| 東方日報 |
 |
| 阿姐被窒啼笑皆非 |
|
|
|
無綫騎呢表演大賽《殘酷一叮》前晚錄影第四集，參賽者年齡由五歲至五十歲不等，大都以齋唱為主，普遍缺乏娛樂性！當中較可觀是五十歲的林碧蘭，以八十年代「朱咪咪」式的歌舞廳打扮，大唱《今天不回家》，本來表現不俗，可惜擔任嘉賓評判的汪明荃唔多buy
，二十八秒即叮人出局，還寸對方歌、衫唔襯：「個shoulder pad ……包裝好似八十年代，首歌就六十年代，人哋姚蘇蓉好靚㗎！」
有參賽者就大玩策略，以夫妻檔擦評判鞋兼扮阿姐，氹得阿姐唔捨得叮！不過六歲台主莫凱謙就初生之犢不畏虎，竟敢有眼不識阿姐！難怪阿姐都說：「頭先問佢識唔識《勇敢的中國人》？佢就話：『我一九九八年出世㗎。』再問佢識唔識《萬水千山總是情》？佢就講：『聽過。』」令阿姐哭笑不得！事後問他怕否觸怒阿姐，他更搖頭說：「咁我係唔識嘛！（點解唔學阿姐啲歌？）個key 唔啱嘛！」 克勤無被嚇窒 至於全晚最高潮就是唱《友共情》的胡德威，本來他唱得平平無奇，早在二十九秒被梁榮忠叮出局，怎知阿姐竟大發雷霆：「我都未叫叮，點解叮呀？我先係評判喎！」嚇得本來「手不離叮」的克勤及梁榮忠收手，由阿姐獨攬生死大權！大會更即時安排take 2 翻叮，最搞笑是阿姐竟於二十八秒便叮人，令參賽者少咗一百蚊，他向阿姐賣口乖說：「係咪加埋兩次秒數（五十七秒）？」阿姐尷尬說：「唔叮都叮咗。」事後她解釋說：「我都冇望（counter ），憑自己感覺叮咋！」 過往節目標榜騎呢取分，不過阿姐似乎「唔多受」，較着重參賽者的歌喉，而且又較手緊勁叮人，結果由台主以七十秒冧莊，不過他以學業為先放棄蟬聯。事後克勤力撐阿姐說：「阿姐不嬲都出人意表，我哋都希望唔同�H嘉賓有唔同準則，令節目豐富啲！（係咪畀阿姐嚇窒？）橋嚟啫，點會嚇窒！」 六歲台主莫凱謙雖然有眼不識阿姐，最後仍以七十秒佳績蟬聯寶座。 |