| 新報 |
 |
| 忠仔扮評判 阿姐發威 唔准亂叮 |
|
|
| 日前發生《殘酷一叮》八歲女童被叮走致其母心臟病發事
件，引來外間激烈批評，指無綫有「教壞細路」之嫌。前晚錄影之《殘酷一叮》則請來汪明荃擔任評判，由於阿姐着重參賽者的音質，故極速叮走「騎呢」參賽者，而李克勤則全晚未「叮」過。當梁榮忠出手「叮」走參賽者胡德威時即遭阿姐怒罵他，場面尷尬。最後由六歲的莫凱謙「冧莊」榮登台主寶座，拿走總值十多萬的獎金和獎品。
【本報記者曉妍報道】前晚阿姐擔任《殘酷一叮》評判，主持人李克勤及梁榮忠介紹六歲莫凱謙出場時，阿姐問他：「你識唔識《勇敢的中國人》？」莫凱謙竟答：「我九八年出世㗎喎！」阿姐再問他：「有冇聽過《萬水千山總是情》？」莫又答：「聽過！」弄得阿姐也沒他辦法。 前晚莫凱謙以七十秒獻唱《愛與誠》，再度榮登台主寶座，累積了二萬八千六百元及總值十多萬獎品可即時取走。問他何不學唱阿姐的歌？他說：「個 Key唔啱， (阿姐嬲你唔識唱佢啲歌？) 咁我真係唔識唱嘛！ (驚唔驚阿姐？) 唔驚，不過有少少惡啦！」 前晚五十歲的林碧蘭以廿八秒唱《今天不回家》，阿姐即笑她：「你八十年代造型喎！」而十八歲的胡德威唱《友共情》時，阿姐本聽得津津樂道，但忠仔卻在二十九秒「叮」他，阿姐即罵忠仔：「我都未叮，你做咩叮？我先係評判！」嚇得忠仔連忙道歉：「係�H！係�H！對唔住阿姐！」後來阿姐讓胡德威重唱一次，不過她在二十八秒便「叮」 他，令胡德威白白失去一百大元。 阿姐身份特殊 由於阿姐着重參賽者的音質，故極速叮走「騎呢」參賽者，似與《殘酷一叮》原意相違，對此阿姐淡然謂：「得個玩字，冇話邊個得，呢個節目我冇睇過， (你畀分畀得好手緊？) 憑我自己感覺啫！」而整晚沒有「叮」人的李克勤則說：「每個評判都有自己�H準則，阿姐着重唱歌方面，有佢�H角度，阿姐都係認真啫！」監製錢國偉解釋：「阿姐同普通人唔同，係得佢有資格咁做， (唔怕做壞規矩？) 三位評判都冇問題，幾意想不到， (三號胡德威少咗一百蚊喎？) 佢話唔介意！」 |