Rızay to de niyade leê hode
Tu va “Qesa tu sere mı sero Bava
Ma seveta xelasê welatî
Kotime era na raa pêrodayis dıme”
Tu vejiya ro kırşi ser, lâ guret est vile hu
Bine dara merdene de tu çıka, tu qırra, vake;
Ters çıko?, xof çıko, bervis çıko?
Tu çıka vake tesmıliyeni çıka
Merdenê çıka
Seveta xelasê welati pêrodaise ma wes vo !
“Mordem rozê beno, roze mıreno”
Tu lınga hu dêwê kırşı ‘ro, tu ve hu, hu dardê kerd
Sania ra lesa tu dara merdene ‘ra
Vıleşîa ‘ro osınê koî, puxur da lesa to ra
Vıleşaî mendi, koy bırri çewlıgê Dêrsımi
Bervai têde Koê Dêrsımi
Bervai aşırê Dêrsımi
Bervai têde vilikê koî, çhemî, pulî
Ma re pêrodaîse tu yo çekın mendo
Çhrmê tu yo çekrn mendo mare
Çekê herme tu mendo ma re
Na me tuyo osın u dar mendo ma re
Pêrodaise tu yo çekın mendo ma re
Cüamerdiya tu menda ma re
Qesa tuya pila gırse menda ma re
Bıne dara merdene de tu va
Ters çıko?, xof çıko, bervis çıko?
Tu çıka, tu vake tesmıliyeni çıka
Merdenê çıka
Seveta xelasê welati pêrodaisê ma wes vo!
“Mordem rozê beno, roze mıreno”
Dr. Alî Kiliç
Dr. Ali KILIÇ
Havalê Raê, Havalê Raê
Evin Çiçek
Havalê Raê, Havalê Raê
Dêlalê zeria mın a bele,
Baxçe bê axküde vıle çewte mı,
Bê welat û bê roj, neçarê mı,
Mı va ez to ’re
Kon ra zeria hu ya bele
Uska to re taxto de zernen vırazon
Bi ’ta, tu pulıkhe ho tade
Ez verva to de, nison ro,
Qaite to bon
Ez wuazon vialune haskerdene
To ’re khewi kerine
Xort u çênekune ozevu ‘ra axme kerine
Eve huayis mote dorme to bon
Tu bısıme,
Ez to re kon pır servete xorteni
Ez ho re destune hu
Eve xojiv hene bi kerine
Ez ni zon, ez se bi kerine
Çınare na çımune mı roşt nê diê?
Des û new seri de dina mı biê teng û tari
Ez direvtin, ez wele werdin mendune
Deze zeria mın a bele ’ra
Çımune mı’ra khıle dane hewrê asmeni
Mı, ho re, xojıv od kerdi vi
Pesare, amé eve dısmenenié
Sere mezala to de sene viluku dekerine
Ez ni zon mezela tu
Eve kamij çiçiniku bı neqeşnine
Ax ve mı’ro vo wuy lemıne bao!
ez bese ne kon
Ez tu hu vira nê kon
Urzê! urzê! delalê zeria mına bele, urzê!
Bê tu, weşia mı çina
Sewi nê qedine, hewni jede xıravine
Ez bervon peroz û pesewe
Ji hewru hierşi amei çimune mı ra
Xorte mı
Kami ke rındekia tu diê
Hêfê ho ame to’re
Nê teina dost u yari
Beaxkiyê ke düri ra hesnai, têdê pia amei
Ez to’ra se vaji?
Dorme ho’ra thomi nê con
Ez wazon vengê to bı hesnine
Boa araqe to bijerine
Zere çêi de eve xeyale fetelün
Şiwu jı şua bezna to vinon
Ez nê zon, çirare haskerdoxi pia nê mırene
Roé hu ke pia vejiê, dezi ra pia xeleşine
Haskerdoxu ’ra zu ke merd,
Zu ke mend zere çêi de
Düye şoar û xemkerdais
Beno berz lozunu’ra
Endi thôme ho çino dina de mendene
Kami ke kerda vindi, haskerdena hu
Vinena, fam kena, deze cigera hu
Endi jede waxt çino
Ezi ki to dıma yon
Ez endi wes nê manon
Eve na derdu
Bedele eşqe to ‘ra ez zof rew mıron
Ez büne khud dest û paé mı ni cene
Ez bese nê-kon hu ser raurjine
Deze haskerdena to ‘ra
Eve khulu dırvetune to nalon
Ez ve çınay? Eve çık?
Eve sene dermanu na dırvetu kon wes?
Çutur kon pak? Çutur reç kon rêmê dormi?
Ez dorme ho ‘de wuaştiyu vinon
Ez ne wuazon vere çeverde bı manine
Ez bese ne kon wedarine rozune bê to
Bese ne kon wedarine sare şaia ho
Ez bese ne kon teina vınderi, bı mani zere boni de
Ez hen zonon ke tayine pê bıne gula mı gureto
Dest esto bıne gula mı Wuazene ke mı xeneknene
Sewune hu ye dergu, ez, eve xeyale to xemelnon
Deze zeri’ra ho ra ez bese kon şerine heuwn’ra
Ez bese ne kon bı bervine bı norine
Havale mın kırmac zeria mı kota to
Zeria mına bele eve tü ya, zeleqia to’ra
Seveta dezo ke tu, do mı
Mı’re weşiê rındekiê nê menda
Haskerdoxe ke haskerdo yı mı fam kene
Bese ne kene adır khıla zere mı vıla kerene
Eke, Mezge mı axme bıkere eve osıne suri
Ax la lao Hevale Raa mı ez se bi keri?
Lilikê çhımunê mı to ho vira nêkene
Mordeme mı wuazene ke mı tora dür fiyene
Goçe xerivie, mıra bê-xever barkene
Nê wazene ke ezu bê kes û bê roz
Ez bêrine sere mezela to.
Yi wazene ke adır khıla zere serdın kere
Tu mıre bi vi tija zernene
Tu roşt û tani dêne mı zerê mı
Mı’re to’ra amene usar û amnuny
Jêde Xem nê vi hata sıpede nê rakotene
Hewn’ra nê şaene
Bê hewn manaene
Kam bese keno caé to bijero ne
Esqe to eve haskerdena to maneno
Guçıke zeria mına bele
Hata roza merdene tore rakerde maneno
Tu eve havalia huya raştiyê
Seru’ra avê taxt giredai vi guçıke zeria mı de
Eve haskerdena tuya gırsa pile
Zeria mına belê kılıt bia
Serre ke bêrê, şêrê
Adırê khıla zerê mı nê saynına we
Lea viala ke, eve haskerdene tu uê da
Bena pil, weşiê dana
Esqo vıren nê mıreno weşino
Kam bese keno bêro şêro
Verê taxtê tu yo ke zeria mına bele de ro
Kês bese nêkeno,
Sene zexmia gırse bena, bı vo
Bese nê keno lıngunê taxtê zerê mı bı lerzno
Seveta meymaniê u amaniê u şianiê
Kamıj bê çax uzm keno raa ho bivino
Çêverê Khêela zeria mı kılıt bia, ra nêvena
Hata roza merdene hen manena
Kês bese ne keno bıwano belavoka dılê mı
Coka Newseno, dıjdio mor bio
Çınare mıre hevalteni nê kerene
Her çio ke mı ve tora pia weşai vi
Qerare ho da hu vir amayena ho de
Yi e ke wuaze mı ho ’ra dür fiyene
Ez yine re amada ninu ne
Ez waştia hu seveta yine ca nêverdan
Ez wazon ke yi lesa mı vıraa ho kerene
Hata roza merdene
Ez yine pulosnon lesa ho ra
Kon germe eve hu vir ameyana hu
Zeria mına bela ke cemedia
Evin Çiçek
Copyright © 2005 Dr. Ali KILIÇ
Dr. Ali KILIÇ
Poézıa Lyrıca
EVİN ÇİÇEK
"Mirçıka Zerde"
Mirçıka zerde!
tu çıxaş wes wuanena, tu çiftnena
Qei se vi caé to çine vi?
Tu ama tıka sere sare mı’de wuanena
Ez to’ra van tu mı fam kena
Tu xerıvia mı, bêkêşia mı ki vinena
Yı tu, halene to esto
Yı mı, çê mı çino
Azadia to
Heşiria mına
Weşia to
Nê-weşaia mın a
Dorme tu pıro
Kês çino, ez teyna mendo
Bê mınetia to
motazia û dest rakerdena mına
Werdena leyrunê tu é azad
Wêsan maneena domonuné mın a
Mirçıka Zerde!
tu çıxaş wes wanena
Çıxaş wes perena ‘ra
Koçberi wedario nê mano têde dina de
Neçaria ke ama sare mı ser
zeria mına bele vêsnena
Sarê lazê mıno ke sarê ho noro şênê mı ser
vengê to hesna
Xafılde, riê hu çarne ‘ra verva asmeni lazê mı
Heto ju ‘ra poncıké huyê hit sayneno ‘ra
Heto bini ‘ra mı va su! su!
xojivê to mote laze mı çarneno ra to ser
Cigerê mı vano «daé ezik ji na mirçuku azad biene
Ez şiyenê welato ho, dewe ‘ve dewe feteliyene»
Mirçıka Zerde !
laze mı to gosdano
Azad û baweria tu zeria mın a bele vılesneno ro
Bê mınetaia to rındeke mı qarna
Çhımê ho to’ra mende
Çhımê ho to’ra nê-cevısneno ‘ra
Tu ki, corde yi de tei niadana
Sere solune ponu’de xılbeno, veng dano
Roştia çımune mı
«Hei Azadi tu koti menda?
Merdome ma axme bié şié kes nino ma pers ne keno
Tayre sima tede pia perene ‘ra bene berjı sone
Tayre khe dorme daru’de mende
Jı ma, pere yine dırvetin e.
Teina mende, bese nekene rapere
Beno khe werte ma de ferqe ho est o
mirçiki dırevetine, hema azad u serbiayé.»
Mirçika Zerde!
perskerdena şiren mın o khe zeria mı sero
Sare mı dezeno, ez nê wesu, hire mı sono
Mirçika Zerde beno khe fintoze mı’ra
Jede qesu gıranu perskeno
Vano;
«Daé qa Mirçike ma ki nia wes wuanene ?
Nê wuanene?
Çi waxt ez besekon son yine vinon?»
Mirçika Zerde!
tu ez berdu sere domonia mı
Tu ard vere çımune mı
Çikenia domonune dirvetin û gonın
Mirçika Azad !
Rengé Roj to’re bié namei
Mirçike welate mı
düy û buoa dermanune kimyevi de mendi
Bê asm û bé roj
Ez dewa ho silaié kon yene ‘ra mı vir
Ez cokaro amu ta lewe na çemi
Ez wuazon bivini çutır wele kena vala hu
gulune sur û beybunu
Çutır ue puluşina’ro kemeru
Ez mote tu bon bervon
Van eve zu venge dirvetin
Van “beso endi koçberi û bındesteni
Ma hata kei maneme nüa tevera
Ma hata keı welate ho vineme
Ez rast vinon her roj vıle çewtia domonune ho
Leıre to halene to’de baweria ho esta
To eve vatena ho dorme yine çeper kerdo
Leıre to weswuare eve tırkemane ewlekaria to
Kefweşié bara sıma wa
eve haskerdena azadi wes biane
To Leire ho eve wendisé huo delal kerde pil
Né venge béaxki,
tu eve venge ho kena pil
Mirçike welate mı !
Qır bi şi eve boa nefti
Bua zifti leirune yine xenekıtı
Leirê mirçıku ju dayıkune ho nê çıftnene
Mirçike welate mı
bıne barune tersu û gıranude bene
Tu se vana domonune welate mı’re,
Dardo we zone Dayıka yine
Nê dio rié dıbıstani eve hozoru domonu
Tu eve vatena ho
Domone ma
Mendi bê pi u bé maé
Bekeşeni yine re bia name
Zeria mın a bélé sero
domone mı tu gostdane raa ho’ra sone
Tu khe perse mirçikune welate mı kena
Ya rasta, halene yine eve bombu riznai
Mirçika zerde!
Welate to de çond mordemi
Seveve penaveria ma fam kene zonene
Vane «kırmaci ame ta vere ho kene mırd
Kırmanc hesave lete zu nun kene»
Raştié çika
Kırmacu seveta zılm û zordari bar kerdo
Qeı çınare sevio
Qa kırmamc ne wuazene khe
Harde hu yo zernen bı rame
Koledaru raa penaverié kerdo ra
Kırmanci nanero kelekune merdis ser
Peıra huyne
dıma peskurune xatırwuastene sanene ‘ra
Zeria bela kırmacu welate yine fine dür
Brau juvın’ra cerakene
zere serdinié erzene yine
Ya ya Mirçika Zerde tu wend mı gost da
Tu dirvetia serpeze mı da har kerdene
Beaxkeni neweşia be çevere arde kerde lesa mı
Şirene roé mı teselia weşeni kerde vindi
Qei çike ma çine vi khe?
Kemania ma çik e vié?
Ma seveta goneweru ‘ra bar kerd
Penaverié dard we mordemié û xısmenié
Xal ve Werezai’ra juvin’ra kerd dür
Kesayetia yine darde we
jı heve distari kerde hurdi
Ma bese ne kerd
haskerdene ho’de bijerime
zof mordemu hesnais û haskerdene kerde vindi
Béaxkeni bırnai tomoré mordem biané
Kerde xıravé rié Kırmacu
Copyright © 2005 Dr. Ali KILIÇ