Kılama HEMEDÊ QEMERÊ SEKINA serva tharva ajiya Laze ho Muslım (DR BARAN) sero:

Dersim Forum

Auteur - yazari: HEMEDÊ QEMERÊ SEKINA (Tornê Mirzê Silê Hemi/Tornê Hemedê Qemerê Sekina) I_KILIÇ Tarih, gün ve saat : 27. Ocak 2005 03:34:48:

Copyright © www.MaMeKiYe.de
Tornê Mirzê Silê Hemi
Tornê Hemedê Qemerê Sekina
Ismail Kılıç

Kılama HEMEDÊ QEMERÊ SEKINA serva tharva ajiya Laze ho Muslım (DR BARAN sero:

Yeno yeno yeno,
roze posema beno

Yeno yeno yeno,
Roze posema beno

Ezo khalo kokımo
Dımê fetelüino

Ezo khalo kokımo
Lazê ho dımê fetelüino

Yeno yeno yeno
Destê Haqi yeno

Yeno yeno yeno
Xızırê Serê Derya mıre ano

Yeno yeno yeno
Roze Destê Haqi yeno

Domonê mı kune işkênce
Islam phoncas-u-phonc (55) roji tede mendo

Yeno yeno yeno
Domonê mı kune işkênce

Islamê mı (55)-phoncas-u-phonc rojio
Işkênce de mendo
Kam ke işkênce ‘ra yeno
Derdê Islamê mıre berveno

Islamê mı işkênce kenê,
Cıra qese nêcenê,
Qese nêvano
Kêşi nêvêsne no,
Kêşi nêvêsne no

Islam verdo ra jê geyi gure to
Vane çêne raşt kam demise yi daru benê

Islam verdo ra jê geyi gure to
Vane çêne kam demise yi daru benê

Viştu-zu-roze (21) işkênce de ro
Qesunê ho nêvano
Texsicêni berdo verê çêverê Qereqoli de gıre do

Ez yeno-sono
Cigerê mı zırçeno
Ez yeno-sono
Cigerê mı zırçeno

Mı dilekça vırasta berda da Sıkıyönetim Qomutani
Vano, „def ’ve çhımê mı to nêvine”

Mı va, -ninu lazê mıre-, işkênce kerdo
Vanê, some Taxsi re niadame

Yazıðê Hukmati ‘ve ma nino
Ma vera işkênce keno

Baş Çavuş biyo tever, „mı tomdano, vano, def ‘ve tara su”
Ezo kata şêri, dar-u-khêmer mıre bıber vo
Wertê Mamekiye de çına re mare Sıkıyönetim honde zoro

Way lemın lemın lemın
Ezo kokım gıno ero Alamanya ro
Tede fetelüino, lazê ho dosnêker do

Vake, „Apo lazê tu weso, Destê Haqi roze yeno“
Ezo gıno ’ro Alamanya ro, de Apo qeda, lerze

Isala mıre xevera de xêre anê,
Ez ke nıka şüne, cüavê Veyva ho ‘ve Tornê ho çıtur bıdi?

Ez ke nıka şüne, cüavê Veyva ho, Tornê ho çıtur bıdi?
Haqo Haqo Haqo
Ma de hal çino
Ya Haqo Haqo Haqo
Mı va Haqo, lazê mı, mıde vejino
Ezo Haqo Haqo Haqo
Raa tore Qırvanê bıkeri

Derdê Cıgerê zoro
Kês damis nêbeno

Derdê Cıgerê zofo
Ezo damis nêbeno

Domonê mı gêre kerdê
Her jü do ’ve cae
Her jü do ’ve cae
Ez sebı kerine!

Fikretê mıi do ‘ve Malatya
Hesen Wuşênê mı esto Urfa

Fikretê mı do ‘ve Malatya
Hesen Wuşênê mı esto Urfa

Aydınê mı do ‘ve Vani eskerê Dewleto

Zekiyê mı Sıkıyönetim hetde ro,
De ez sebı kerine!

Ala kam ke hewlo
Jê mı damis ve ro!

Ala kamiji pi ke hewlo,
Jê mı damis ve ro!


Vatisê na Kılame: Hemedê Qemerê Sekina serva Laze ho Muslim (DR BARAN) sero vata.
Kami na Kılame qeyd kerda: Tornê Hemedê Qemeri, Ismail Kilic.
Caê vatisê na Kılami: Suka Alamanya-Wanne Eickel de Çê Sılemani ve Xaskare de
Xaskare: Çêna Hemedê Qemerê Sekina
Sılema: Lazê Ivraimê Silê Hemi

Copyright © www.MaMeKiYe.de
Tornê Mirzê Silê Hemi
Tornê Hemedê Qemeri Sekina
Ismail Kılıç

Dersim Forum
 

 

Hosted by www.Geocities.ws

1