Xeylasu dest kerd cı, Rozę Xızıri sıfte bi. Xeylasę sıma bımbarek vo!

Auteur - yazari: MEHMET DOĞAN Tarih, gün ve saat : 20. Ocak 2005 22:59:37:


Hometa ma GaĞani viarnay ra, Xeylasu dest kerd cı, Rozę Xızıri sıfte bi.

Xeylasę sıma, Rozę Xızıri bımbarek vo!

‘Xeylaşi’ -‘Rozę Xızıri’- Çele (Ocak/Januar/January) derę, yanę asma Çeliye derę. Çokaro ke, na asme ra ‘Asma Xızıri’ ki vame.

Hesavo newe ra gore asme ‘ke 12 viye, hesavę mao khan de serę asmeo. Hesavo newe ra gore asme ‘ke 13 viye, hesavę mao khan de asme 1ya. Yanę wertę hesavę mao khan ‘ve hesavę newey de 12 roji ferq esto.

Hesavę mao khan ra gore 13nę na asme de asme 1ye viye, ewro asme 8a.

Hesavę mao khan ra gore asme 1ine ra dıme ‘şęseme-çarseme-phosemo’ vıren (hire roji) Xeylaso vıreno, ‘şęseme-çarseme-phosemo’ dıine Xeylasę dıino, ‘şęseme-çarseme-phosemo’ Xeylasę hireino, ‘şęseme-çarseme-phosemo’ peen ki Xeylasę çorino. Yanę çor heşti/çor heftey, çor rey ‘şęseme-çarseme-phoseme’.

Nae ra gore esmer Xeylaşi (Rozę Xızıri) na rozu derę:

Heştę 1ine: 18-19-20 Çele/Ocak/Januar/January 2005
Heştę 2ine: 25-26-27 Çele/Ocak/Januar/January 2005
Heştę 3ine: 01-02-03 Gujige/Şubat/Februar/February 2005
Heştę 3ine: 08-09-10 Gujige/Şubat/Februar/February 2005

Kırmanciye de, Dęsım de, ca ve ca, aşir ve aşire heştę ho vurino. Tam nęzonon, vajime ke (örneĞin!), heşto vıren aşirę zerrę Dęsımi (mıntıka Heyderu, Demenu, Alu, Karsanu, Arezu...) roze cęnę, heştę dıine… Oncia van, ninu tam nęzonon, her kęs kokumunę hora pers kero.

’Raa Ma’de, Itıqatę Kırmanciye de, Itıqatę Dęsımi de, ‘Raa UzaĞ Oli’ de, ‘Raa Xızır-Duzgın-Oli’ de en asma bımbareke na asma, ’Asma Xızıri’a, en rozę bımbareki ‘Xeylaşi’ę, en rozo bımbarek ‘Rozę Xızıri’o, en qırvano bımbarek ‘Qırvanę Xızıri’o.

Reyna, Xeylaşi amę, xęr amę! Xeylasę sıma, Rozę Xızıri bımbarek vo!

Itıqatę Kırmanciye ra, Itıqatę Dęsımi ra, ‘Raa UzaĞ Oli’ ra, ‘Raa Xızır-Duzgın-Oli’ ra duri mekuyę!


Mehmet Doğan

20ę Çeley 2005

Cevaplar:
 

 

 

Hosted by www.Geocities.ws

1