| 新報 |
 |
| 籲參賽者享受得失霆鋒唔叮「栢芝」克勤代出手 |
|
|
| 無(線)節目《殘酷一叮》主持李克勤及梁榮忠，前晚於旺角新世紀廣場舉行兩場試叮大會，共派了一百四十個籌。謝霆鋒擔任第一場嘉賓評判，而第二場則由監製錢國偉及副主持鍾禧文擔任評判，霆鋒就遇上「(柏)芝」！
【本報記者莫菁、曉妍報道】在比賽結束後，一名八歲的小女孩參賽者因為落敗，由母親陪往尖沙咀散心。途中她大發脾氣，然後獨自跑去，嚇到其母心臟病發被送院救治。 對於這位極速被叮的八歲小朋友落敗，主持人李克勤昨日為《殘酷一叮》錄影時，勸喻大家不要把得失看得太重，他亦未知前晚的賽果，他說：「前晚我負責一場，另一場係監製同幕後負責，我當時唔在現場，我都了解過。我勸喻參賽者唔好睇得失睇得咁重要，都係一個遊戲節目，今次唔限年齡，係想大家有一個親子活動，唱得耐唔代表入圍，唔得亦唔代表冇得入圍，賽果又未知。」面試機會無限次 克勤透露構思這節目時，無(線)已表明節目宗旨是「不可有人身攻擊」，他說：「開始到目前，講明說話唔可以帶有人身攻擊性，亦唔可以奚落參賽者，我同忠仔都做到！如果呢位小朋友入唔到圍，咪請佢o黎睇，畀佢感受現場氣氛，不過我都勸喻家長們應該畀個訊息，參賽應該輕鬆面對、享受過程，面試都係無限次，今次唔得咪下次o羅！」問到克勤有否忠告給參賽者？他說：「玩得先o黎參加，好似玩《獎門人》都要濕身黏紫菜啦，唔得就唔好玩。」 節目監製錢國偉則表示：「都未知邊個入圍，克勤話畀飛係人情，其實都唔算好快叮佢，叫佢放心啦！台主都有句金句『上o黎玩o下o者！』好似讀書考試咁，跌低o左咪起番身o羅！」扮霆鋒似伍佰 前晚首次擔任評判的霆鋒被問到有何準則？他說：「最緊要係盡力，其他都係睇克勤同忠仔頭。」他大讚參賽者勇氣可嘉，如果要叮走人，他笑言會叮走自己，因自己的臨場表現不太好。問到若參賽者扮栢芝或王菲，他會否給多些分數？他笑道：「要睇整體。（會唔會去錄影現場做評判？）視乎時間。」霆鋒寄語參賽者不要因參加比賽而影響學業，希望台主背歌詞就像讀書一樣好。 前晚有位戴上太陽眼鏡的參賽者，自言是扮霆鋒，不過霆鋒就指他似伍佰多些。有一位馮小姐梳了髮髻手拿結他，但卻唱歌就似朗誦般，她自言是藝術家，叫評判不要叮她，若聽不完她的表演就是評判的損失，但梁榮忠就表示在香港，一個招牌跌下來就可壓死幾個「藝術家」，完全不畀面，當她像唸經般獻唱時，就立即不客氣叮她出局！而十六號參賽者唱容祖兒的《抱抱》，他表示此歌要點給無(線)男藝員杜大偉聽，克勤就笑言很期待對方上台表演！「(柏)芝」唱《任何天氣》 有一位參賽者是南亞裔人士，但廣東話十分流利，甫上台即向大家拜年，他唱譚詠麟的《愛情陷阱》，更揚言贏得獎金會用來做善事。有一位女參賽者唱張(柏)芝的《任何天氣》，她表示此歌是為霆鋒而唱，因霆鋒曾與(柏)芝傳緋聞。一位參賽者身穿睡衣及拖鞋唱《有病呻吟》，即被評判取笑他有病就去看醫生！ |