一便本利  97年  292 期

他自稱叻人，上至監製下至台長都玩過整蠱過，一個叻兩個叻，叻三個地評核過．

他被稱為串人，對某些問題會九唔搭八或避而不答，尤其是緋聞．

他以搞笑闖出名堂，實則卻性格悲觀：「因為我搵唔到啲開心ｏ既嘛，好簡單啫，你有啲乜嘢開心呀？」

或許如童年時，梁榮忠簡單的想擁有自己的床，不用再蓆地而瞓也要等好幾年，開心咩!

*            *            *            *

一張床一間房

屋邨長大的忠仔，細個己經想過獨立生活，并非反叛，而是想擁有自己的私人空間．

「我屋企８個人，住ｏ既地方得２００呎，連埋廁所連埋住所．我屋企有２張碌架床，１大１細，細嗰張就我阿哥瞓上面我老豆瞓下面；另外嗰張就我兩個阿哥瞓下面２個家姐瞓上面，咁我同我阿媽就瞓地下喇，所以嗰時ｏ既願望係想有一張床．」

「到大個啲阿哥家姐搬咗出去住，終於有張床，但係嗰張床其實係夜晚擺落嚟變床，日頭摺番埋變木　果種．咁就希望有間房，因為真係做唔到嘢．

眼眸掠過一絲落寞的忠仔，終於在１７歲時己再冇問屋企人攞錢，２１歲就同朋友搬出來住．

*            *            *            *

讀過演藝個朵響啲

讀書講天分，忠仔坦言這方面的智慧不高．「一直以嚟，屋企俾我ｏ既觀念就係讀得書多固之然好，但就唔係咁重要，我阿媽最想就係你喺中環搵份工，寫字樓嘛，安安定定，供層樓娶個老婆．

「嗰時好怕呢嘢，可能我不嬲同屋企諗嘢唔係好相近．我最初 讀演藝唔係因為想做演員，而係想讀間大專院校，個朵響啲，因為其他個個都Poly.(理工）又乜乜大學，唔讀發覺發覺自己冇辦法喺呢個社會生存，加上嗰時演藝ｏ既收生條件低啲，中五畢業就得喇．」

   *            *            *            *

硬係差少少，我唔知足

對於自己的五官，忠仔認為「分開ｄ眼耳口鼻逐忽睇係OK，但擺埋一齊呢，就硬係差咗少少．」就是這少少，令忠仔覺得唔嗲唔吊夾在中間，亦是這少少，令觀眾覺得佢夠鬼馬夠搞笑．

「係因為細個冇得玩，所以宜家投射出嚟喺外表度啫．其實我唔係一個咁開心ｏ既人，一來我唔係咁滿足，所以知足常樂係啱ｏ既，因為我唔知足，得一想二．但係呢啲冇錯架．得一想一你己經得咗咯，咁你冇咩諗，你話個人邊有進步」

「人生就好似一條鯊魚咁，唔可以停落嚟，一停就會死，，不錯，要做好多嘢，但係睇吓你將呢様變做壓力定原動力啫．坦白講，宜家係做到有啲攰，但衝勁重有ｏ既，應該係話以前有股傻勁，乜嘢都夠膽死去做，而家就係真係睇清楚所有ｏ既嘢先至做．」

*            *            *

旋轉木馬

雖然是叻人，忠仔還是遺憾童年冇過．正如到逹溪澗影相時，有一班細路在嬉水捉魚，忠仔慨嘆：「我嗰時最想到ｏ既地方，只係屋企樓下個公園玩韆鞦．細個嗰從來有試過同班朋友仔山澗捉魚，去　　山，好多細路仔應該有ｏ既嘢我都冇．」

「我廿幾歲先到過海洋公園玩我一生中第一次ｏ既旋轉木馬，玩之後重係都要玩多轉先肯走．嗰時真係好開心，等咗咁多年，騎上去一刻真係好開心．」