| '05搵快錢《殘酷一叮》吸水攻略
壹本便利 2005年1月26日 |
 |
|
由於一個孔慶翔，令廣大市民明白到只要有勇氣，願望可成真。為了順應潮流，無綫鐵定於2月5日推出仿效美國電視節目"American
Idol"的遊戲節目《殘酷一叮》，本星期日首日面試更吸引了二百多人參加，它除了為有強烈表演慾的人大開方便之門外，而且更設有獎金制，每唱一秒即有一百大元，重分分鐘俾唱片公司發掘，成為Local版孔慶翔。想要貼士搵快錢？《便利》率先找來主持兼評判之一的梁榮忠，親身講解點先可以成為吸水兵團。殘酷一叮玩乜根據《殘酷一叮》的監製錢國偉表示，《殘》雖然是以唱歌為主，但演繹方式卻十分自由，而且錢監製更開宗明義講明最好參賽者夠搞笑（即係要騎呢!）換言之只要參賽者夠信心、形象夠爆、表演夠出位就最好。至於表演形式不限，即是你可以一邊煮飯一邊唱又得，甚至噴住火唱都得，而且歌唱形式不限，唱黑人hip
hop甚至大戲都得，總之各位自由發揮，令到殘酷評判團睇你愈耐愈好。
設台主制《殘酷一叮》最吸引人之處是秒秒都有錢，唱一秒得港幣一百，直到被叮為止，如果你成功吸引評判讓你唱足二分鐘（上限為兩分鐘），萬二蚊即袋袋平安。另外，更設有台主制，每集成功唱得最耐的參賽者，有權於下集繼續挑戰其他人，如果再度連任，獎金即時加倍，即如果是唱到兩分鐘而成為冠軍（一萬二千元），下一集再成為冠軍，不論你唱了多久，都可以得二萬四千元，如果成功ポ莊超過幾集簡直好過中馬仔，但如果不幸在下一集落敗就只能得總獎金一半，自問有計的不妨搏盡。若錯過首輪面試，不用灰心，無綫會於2月16日進行第2次面試，至於地點則另作安排。 忠仔教吸水大法講明遊戲叫《殘酷一叮》，各位評判自然不會「叮」下留情，而三位評判（除李克勤和梁榮忠外，每集還會邀請一個特別嘉賓），更會學足美國真人show《一夜成名》一樣，狠評各人表現，身為評判之一的忠仔更講明唔會俾面，如果有參賽者寄望可蒙混過關，隨時2秒就被叮走。好，睇下忠仔點教路！（以下均為模擬圖片） 1 outlook要爆露臍露腩因為《殘酷一叮》秒秒都係錢，而且參賽者所得獎金完全掌握於三位評判手上，除非閣下自命靚仔過陳冠希，否則各位參賽者外形一定要夠出位。忠仔教路：其實唱歌只係其中一part，就算唱得難聽都唔緊要，最緊要係佢個look夠奇特，可以吸引到我哋評判�H注意，如果個樣平凡加上着啲衫唔夠特別，可能分分鐘未開口已經俾我哋叮走。 2表演要激舞棍弄扇《殘酷一叮》講明要搞笑，如果齋企賣唱欠台風，就算唱得好過Eason，依然難逃被叮厄運。忠仔教路：個參賽者想點玩都得，可以用其他道具，而且一字馬又得、倒立又得，總之有咁激得咁激就最好，切忌企喺度唔郁。 3臨「叮」出秘技埋身肉搏如果閣下出盡法寶都得不到評判團垂青，一見勢色不對便要即刻變陣。忠仔教路：雖然話殘酷啫，但若果見參賽者肯賣力又肯花心機，通常都會俾多次機會佢，就係臨叮之前俾個signal，例如我哋會將隻手放定喺個叮上面，又或者托頭，咁呢個時候參賽者就要出必殺技啦！隨時可以生還多幾秒。而我哋首集嘉賓評判係劉德華，大家醒目就諗定華仔鍾意睇乜，咁樣就襟玩啲。 睇首輪面試學嘢無綫於上週日（23/1）在將軍澳新都城商場舉辦了一個試叮大會，除了忠仔外，重有男高音莫華倫同歐瑞強客串做評判，吸引了250位市民報名參加，不過其中大部分參賽者都只能唱幾秒便被叮走，而無綫將會於2月16日舉行第二次公開面試，大家記得要從以下失敗例子中汲取教訓，避免犯同樣錯誤。 |