Saaxil Online:-Wasiirka Wasaarada Warfaafinta Mudane C/Laahi Maxamed Ducaale ayaa booqasho rasmi ah ku tagay magaalada Burco ee xarunta Gobolka Togdheer,Wasiirka

Mudane Ducaale ayaa intii uu booqashada ku joogay magaalada Burco waxaa uu gudo galay hawl lagu balaadhinayo baahinta Idaacada Radio Hargeysa taas oo uu Wasiirku kala wareegay dhlainyaro reer Burco ah baahiye FM ah oo ay hore gacantya dhalinyaradaasi ugu hayeen isla markaan ay ugu taburuceen Wasaarada wafaafinta si ay uga qayb qaataan dedaalka ay Wasaradu ugu jirto inay daboosho baahida Idaacada Hargeysa ay u qabaan gobolada Dalku.
Wasiirka Wasaarada Warfaafinta Mudane C/Laahi Maxamed Ducaale waxaa uu sheegay in qalabkaa ay dhalinyaradaasi ku wareejisay ay qayb muhiim ah ka qaadan doonaan baahinta idaacad ee gobolada Bari ee Somaliland waxaana uu wasiirku sheegay inay mudo gaaban gudaheed ku hawl galin doonaan taas oo macanaheedu yahay in Idaacada Hargeysa si wanaagsan looga dhagaysan doono magaalada Burco iyo nawaaxigeedaba.
Idaacad Radio Hargeysa ayaa laga dhagaystaa magaalooyinka

Hargeysa,Jabuuti,iyo meelo kale oo ka mid ah gobolka shanaad ee dalka Itoobiya

laakiin fursad uma helaan inay dad badan oo ku nool magaalooyinka kale ee Somaliland inay maqlaan taasina waxay dhibaato ku haysaa dadka goobaha magaalooyinka ka fog jooga oo aan awoodi Karin isticmaalka internetka,ama akhriska wargaysyada kala duwan,tanina waxay sahli doontaa inay dadkaasi helaan xogta maalinlaha ah ee ay baahiso idaacadu iyo madadaalooyinkeedaba.
Dhinaca kale,Wasiiru Dawlaha Wasaarada Arimaha Gudaha Mudane Aadan Maxamed Mire (Waqaf) oo isna ku sugan magaalada Burco ayaa shalay dadweynaha gobolkaa kala hadlay meel fagaare ah waxaanu sheegay in ay Somaliland adeegsan doonto xabad si ay u sugto amaanka xuduudaheeda,isagoo ugu baaqay dadweynaha reer Burco inay iska ilaaliyaan waxkastoo carqalad ku keeni karaa himilooyinka lagu sugayo xuduudaha dalka.