|
入行十五年的梁榮忠，因為《殘酷一叮》而在短短個多月成為當紅主持，給他前所未有的滿足感。他現時無論去行街或是看戲，均有一批fans包圍擁住，令他終於嘗到做明星的滋味。
事業平地一聲雷
個多月前，梁榮忠還只是一個普通的電視藝員，平日逛街睇戲，也未必引起途人注目；直至上月初，忠仔與李克勤主持的無綫新節目《殘酷一叮》播映後，全城起哄，深入民心，而忠仔亦一下子成為當紅主持，除了報紙雜誌爭相邀他做專訪外，城中各大小活動亦紛紛力邀他做嘉賓，沾一沾他的旺氣，甚至現時逛街睇戲，忠仔總會被fans包圍簇擁。入行十五年，忠仔終嘗到做明星的滋味。
喜跟許冠文學習
演藝學院第二屆畢業生出身的忠仔，揚言《殘酷一叮》是他一個意外收穫、一個驚喜，尤其是近日因為主持這個節目而獲許冠文賞識，找他為其下月在紅館舉行的「許冠文鬼馬Talk
Show2005」做資料搜集，有機會跟偶像許冠文學習，忠仔的感覺是又興奮又榮幸。
不過，最令忠仔感到鼓舞的，是《殘酷一叮》近日竟引起馬來西亞和台灣電視台的注意，準備向無綫購買《殘》製作版權，推出大馬版和台灣版的《殘酷一叮》，情況就如世界各地向英國購買《百萬富翁》製作版權一樣。
忠仔興奮地說：「若然成功�H話，將會係香港電視史上一個突破，因為𠵱家唔係話買節目喺當地播咁簡單，而係當地想搞一個當地版�H《殘酷一叮》，以前我哋用得人哋�H嘢多，𠵱家調番轉頭人哋想用我哋�H嘢，證明香港節目有一定水準，莫講話主持，就算身為香港人，呢件事真係好值得驕傲。
「我亦好希望第時連日本、澳洲、歐洲、美洲甚至非洲�H電視台，都會買我哋節目�H製作版權，實行衝出亞洲，為香港人爭光。當然，最好到時每個國家製作《殘酷一叮》時，都會搵埋我同克勤去做第一集�H評判，甚至用埋我哋首主題曲，咁就最好啦。」
最愛還是做演員
無綫近年的司儀人才似乎青黃不接，忠仔可曾想過晉升為新一代「金牌司儀」？又或者再接拍劇集，作多線發展？他笑說：「我之前都冇諗過《殘酷一丁》會咁受歡迎，我決定做一樣嘢之前，通常都係諗最差一面，諗吓自己承唔承受到，所以一切都係順其自然啦！至於會唔會拍劇，就要睇吓公司安排，我讀戲劇出身，就緊係都鍾意做戲啦。」
愛情半同居關係
忠仔入行以來緋聞不多，舊愛傅明憲已嫁給富豪葉劍波，提起這段情時，忠仔以淡淡的語氣說：「早排有傳葉生經濟有問題，都有記者打電話搵我做回應，我當時一頭霧水，心諗冇買佢隻股票喎，後來先知係因為傅明憲佢先打嚟問我，其實我同佢一直冇聯絡過。」
曾想當爸爸
至於現任女友鍾麗淇目前已甚少拍劇，最近更轉行跟黃佩霞教授瑜伽，問他女友可是刻意退出娛樂圈？忠仔說：「對於佢嚟講，圈內圈外都冇分別，都係一份工作，最緊係搵到工作�H樂趣。」
問忠仔何時迎娶鍾麗淇？他說：「我二十五歲時有念頭想做老竇，不過後來就冇諗，目前會諗喺工作上再搏殺先，我係屋企孻仔，阿媽以前都成日催我結婚，想了咗件心事，不過近年已經死咗心，唔理我。」問忠仔與鍾麗淇目前是否同居？他故作神秘說：「佢都有屋企，唔好講係咪同居啦，總之佢可以喺我屋企自出自入囉。」
|